ଭୁବନେଶ୍ବର : ପୋଲିସ ଭୂମିକାରେ ଯୁବତୀ । ନିଜ ମୋବାଇଲ ଚୋରି ହେବାପରେ ଗାଡି ଅଟକାଇ ଜଣ ଜଣଙ୍କୁ କଲେ ଯାଞ୍ଚ । ପକେଟରେ ହାତ ପୂରାଇ କଲେ ଚେକିଂ । ପଟିଆ ଜଗନ୍ନାଥ ମନ୍ଦିର ନିକଟରେ ଆମ ବସ୍ ଯାଉଥିବା ବେଳେ ଦେଖିବାକୁ ମିଳିଛି ଏଭଳି ଘଟଣା । ସୂଚନା ମୁତାବକ ଆମ ବସ୍ ରେ ଯାଉଥିବା ବେଳେ ଜଣେ ଯୁବତୀଙ୍କ ମୋବାଇଲ ଚୋରି ହୋଇଯାଇଥିଲା । ଖୋଜାଖୋଜି କରିବା ପରେ ମଧ୍ୟ ମିଳିନଥିଲା । ତେଣୁ ଗାଡିକୁ ଅଟକାଇବା ସହ ଯାତ୍ରୀଙ୍କୁ ଯାଞ୍ଚ କରିଥିଲେ ଯୁବତୀ ଜଣଙ୍କ । ପୁରୁଷ ଓ ମହିଳା କାହାରିକୁ ଛାଡିନଥିଲେ। ଖବର ପାଇ ଇନ୍ଫୋସିଟି ଥାନା ପୋଲିସ ଘଟଣାସ୍ଥଳରେ ପହଞ୍ଚି ଗାଡିକୁ ଯିବାକୁ ଦେଇଥିଲା । ସେପଟେ ଯୁବତୀଙ୍କ ମୋବାଇଲ ଚୋରି ନେଇ ଏକ ମିସିଂ ରିପୋର୍ଟ ଥାନାରେ କରାଯାଇଛି ।
