ବଲାଙ୍ଗୀର : ଚାଷୀଙ୍କ ଧାନ ଚୋରି କରି ଗିରଫ ହେଲେ ପ୍ୟାକ୍ସ ସମ୍ପାଦକ ଓ ଡିଇଓ । ବଲାଙ୍ଗୀର ଜିଲ୍ଲା ବେଳପଡା ଥାନା ଧୁମାଭଟା ପ୍ୟାକ୍ସରେ ଚାଷୀଙ୍କ ୧୫ ଲକ୍ଷ ଟଙ୍କାର ଧାନ ଚୋରି । ଏହି ଅଭିଯୋଗରେଧୂମାଭଟା ଫ୍ୟାକ୍ସ ସମ୍ପାଦକ ଓ ଡାଟା ଏଣ୍ଟ୍ରି ଅପରେଟରଙ୍କୁ ପୋଲିସ ଗିରଫ କରିଛି । ବଲାଙ୍ଗୀର ଜିଲ୍ଲା ବେଲପଡା ଥାନା ଧୂମାଭଟା ଫ୍ୟାକ୍ସରେ ଚାଷୀଙ୍କ ଧାନ ହଡ଼ପ ନେଇ ଚାଷୀମାନେ ବାରମ୍ବାର ପାଟଣାଗଡ଼ ARCS ଓ ବଲାଙ୍ଗୀର DRCSSଙ୍କୁ ଅଭିଯୋଗ କରିଥିଲେ । ଅଭିଯୋଗ ପରେ ବି ଅଧିକାରୀମାନେ କୌଣସି ପଦକ୍ଷେପ ନନେବାରୁ ଗତ ମାର୍ଚ୍ଚ ୧୬ ତାରିଖରେ ପାଟଣାଗଡ ଠାରେ ଅନୁଷ୍ଠିତ ଜିଲ୍ଲାପାଳଙ୍କ ଜନଶୁଣାଣି ଶିବିରରେ ଚାଷୀମାନେ ଅଭିଯୋଗ କରିଥିଲେ । ଅଭିଯୋଗ ଶୁଣିବା ପରେ ଜିଲ୍ଲାପାଳ ତଦନ୍ତ ନିର୍ଦେଶ ଦେଇଥିଲେ l ବଲାଙ୍ଗୀର DRCS ପ୍ରମୋଦ କୁମାର ବରିହାଙ୍କ ନେତୃତ୍ବରେ ତଦନ୍ତ ଆରମ୍ଭ ହୋଇଥିଲା । ତଦନ୍ତ ବେଳେ ଧୂମାଭଟା ଫ୍ୟାକ୍ସ ସମ୍ପାଦକ ଚିନ୍ତାମଣି ମଲ୍ଲିକ ଓ ଡାଟା ଏଣ୍ଟ୍ରି ଅପରେଟର ହୃର୍ଷିକେଶ ବୁଡ଼େକ ଚାଷୀମାନଙ୍କ ପାଖାପାଖି ୧୫ ଲକ୍ଷ ଟଙ୍କା ଧାନକୁ ଫଲସ ଏଣ୍ଟ୍ରି କରି ହଡ଼ପ କରାଯାଇଥିବା ଜଣାପଡ଼ିଥିଲା । ଏନେଇ ବେଲପଡା ଥାନାରେ DRCS ଅଭିଯୋଗ କରିଥିଲେ l ଅଭିଯୋଗ ପରେ ବେଲପଡା ପୋଲିସ ଧୂମାଭଟା ଫ୍ୟାକ୍ସ ସମ୍ପାଦକ ଚିନ୍ତାମଣି ମଲ୍ଲିକ ଓ ଡାଟା ଏଣ୍ଟ୍ରି ଅପରେଟର ହୂର୍ଷିକେଶ ବୁଡ଼େକଙ୍କୁ ଥାନାରେ ଅଟକ ରଖି ପଚରାଉଚରା ପରେ ଗିରଫ କରି କୋର୍ଟଚାଲାଣ କରିଥିବା ଜଣାପଡିଛି । ପାଟଣାଗଡ ଅଞ୍ଚଳର ବିଭିନ୍ନ ପ୍ୟାକ୍ସରେ ଫଲସ୍ ଏଣ୍ଟ୍ରି କରାଯାଇ କୋଟି କୋଟି ଟଙ୍କାର ଘୋଟଲା ହୋଇଥିବା ଅଭିଯୋଗ ହୋଇଛି ।
