ନନ୍ଦିଘୋଷ ବ୍ୟୁରୋ : ଇଷ୍ଟର ପରିପ୍ରେକ୍ଷୀରେ ୨ ଦିନିଆ ଯୁଦ୍ଧ ବିରତି ଘୋଷଣା କରିଛନ୍ତି ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ। ଏହି ଯୁଦ୍ଧ ବିରତିକୁ ୟୁକ୍ରେନ ବି କାର୍ଯ୍ୟକାରୀ କରିବ ବୋଲି ଆଶା ପ୍ରକାଶ କରିଛନ୍ତି ପୁଟିନ। ଏହି ଅସ୍ତ୍ରବିରତି ୧୧ ଏପ୍ରିଲ ସକାଳ ୧୧ଟାରୁ ୧୨ ଏପ୍ରିଲ ରାତି ୧୨ଟା ଯାଏ କାର୍ଯ୍ୟକାରୀ ହେବ। ରୁଷର ଶୀର୍ଷ କମାଣ୍ଡର ତଥା ଚିଫ ଅଫ ଜେନେରାଲ ଷ୍ଟାଫ ଭାଲେରି ଗେରାସିନଭ ଙ୍କୁ ଏନେଇ ନିର୍ଦ୍ଦେଶ ଦେଇଛନ୍ତି ପ୍ରତିରକ୍ଷା ମନ୍ତ୍ରୀ ଆନ୍ଦ୍ରି ବେଲୋସଭ । ଇଷ୍ଟର ଅବସରରେ କୌଣସି ପ୍ରକାର ଆକ୍ରମଣ ନ କରିବାକୁ ନିର୍ଦ୍ଦେଶରେ କୁହାଯାଇଛି । ସେପଟେ ଅସ୍ତ୍ରବିରତି ୭ ଦିନ ଲାଗି କାର୍ଯ୍ୟକାରୀ କରିବାକୁ ପ୍ରସ୍ତାବ ଦେଇଛନ୍ତି ୟୁକ୍ରେନ ରାଷ୍ଟ୍ରପତି ଭୋଲୋଦିମିର ଜେଲେନସ୍କି।
