ସ୍କୁଟି ଡିକି ଭାଙ୍ଗି ଲୁଟି ନେଲେ ଲୁଟେରା। ଆଖି ଆଗରେ ଲୁଟ ହୋଇଗଲା ୪୦ହଜାର ଟଙ୍କା। ଲୁଟ ବେଳର ସିସିଟିଭି ଫୁଟେଜ ଲାଗିଛି ନନ୍ଦିଘୋଷ ଟିଭି ହାତରେ। ଘଟଣା ଘଟିଛି ଖୋର୍ଦ୍ଧା ଆଦର୍ଶ ଥାନା ଅନ୍ତର୍ଗତ ଷ୍ଟେଟ ବ୍ୟାଙ୍କ ମୁଖ୍ୟ କାର୍ଯ୍ୟାଳୟ ପରିସରରେ । ସ୍କୁଟି ମାଲିକ ମହମ୍ମଦ ଅସରଫଙ୍କ ଅଭିଯୋଗ ଅନୁସାରେ ସେ ବ୍ୟାଙ୍କରୁ ୪୦ହଜାର ଟଙ୍କା ଆଣି ସ୍କୁଟିରେ ରଖି ପୁନର୍ବାର କୌଣସି କାମରେ ବ୍ୟାଙ୍କକୁ ଯାଇଥିଲେ। ଆସି କି ଦେଖିଲାବେଳକୁ ସ୍କୁଟି ଡିକି ଭାଙ୍ଗି ଟଙ୍କା ଲୁଟ ହୋଇଯାଇଛି। ତିନିଜଣ ଲୁଟେରା ଆସି ସର୍ବ ସମ୍ମୁଖରେ ଧଳା ସ୍କୁଟିରୁ ଡିକି ଭାଙ୍ଗି ଟଙ୍କା ନେଇଥିବା ଭିଜୁଆଲ ସିସିଟିଭିରେ କଲଦ ହୋଇଛି। ଅଭିଯୋଗ ପାଇ ପୋଲିସ ସିସିଟିଭି ଫୁଟେଜ ଯାଞ୍ଚ କରି ତଦନ୍ତ ଚଳାଇଛି।
