ନୂଆଦିଲ୍ଲୀ : ଜେନେରାଲ ଏମ ଏମ ନରୱାଣେଙ୍କ ପୁସ୍ତକ ଫୋର ଷ୍ଟାର୍ସ ଅଫ ଡେଷ୍ଟିନି ଏବେ ଆମାଜନରେ ଉପଲବ୍ଧ । ଏପରି ବଡ଼ ଦାବି କରି ପୁଣି ରାଜନୈତିକ କରିଡରରେ ହଲଚଲ ସୃଷ୍ଟି କରିଛନ୍ତି ଲୋକସଭାର ବିରୋଧୀ ଦଳ ନେତା ରାହୁଲ ଗାନ୍ଧୀ । ସେ କହିଛନ୍ତି, ପୂର୍ବତନ ସେନାମୁଖ୍ୟ ଏମ ଏମ ନରୱାଣେ ମିଛ କହୁଛନ୍ତି ନହେଲେ ପୁସ୍ତକ ପ୍ରକାଶ କରିଥିବା ପେଙ୍ଗୁଇନ ସଂସ୍ଥା । କିନ୍ତୁ ସେ ଆର୍ମି ଚିଫଙ୍କୁ ଭରସା କରନ୍ତି ବୋଲି କହିଛନ୍ତି । ନରୱାଣେ ସୋସିଆଲ ମିଡିଆ ଏକ୍ସରେ କହିଛନ୍ତି କି ତାଙ୍କ ପୁସ୍ତକ ଏବେ ବଜାରରେ ଉପଲବ୍ଧ । ଦିଆଯାଇଥିବା ଲିଙ୍କଙ୍କୁ ଫଲୋ କରି ବହି କିଣି ମଜା ଉଠାନ୍ତୁ ।
ଏହାକୁ ଆଧାର କରି ରାହୁଲ କହିଛନ୍ତି କି, ନରୱାଣେ ନହେଲେ ପ୍ରକାଶକ ସଂସ୍ଥା ପେଙ୍ଗୁଇନ ଜଣେ କେହି ମିଛ କହୁଛନ୍ତି । ଏ ସଂପର୍କରେ ଉଭୟେ ସ୍ପଷ୍ଟୀକରଣ ଦେବା ଉଚିତ ବୋଲି କହିଛନ୍ତି ରାହୁଲ । ସେପଟେ ଦିଲ୍ଲୀ ପୋଲିସ ପୁସ୍ତକର ବିକ୍ରି ନେଇ ଯାଞ୍ଚ କରିବାକୁ ମାମଲା ରୁଜୁ କରିଛି । ଅନ୍ୟପଟେ ରାହୁଲଙ୍କୁ ଝଟକା ଦେଇ ପେଙ୍ଗୁଇନ ସଂସ୍ଥା ବଜାରରେ ବହି ଉପଲବ୍ଧ ନୁହେଁ ବୋଲି ସଫେଇ ଦେଇଛି ।
