ନୂଆପଡ଼ା : ପ୍ରତିଶୃତି ପାଲଟିଲା ପ୍ରତାରଣା । ବୃଦ୍ଧବୃଦ୍ଧାଙ୍କୁ ମିଳୁନି ବାର୍ଦ୍ଧକ୍ୟ ଭତ୍ତା । ଜୀବିତ ହିତାଧିକାରୀଙ୍କୁ ଦୀର୍ଘ ଦିନ ହେଲା ମିଳୁନି ଭତ୍ତା । ପେନସନ ଟିକକ ପାଇଁ ବିଭିନ୍ନ ଅଫିସକୁ ଧାଇଁ ନିରାଶ ହିତାଧିକାରୀ ।ନୂଆପଡା ଜିଲ୍ଲା ବୋଡେନ ବ୍ଲକରେ ଦାରିଦ୍ର୍ୟ ସୀମାରେଖା ତଳେ ଥିବା ଅନେକ ପରିବାରର ବୃଦ୍ଧ ବୃଦ୍ଧାଙ୍କୁ ବାର୍ଦ୍ଧକ୍ୟ ଭତ୍ତା ମିଳୁନାହିଁ । ଅନେକଙ୍କୁ ମିଳୁଥିବା ଭତ୍ତା ଅଚନାକ ବନ୍ଦ କରିଦିଆଯାଇଛି । ଭତ୍ତା ପାଇଁ ହିତାଧିକାରୀ ଅନେକ ଥର ପ୍ରଶାସନର ଦୃଷ୍ଟି ଆକର୍ଷଣ କଲେଣି ହେଲେ ଫଳ ଶୂନ । ଯାହାକୁ ନେଇ ଆନ୍ଦୋଳନମୁହାଁ ଲୋକେ ।…
ସରକାର ଶାସନକୁ ଆସିବା ପୂର୍ବରୁ ବାର୍ଦ୍ଧକ୍ୟ ଭତ୍ତା ବୃଦ୍ଧି କଥା କହିଥିଲେ । ହେଲେ ବୋଡେନ ବ୍ଲକରେ ଥିବା ଗାଁ ଗୁଡିକରେ ୬୦ ରୁ ୮୦ ବର୍ଷୀୟ ଅନେକ ବୃଦ୍ଧବୃଦ୍ଧାଙ୍କୁ ବର୍ଦ୍ଧିତ ଭତ୍ତା ତ ଦୂରର କଥା ସାଧାରଣ ବାର୍ଦ୍ଧକ୍ୟ ଭତ୍ତା ଟିକକ ମିଳୁନାହିଁ । ଫଳରେ ବହୁ କଷ୍ଟରେ ବୟସ୍କ ଲୋକ ମାନେ ଦିନ ବିତାଉଥିବା ଅଭିଯୋଗ କରିଛନ୍ତି । ଅନ୍ୟପଟେ ଅଭିଯୋଗକୁ ସ୍ଵୀକାର କରିବା ସହ କାଗଜ ପତ୍ର କାମ ଚାଲିଛି ବୋଲି କହିଛନ୍ତି ବିଡି଼ଓ । କେବେ ଜିଲ୍ଲା ପ୍ରଶାସନର ନିଦ ଭାଙ୍ଗୁଛି ? କେବେ ହିତାଧିକାରୀଙ୍କୁ ମିଳୁଛି ବାର୍ଦ୍ଧକ୍ୟ ଭତ୍ତା ? ତାକୁ ହିଁ ଅପେକ୍ଷା ।
ଉପହାସ ପାଲଟିଛି ସରକାରଙ୍କ ବର୍ଦ୍ଧିତ ଭତ୍ତା, ପ୍ରକୃତ ହିତାଧିକାରୀଙ୍କୁ ମିଳୁନି ପେନସନ
