ବାସୁଦେବପୁର : ଯୁଆଡ଼େ ଦେଖିବେ ସବୁଜିମା ପରିବେଶ । ଭଳିକି ଭଳି ଫସଲରେ ଫାଟି ପଡୁଛି ପୂରା ପରିବେଶ । ଆଉ ଏଭଳି ଚାଷ କରିଛନ୍ତି ବାସୁଦେବପୁର ବ୍ଲକ ଚୂଡାମଣୀ ପଞ୍ଚାୟତ ତଳସାହିର ଶଙ୍କର୍ଷଣ ମଲ୍ଲିକ । ବୟସର ଅପହାହ୍ନରେ ବି ସେ ଥକି ଯାଇନାହାନ୍ତି । ନିଜର ଟାଙ୍ଗରା ଜମିରେ ଫଳାଇଛନ୍ତି ସୁନାର ଫସଲ । ଆଳୁ, ସୋରିଷ, ମୁଗ, କଦଳୀ, ଆମ୍ବ, ପାମୋଲିନ ସାଙ୍ଗକୁ ମାଛ ଚାଷ କରି ବାର୍ଷିକ ଲକ୍ଷାଧିକ ଟଙ୍କା ରୋଜଗାର କରୁଛନ୍ତି । ଏଥିସହ ଅନ୍ୟ ମାନଙ୍କୁ ଦେଇଛନ୍ତି ରୋଜଗାର ।
ଶଙ୍କର୍ଷଣ ପ୍ରଥମେ ଉଦ୍ୟାନ ବିଭାଗ ଓ କୃଷି ବିଭାଗର ସହାୟତାରେ ମକା ଓ ସୂର୍ଯ୍ୟମୁଖୀ ଚାଷ ଆରମ୍ଭ କରିଥିଲେ । ସେବେଠାରୁ ସେ ଆଉ ପଛକୁ ଅନାଇନାହାନ୍ତି । ନିଜସ୍ଵ ଜ୍ଞାନ କୌଶଳରେ ମିଶ୍ରିତ ଚାଷ କରି ଜଣେ ସଫଳ ଚାଷୀ ଭାବେ ଖାଲି ବ୍ଲକରେ ନୁହେଁ ରାଜ୍ୟ ସ୍ତରରେ ପୁରସ୍କାର ହାସଲ କରିଛନ୍ତି ।
