ବାଲିଗୁଡ଼ା : ଉପାନ୍ତରେ ଭୁଶୁଡ଼ିପଡିଲାଣି ଶିକ୍ଷା ବ୍ୟବସ୍ଥା । ସ୍ମାର୍ଟ ସ୍କୁଲରେ ନାହାନ୍ତି ଆବଶ୍ୟକୀୟ ଶିକ୍ଷକ । ୧୭୦ ଛାତ୍ରଛାତ୍ରୀଙ୍କୁ ୨ ଜଣ ଶିକ୍ଷକ ଶିକ୍ଷୟିତ୍ରୀରେ ଚାଲିଛି ପାଠପଢା । କନ୍ଧମାଳ ଜିଲ୍ଲା ବାଲିଗୁଡ଼ା ବ୍ଲକ ସୁଡ୍ରା ପଞ୍ଚାୟତର ଗଟାଙ୍ଗି ସରକାରୀ ଆଶ୍ରମ ବିଦ୍ୟାଳୟରେ ଶିଶୁ ବାଟିକା ଠାରୁ ଅଷ୍ଟମ ଶ୍ରେଣୀ ମଧ୍ୟରେ ୧୭୦ ଜଣ ଛାତ୍ରଛାତ୍ରୀ ପାଠ ପଢୁଛନ୍ତି । ଛାତ୍ରୀ ନିବାସରେ ୧୪୦ ଜଣ ପିଲା ରହି ପାଠପଢୁଛନ୍ତି । ହେଲେ ସ୍କୁଲରେ ନାହାନ୍ତି ଆବଶ୍ୟକୀୟ ଶିକ୍ଷକ ଓ ଶିକ୍ଷୟିତ୍ରୀ । ଫଳରେ ପାଠପଢାରେ ସମସ୍ୟା ଉପୁଜୁଥିବା ଅଭିଯୋଗ ହୋଇଛି ।…
ଗଟାଙ୍ଗି ସରକାରୀ ଆଶ୍ରମ ବିଦ୍ୟାଳୟଟି ପାହାଡ ପାଦଦେଶରେ ରହିଥିଲେ ସୁଦ୍ଧା ସ୍କୁଲର ଶୈକ୍ଷିକ ବାତାବରଣ ଅତ୍ୟନ୍ତ ଉଚ୍ଚକୋଟୀର । ସ୍କୁଲରେ ପିଲା କେରଳ ମଡେଲରେ U ସେପରେ ବସି ପାଠ ପଢୁଛନ୍ତି । ପ୍ରତିବର୍ଷ ବିଦ୍ୟାଳୟର ଅନେକ ଛାତ୍ରୀ ବିଭିନ୍ନ ପରୀକ୍ଷା ଓ ପ୍ରତିଯୋଗିତାରେ ଭାଗ ନେଇ କୃତିତ୍ୱ ଅର୍ଜନ କରୁଛନ୍ତି । ପ୍ରଧାନ ଶିକ୍ଷକଙ୍କ ଉଦ୍ୟମରେ ସ୍କୁଲ ପରିବେଶକୁ ଅତି ସୁନ୍ଦର ଭାବେ ସୁସଜ୍ଜିତ କରାଯାଇଛି । ସରକାର ସ୍କୁଲରେ ଆବଶ୍ୟକୀୟ ଶିକ୍ଷକ ନିଯୁକ୍ତି କରିଲେ ବିଦ୍ୟାଳୟର ଆହୁରି ଉନ୍ନତି ହେବ ବୋଲି କହିଛନ୍ତି ପ୍ରଧାନ ଶିକ୍ଷକ ।
ଉପାନ୍ତରେ ଭୁଶୁଡିପଡି଼ଲାଣି ଶିକ୍ଷା ବ୍ୟବସ୍ଥା, ୧୭୦ ପିଲାଙ୍କୁ ୨ ଜଣ ଶିକ୍ଷକ ଶିକ୍ଷୟିତ୍ରୀ ପଢାଉଛନ୍ତି ପାଠ
