ନନ୍ଦିଘୋଷ ବ୍ୟୁରୋ : ଆମେରିକା ଓ ଇରାନ ମଧ୍ୟରେ ଆଜି ଓମାନରେ ହେବ ଆଣବିକ ପ୍ରସଙ୍ଗରେ ଆଲୋଚନା । ପୂର୍ବରୁ ତୁର୍କୀରେ କଥାବାର୍ତ୍ତା ହେବ ବୋଲି ସ୍ଥିରୀକୃତ ହୋଇଥିବାବେଳେ ପରେ ସ୍ଥାନ ପରିବର୍ତ୍ତନ ହୋଇଥିଲା । ଆଣବିକ ପ୍ରସଙ୍ଗରେ ଆଲୋଚନା ଲାଗି ଇରାନର ଆହ୍ବାନ ତଥା ଆଣବିକ ଚୁକ୍ତି ନହେଲେ ପରିଣାମ ବିଷମ ହେବ ବୋଲି ଆମେରିକାର ଧମକ ପରେ ଏହି ଆଲୋଚନା ହେବ । ଏହି ବୈଠକରେ ଆମେରିକାର ମଧ୍ୟସ୍ଥି ଓ ଇରାନର ବରିଷ୍ଠ ଅଧିକାରୀମାନେ ସାମିଲ ହେବେ I ଏହି କଥାବାର୍ତ୍ତା ଯଦି ସଫଳ ହୁଏ ତେବେ ସମ୍ଭବତଃ ଇରାନ ଉପରେ ଆମେରିକା ହମଲା କରି ନପାରେ ବୋଲି ଚର୍ଚ୍ଚା ହେଉଛି । କେବଳ ତୁର୍କୀ ନୁହେଁ, ଇଜିପ୍ଟ, କତାର ଓ ଓମାନର ହସ୍ତକ୍ଷେପ କ୍ରମେ ଏହି ଆଲୋଚନା ହେବ I ଇରାନ ଗୋପନ ଭାବେ ଆଣବିକ କାର୍ଯ୍ୟକ୍ରମ ଚଳାଇ ରଖିଛି ବୋଲି ଆମେରିକା ପ୍ରକାଶ କରୁଥିବାବେଳେ ବେସାମରିକ କାର୍ଯ୍ଯକଳାପ ଲାଗି ଇରାନ ଆଣବିକ କାର୍ଯ୍ଯକ୍ରମ ଜାରି ରଖିଛି ବୋଲି ଇରାନ କହିଆସୁଛି ।
