କଣ୍ଟାମାଳ : ଉଜୁଡ଼ିଗଲାଣି ଆକର୍ଷଣୀୟ ପାର୍କ । ରକ୍ଷଣାବେକ୍ଷଣ ଅଭାବରୁ ହରାଉଛି ସତ୍ତା । ଭାଙ୍ଗିରୁଜି ଗଲାଣି ଚେୟାର । ଅବହେଳିତ ଅବସ୍ଥାରେ ବୌଦ୍ଧ ଜିଲ୍ଲା ମନମୁଣ୍ଡାରେ ନିର୍ମିତ ବୁଦ୍ଧ ପାର୍କ । ବୌଦ୍ଧ ଜିଲ୍ଲାକୁ ସୁନ୍ଦର କରି ଗଢି ତୋଳିବାକୁ ତତ୍କାଳୀନ ଜିଲ୍ଲାପାଳ ଲଲାଟେନ୍ଦୁ ମିଶ୍ର ପଦକ୍ଷେପ ଗ୍ରହଣ କରିଥିଲେ । ଜିଲ୍ଲାର ପ୍ରବେଶ ପଥ ମନମୁଣ୍ଡା ତେଲନଦୀ କୂଳ ଗାନ୍ଧୀ ଛକରେ ଲକ୍ଷାଧିକ ଟଙ୍କା ବ୍ୟୟ ବରାଦରେ ଏକ ପାର୍କ ନିର୍ମାଣ କରିଥିଲେ । ପାର୍କରେ ଥିବା ବୁଦ୍ଧଙ୍କ ପ୍ରତିମୂର୍ତ୍ତି ଚତୁଃପାର୍ଶ୍ଵରେ ସିମେଣ୍ଟ ନିର୍ମିତ ଚଟାଣ ହୋଇଥିଲା । ବୁଦ୍ଧଙ୍କ ପ୍ରତିମୂର୍ତ୍ତିରେ ହାଇମାଷ୍ଟ ଲାଇଟ ପଡୁଥିଲା । ଯାହାକୁ ଦେଖିବାକୁ ଲୋକଙ୍କ ଭିଡ଼ ଲାଗୁଥିଲା । ହେଲେ ଏବେ ତାହା ଜରାଜୀର୍ଣ୍ଣ ଅବସ୍ଥାରେ ।
ପାର୍କରେ ଲାଗିଥିବା ହାଇମାଷ୍ଟ ଲାଇଟ ଆଉ ଜଳୁନି । ପାର୍କରେ ପଡିଥିବା ମାର୍ବଲ ଗୁଡିକ ଭାଙ୍ଗିଗଲାଣି । ପାର୍କଟିରେ ଆଲୋକୀକରଣ ବ୍ୟବସ୍ଥା ନଥିବାରୁ ରାତିରେ ଅସାମାଜିକ ଲୋକ ଏଠାରେ ଆଡ୍ଡା ଜମାଉଛନ୍ତି । ଅନ୍ୟପଟେ ପାର୍କଟିକୁ ପଞ୍ଚାୟତକୁ ହସ୍ତାନ୍ତର କରାଯାଇଛି । ତୁରନ୍ତ ପାର୍କର ମରମାତି କରାଯିବ ବୋଲି କହିଛନ୍ତି କଣ୍ଟାମାଳ ବିଡି଼ଓ । ପ୍ରଶାସନ ତୁରନ୍ତ ଏଥିପ୍ରତି ଦୃଷ୍ଟି ଦେଇ ବୁଦ୍ଧଙ୍କ ପ୍ରତିମୂର୍ତ୍ତିର ଯତ୍ନ ନେବା ସହ ପାର୍କର ମରାମତି କରିବାକୁ ଦାବି ହେଉଛି ।
ଅବହେଳିତ ଅବସ୍ଥାରେ ବୁଦ୍ଧ ପାର୍କ, ରକ୍ଷଣାବେକ୍ଷଣ ଅଭାବରୁ ହରାଉଛି ସତ୍ତା
