ନନ୍ଦିଘୋଷ ବ୍ୟୁରୋ : ବଲାଙ୍ଗୀରର ଏକ ଘରୋଇ ନର୍ସିଂ କଲେଜରେ ଲଜ୍ଜା I ହଷ୍ଟେଲର ଜଣେ କର୍ମଚାରୀଙ୍କୁ ଦରମା ବଢାଇବା ପ୍ରଲୋଭନ ଦେଖାଇ ଦୁଷ୍କର୍ମ ଉଦ୍ୟମ ଅଭିଯୋଗ ହୋଇଛି। ଘଟଣାରେ ନର୍ସିଂ କଲେଜ ମାଲିକଙ୍କ ପୁଅ ନାରାୟଣ ମିଶ୍ରଙ୍କୁ ଗିରଫ କରିଛି ସଦର ଥାନା ପୋଲିସ । ଗତ ୧୯ ତାରିଖ ଅପରାହ୍ନରେ ଘଟିଛି ଘଟଣା। ମହିଳା କର୍ମଚାରୀ ହଷ୍ଟେଲକୁ ଯାଉଥିବା ବେଳେ ନର୍ସିଂ କଲେଜ ସମ୍ପାଦକ ତାଙ୍କୁ ତାଙ୍କ କ୍ୱାର୍ଟରକୁ ଡାକି ଅସଦାଚରଣ କରିଥିଲେ। ଟଙ୍କାର ପ୍ରଲୋଭନ ଦେଖାଇଥିଲେ। ଧମକ ଚମକ ଦେଇଥିଲେ। କୌଶଳ କ୍ରମେ ସେଠାରୁ ଖସି ଆସିଥିଲେ ମହିଳା ଜଣଙ୍କ। ଘଟଣା ସମ୍ପର୍କରେ ହଷ୍ଟେଲ ସୁପରିଟେଣ୍ଡେଣ୍ଟଙ୍କୁ ଜଣାଇଥିଲେ ସେ ମଧ୍ୟ ଚୁପ୍ ରହିବାରୁ ସଦର ଥାନାରେ ଅଭିଯୋଗ କରିଛନ୍ତି । ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
