ବୌଦ୍ଧ : ଜରାଜୀର୍ଣ୍ଣ ଅବସ୍ଥାରେ ଜିଲ୍ଲା ସଂଗ୍ରହାଳୟ । ରକ୍ଷଣାବେକ୍ଷଣ ଅଭାବରୁ ହରାଇଲାଣି ଶୋଭା । ନିଘୋଡ଼ ନିଦ୍ରାରେ ପ୍ରଶାସନ ।… ବୌଦ୍ଧ ଜିଲ୍ଲାରେ ପୂର୍ବ ସରକାର ଏକ ମ୍ୟୁଜିୟମ ତିଆରି କରିଥିଲେ । ସଂଗ୍ରହାଳୟରେ ଜିଲ୍ଲାର ଐତିହ୍ୟ, ପରମ୍ପରା ସହ ରାଜରାଜୁଡ଼ା ଅମଳରେ ବ୍ୟବହାର ହେଉଥିବା ବସ୍ତୁକୁ ସାଇତି ରଖାଯାଇଥିଲା । ରାଜକୀୟ ପ୍ରକୋଷ୍ଠ ସହ ଜନଜାତି ପ୍ରକୋଷ୍ଠ ଭଳି ଅନେକ ପ୍ରକୋଷ୍ଠ ଥିଲା । ଯାହା ପର୍ଯ୍ୟଟକଙ୍କୁ ବେଶ ଆକର୍ଷିତ କରୁଥିଲା । କିନ୍ତୁ ଉଦଘାଟନର କେଇ ବର୍ଷ ଭିତରେ ସଂଗ୍ରହାଳୟଟି ନିଜର ସତ୍ତା ହରାଇଲାଣି । ଫଳରେ ମ୍ୟୁଜିୟମରୁ ମୁହଁ ଫେରାଇଲେଣି ପର୍ଯ୍ୟଟକ ।…
ସଂଗ୍ରହାଳୟରେ ଥିବା 3D ହଲ ଠାରୁ ଆରମ୍ଭ କରି ଗ୍ରାଭିଟି ଟନେଲ, ଆକ୍ଵାରିୟମ ଭଳି ଅନେକ ହଲ ଭାଙ୍ଗିରୁଜି ଗଲାଣି । ଖାଲି ସେତିକି ନୁହେଁ ସଂଗ୍ରହାଳୟର ରକ୍ଷଣାବେକ୍ଷଣ ପାଇଁ ନିୟୋଜିତ ହୋଇଥିବା କର୍ମଚାରୀଙ୍କୁ ୨ ବର୍ଷ ହେଲା ପାରିଶ୍ରମିକ ମିଳୁନଥିବା ଅଭିଯୋଗ ହୋଇଛି । ଅନ୍ୟପଟେ ସଂଗ୍ରହାଳୟର ଉନ୍ନତି ଓ ସମସ୍ୟାର ସମାଧାନ ପାଇଁ ସଂସ୍କୃତି ବିଭାଗକୁ ଅବଗତ କରାଯାଇଛି ବୋଲି କହିଛନ୍ତି ଜିଲ୍ଲାପାଳ । କେବେ ସଂଗ୍ରହାଳୟର ପୁନରୁଦ୍ଧାର ହେଉଛି ? କେବେ ନିୟୋଜିତ ହୋଇଥିବା ଷ୍ଟାଫଙ୍କୁ ପାରିଶ୍ରମିକ ଯୋଗାଇ ଦିଆଯାଉଛି ? ତାକୁ ହିଁ ଅପେକ୍ଷା ।
ଜରାଜୀର୍ଣ୍ଣ ଅବସ୍ଥାରେ ବୌଦ୍ଧ ଜିଲ୍ଲା ସଂଗ୍ରହାଳୟ, ରକ୍ଷଣାବେକ୍ଷଣ ଅଭାବରୁ ହରାଇଲାଣି ସତ୍ତା
