ଯାତ୍ରା ମଞ୍ଚରେ କଳାକଳରଙ୍କ ଅଭିନୟ ଦେଖି ତାତିଲେ ଦର୍ଶକ, ଚେୟାର ଫିଙ୍ଗିବା ସହ ଷ୍ଟେଜକୁ ଉଠି ମାରିଲେ ଚାପୁଡ଼ା
ନନ୍ଦିଘୋଷ ବ୍ୟୁରୋ: ଯାତ୍ରା କଳାକାରଙ୍କ ଅଭିନୟକୁ ସତ ମାନି ନେଲେ ଦର୍ଶକ । ଅଭିନୟ ଏତେ ଜୀବନ୍ତ ଥିଲା ଯେ, ରାଗ ତମତମ ଦର୍ଶକ ଷ୍ଟେଜ୍ ଉପରକୁ ଚେୟାର ଫିଙ୍ଗିବା ସହ ଉପରକୁ ଉଠି ଆସି ମାରିଲେ ଚାପୁଡା । ଏମିତି ଘଟଣା ଘଟିଛି ଭଦ୍ରକ ଅଣ୍ଡରେଇରେ । ଅଣ୍ଡରେଇରେ ରାଜନନ୍ଦିନୀ ପାର୍ଟି ଯାତ୍ରା ପରିବେଶଣ କରୁଥିବା ବେଳେ ଏମିତି ଦୃଶ୍ୟ ଦେଖିବାକୁ ମିଳିଥିଲା । ପରେ ଯାତ୍ରା କମିଟର ସଦସ୍ୟମାନେ ଦର୍ଶକ ଜଣଙ୍କୁ ବାକୁ କରି ବାହାରକୁ ବାହାର କରିଦେଇଥିଲେ ।
ଖବର ଅନୁସାରେ, ରାଜନନ୍ଦିନୀ ପାର୍ଟି ତରଫରୁ ‘ଏମିତି ବିଚାର କେବେ ଦେଖିନି’ ନାଟକ ମଞ୍ଚସ୍ଥ ହେଉଥିଲା । ନାଟକର ଏକ ସିନରେ ମା ଭୂମିକାରେ ଟୁନିଆ ମଲ୍ଲିକ, ବାପା ଭାବେ ସଞ୍ଜୟ ଓ ଭଉଣୀ ଭୂମିକାରେ ମାମା ଅଭିନୟ କରୁଥିଲେ । ନାଟକର ଦୃଶ୍ୟ ଅନୁଯାୟୀ ନାୟକ ଅର୍ଥାତ୍ ପୁଅ ଭୂମିକାରେ କାର୍ତ୍ତିକ ଅଭିନୟ କରୁଥିବା ବେଳେ ସମସ୍ତ କଳାକାରଙ୍କ ଅଭିନୟକୁ ସତ ମାନି କିଛି ଦର୍ଶକ କ୍ଷୁବ୍ଧ ହୋଇଯାଇଥିଲେ । ଏପରିକି କାର୍ତ୍ତିକଙ୍କୁ ଚେୟାର ଫିଙ୍ଗିଥିଲେ । ଜଣେ ଦର୍ଶକ ମଞ୍ଚକୁ ଉଠି କାର୍ତ୍ତିକକୁ ମାଡ ମାରିଥିଲେ । ଏହି ସମୟରେ ଅନ୍ୟ କଳାକାରମାନେ ତାଙ୍କୁ ଅଟକାଇ ଥିଲେ ।
ଚାଲିଥିବା ଦୃଶ୍ୟରେ ଭଉଣୀଙ୍କୁ ଜଣେ ବାବା ଦୁଷ୍କର୍ମ କରିଥିବା ଭଉଣୀଙ୍କ ସମେତ ପୂରା ପରିବାର ଅଭିଯୋଗ କରୁଥିଲେ । ହେଲେ ବାବା ଏପରି କରି ନଥିବା କହି କାର୍ତ୍ତିକ ପରିବାରକୁ ଓଲଟା ତାଡନା ଦେଉଥିବା ଦୃଶ୍ୟକୁ ନେଇ ଦର୍ଶକ ତାତିଥିଲେ । ଫଳରେ କିଛି ସମୟ ଧରି ଯାତ୍ରା ବନ୍ଦ ହେବା ପରେ ପୁଣି ଆରମ୍ଭ ହୋଇଥିଲା ।
