ନନ୍ଦିଘୋଷ ବ୍ୟୁରୋ : ତେହରାନ ଉପରେ ପୁଣି ଇସ୍ରାଏଲର ଏୟାରଷ୍ଟ୍ରାଇକ । ଦେଶବାସୀଙ୍କ ଉଦ୍ଦେଶ୍ୟରେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁଙ୍କ ଭାଷଣ ପରେ ପରେ ଏହି ହମଲା ହୋଇଛି । ସେପଟେ ସାଉଦିଆରବ ଓ କୁଏତର ବହୁ ଶକ୍ତି ସ୍ଥଳରେ ହମଲା କରିଛି ଇରାନ । କତାର କହିଛି ଇରାନ ହମଲାରେ ଯେତିକି କ୍ଷତି ଘଟିଛି ତାହାକୁ ମରାମତି କରିବା ଲାଗି ଲାଗିପାରେ ୫ ବର୍ଷ । ନେତନ୍ୟାହୁ କହିଛନ୍ତି- ଖୁବ୍ ଶୀଘ୍ର ଯୁଦ୍ଧର ଅନ୍ତ ଘଟିବାକୁ ଯାଉଛି। ଇରାନ ବର୍ତ୍ତମାନ ୟୁରାନିୟମ ଏନରିଚ କରିପାରିବ ନାହିଁ କି ମିସାଇଲ ନିର୍ମାଣ କରିପାରିବ ନାହିଁ । ତେବେ ଆମେରିକା ରାଷ୍ଟ୍ରପତି ଟ୍ରମ୍ପଙ୍କ ଅନୁରୋଧ କ୍ରମେ ଇରାନର ଗ୍ୟାସ ଫିଲ୍ଡରେ ଇସ୍ରାଏଲ ହମଲା କରିବ ନାହିଁ ବୋଲି କହିଛନ୍ତି ନେତନ୍ୟାହୁ । ତେଣେ ଉପସାଗରୀୟ ଅଞ୍ଚଳରେ ଅସ୍ଥିରତାର ସମାଧାନ ଲାଗି ଜାତିସଂଘ ନିରାପତ୍ତା ପରିଷଦର ଜରୁରୀ ବୈଠକ ବସିଛି । ବିଭିନ୍ନ ରାଷ୍ଟ୍ର ଉପରେ ଇରାନର ହମଲା ବନ୍ଦ କରିବାକୁ ଆହ୍ବାନ ଦିଆଯାଇଛି । ଇରାନ ତୁରନ୍ତ ହମଲା ବନ୍ଦ କରିବାକୁ ଦାବି କରିଛନ୍ତି ବହୁ ସଦସ୍ୟ ରାଷ୍ଟ୍ର ।
