ନନ୍ଦିଘୋଷ ବ୍ୟୁରୋ : ପଶ୍ଚିମ ଏସିଆ ଯୁଦ୍ଧ ମଧ୍ୟରେ ସହଯୋଗୀ ରାଷ୍ଟ୍ରଙ୍କ ଲାଗି ହାତ ଖୋଲା କଲା ଆମେରିକା। ସଂଯୁକ୍ତ ଆରବ ଏମିରେଟସକୁ ୭ ବିଲିୟନ ଡଲାରର ଅସ୍ତ୍ରଶସ୍ତ୍ର ବିକ୍ରି ପ୍ରସ୍ତାବକୁ ମଞ୍ଜୁର କରିଛି ଆମେରିକା। ଆମେରିକାର ଏହି ନିଷ୍ପତ୍ତି ଯୋଗୁ ୟୁଏଇ ପାଟ୍ରିଅଟ ପିଏସି-୩ ମିସାଇଲ ସିଷ୍ଟମ ଓ CH-47 ଚିନୁକ ହେଲିକପ୍ଟର ପାଇବ। ୟୁଏଇକୁ ସାମରିକ ବଳରେ ଶକ୍ତିଶାଳୀ କରିବା ଲାଗି ଆମେରିକା ଚାହିଁଛି। ଗତ କିଛି ଦିନ ଧରି ୟୁଏଇର ପ୍ରମୁଖ ଅଞ୍ଚଳଗୁଡିକୁ ଇରାନ ଟାର୍ଗେଟ କରିଆସୁଛି। ଏହାର ପର୍ଯ୍ୟଟନ ଅର୍ଥନୀତିକୁ ଧୂଳିସାତ କରିବା ଲାଗି ଇରାନ ପଣ କରିଛି। ସେପଟେ ସାଉଦିଆରବ, କତାର ଓ କୁଏତର ବହୁ ଶକ୍ତିଶଳ ଉପରେ ପୁଣି ଇରାନ ହମଲା କରିଛି। ତେଣେ ଯୁଦ୍ଧ ଲାଗି ପେଣ୍ଟାଗନ ଆଉ ୨୦୦ ବିଲିୟନ ଡଲାର ଅତିରିକ୍ତ ସହାୟତା ଚାହିଁଛି। ସେପଟେ କତାର କହିଛି ଇରାନ ହମଲାରେ ଯେତିକି କ୍ଷତି ଘଟିଛି ତାହାକୁ ମରାମତି କରିବା ଲାଗି ଲାଗିପାରେ ୫ ବର୍ଷ।
