ନନ୍ଦିଘୋଷ ବ୍ୟୁରୋ : ବେଙ୍ଗାଲୁରୁ କୋଗିଲୁରେ ୪୦୦ରୁ ଅଧିକ ଘର ଭାଙ୍ଗିବା ଘଟଣାକୁ ନେଇ ବଢିଲା ବିବାଦ। ବିଶେଷ କରି ମୁସଲିମ ସମ୍ପ୍ରଦାୟ ବେଘର ହେବା ପରେ ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି ବିରୋଧୀ। ସେପଟେ ବସ୍ତି ଉଚ୍ଛେଦ ସ୍ଥଳ ପରିଦର୍ଶନ କରିଛନ୍ତି ଉପମୁଖ୍ଯମନ୍ତ୍ରୀ ଡି.କେ. ଶିବକୁମାର। ଏପରିକି ଏହି ଉଚ୍ଛେଦକୁ ସମାଲୋଚନା କରିଛନ୍ତି କେରଳର ବାମପନ୍ଥୀ ସରକାର। ଗତ ଡିସେମ୍ବର ୨୨ରେ ବେଙ୍ଗାଳୁରୁର କୋଗିଲୁ ଅନ୍ତର୍ଗତ ଫକିର କଲୋନିର ୪୦୦ରୁ ଅଧିକ ପରିବାରର ଘର ଭାଙ୍ଗିଦିଆଯାଇଥିଲା। ସେଠାରେ ବେଙ୍ଗାଳୁରୁ କଠିନ ବର୍ଜ୍ୟବସ୍ତୁ ପରିଚାଳନା ଲିମିଟେଡ ପକ୍ଷରୁ ଉଚ୍ଛେଦ କରାଯାଇଥିଲା। ସେପଟେ ଆଜି ଶିବକୁମାର ଘଟଣାସ୍ଥଳ ପରିଦର୍ଶନ କରିଛନ୍ତି ଏହି ସ୍ଥାନ ସରକାରୀ ଏବଂ ସରକାର ସେଠାରେ କଠିନ ବର୍ଜ୍ୟବସ୍ତୁ ପରିଚାଳନା ପ୍ରକଳ୍ପ କରିବାକୁ ଯାଉଥିବାରୁ ଏହି ଉଚ୍ଛେଦ ହୋଇଛି। ସେଠାରେ ଲୋକମାନେ ୨୫ ବର୍ଷରୁ ଅଧିକ କାଳ ରହୁଥିବାରୁ ଏହି ଉଚ୍ଛେଦ ବେଆଇନ ବୋଲି ଦାବି କରାଯାଉଛି।
