ଉଦଳା : ଶାଶୁକୁ ହାଣିଲା ବୋହୂ । ଗୁଣି ସନ୍ଦେହରେ ଶାଶୁକୁ ଅତି ନିଷ୍ଠୁର ଭାବେ ଘର ଭିତରେ ପନିକିରେ ହାଣିଲା ବୋହୂ। ଆଉ ଏ ସବୁର ଦେଖଣାହାରି ସାଜିଥିଲା ପୁଅ। ମୟୂରଭଞ୍ଜ ଉଦଳା ଥାନା ଏନଏସି ୬ ନମ୍ବର ୱାର୍ଡରେ ଘଟିଛି ଏଭଳି ଘଟଣା। ଗାଁର ସାବିତ୍ରୀ ଦତ୍ତ ଘର ବାହାରେ ବସିଥିବା ବେଳେ ଅଚାନକ ବୋହୂ ମାମି ଦତ୍ତ ଆସି ସାବିତ୍ରୀଙ୍କୁ ଘର ଭିତରକୁ ଘୋଷାରି ନେଇଥିଲେ। ସେଠାରେ ବେତବାଡ଼ିରେ ନିର୍ଘାତ ମାଡ଼ ମାରିବା ପରେ ପନିକିରେ ଅନ୍ଧାଧୂନ ହାଣି ଚାଲିଲେ। ତେବେ ଆକ୍ରମଣରେ ଗୁରୁତର ହୋଇ ସାବିତ୍ରୀ ଚିତ୍କାର କରିବାରୁ ପଡୋଶୀ ଉଦ୍ଧାର କରି ପୋଲିସକୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ଗୁରୁତର ଅବସ୍ଥାରେ ଶାଶୁକୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି। ଆକ୍ରମଣ କରିଥିବା ବୋହୂକୁ ଅଟକ ରଖି ପଚରାଉଚରା କରୁଛି ପୋଲିସ.
