ପାରାଦୀପ ବଡ଼ବଡ଼ିଆ ପରିବା ମାର୍କେଟରେ ଭୟାବହ ଅଗ୍ନିକାଣ୍ଡ। ଜଳିଗଲା ୭୦ରୁ ଅଧିକ ପରିବା ଦୋକାନ। ୨ ରୁ ୩ କୋଟି ଟଙ୍କାର ସମ୍ପତ୍ତି ପୋଡି ନଷ୍ଟ ହୋଇଥିବା ସୂଚନା ମିଳିଛି। ଟନ୍ ଟନ୍ ପରିବା ସମେତ ଆସବାବପତ୍ର ପୋଡ଼ିଯାଇଛି। ଏହା ସହ ୨ଟି ବାଇକ ଓ ୮ରୁ ଅଧିକ ସାଇକେଲ ପାଉଁଶ ହୋଇଯାଇଛି। ୩ ଘଣ୍ଟାରେ ନିଆଁକୁ ଆୟତ୍ତ କରିଥିଲେ ୬ଟି ଦମକଳ ବାହିନୀ। ପାରାଦୀପ ବନ୍ଦର, କୁଜଙ୍ଗ , ପିପିଏଲ, ଇଫକୋ ଓ ଆର୍ସେଲର ମିତ୍ତଲ ନିପ୍ପନ ଷ୍ଟିଲ କାରଖାନାର ଅଗ୍ନିଶମ ଗାଡ଼ି ନିଆଁକୁ କରିଥିଲେ ଆୟତ୍ତ। ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି।
