ବାଲିଗୁଡା: ଯୌନ ପିଶାଚ ଅଟୋ ଡ୍ରାଇଭର । ଗାଁ ନିକଟସ୍ଥ ନାଳକୁ ଗାଧୋଇବାକୁ ଯାଇଥିବା ବେଳେ ନାବାଳିକାଙ୍କୁ ଏକୁଟିଆ ଦେଖି ଟେକିନେଇ ଦୁଷ୍କର୍ମ କରିଥିବା ଅଭିଯୋଗ । ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିବା ସହ ଅଟୋ ଜବତ କରିଛି ପୋଲିସ୍ । ଘଟଣା ଘଟିଛି କନ୍ଧମାଳ ଜିଲ୍ଲା କ.ନୂଆଗାଁ ଥାନା ଅନ୍ତର୍ଗତ କୁଡୁତୁଲି ଅଞ୍ଚଳରେ । ଗତକାଲି ସକାଳେ ଜଣେ ୧୭ ବର୍ଷୀୟା ନାବାଳିକା ଗାଁ ନିକଟସ୍ଥ ନାଳକୁ ଗାଧୋଇବାକୁ ଯାଇଥିଲେ । ସେହି ସମୟରେ ସେହି ବାଟ ଦେଇ ଅଟୋ ନେଇ ଯାଉଥିବା ସାରକେତା ଗ୍ରାମର ଗଣେଶ ପାତ୍ର ନାମକ ଜଣେ ଯୁବକ ଜୋର ଜବରଦସ୍ତ ଯୁବକଙ୍କୁ ଟେକି ନେଇ ଦୁଷ୍କର୍ମ କରିଥିଲା । ଯୁବତୀ ଜଣକ ପାଟି କରିବାରୁ ରାସ୍ତା କଡ଼ରେ ଆଟୋ ଏବଂ ନାବାଳିକାଙ୍କୁ ଛାଡ଼ି ନିକଟସ୍ଥ ଜଙ୍ଗଲକୁ ଦୌଡ଼ି ପଳାଇଥିଲା । ନାବାଳିକାଙ୍କ ପରିବାର ପକ୍ଷରୁ କ.ନୁଆଗାଁ ଥାନାରେ ଲିଖିତ ଅଭିଯୋଗ ପରେ ଆକ୍ସନ ମୋଡ଼କୁ ଆସିଥିଲା କ.ନୁଆଗାଁ ପୋଲିସ୍ । କ.ନୂଆଗାଁ ଥାନା ଅଧିକାରୀ ଆଶୁତୋଷ ଜେନା ଉପସ୍ଥିତ ବୁଦ୍ଧି ଖଟାଇ ପୋଲିସ୍ ଗାଡ଼ିରେ ନଯାଇ ଏକ ୪୦୭ ଗାଡ଼ିରେ ଘଟଣା ସ୍ଥଳକୁ ଯାଉଥିବା ବେଳେ ଅଭିଯୁକ୍ତ ଜଣକ ଗାଡ଼ି ଅଟକାଇ ଲିଫ୍ଟ ମାଗିଥିଲା । ଅଭିଯୁକ୍ତକୁ ଗାଡ଼ିରେ ବସାଇ ଥାନାକୁ ନେଇ ପଚରାଉଚରା କରିବା ପରେ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରାଯାଇଛି। ଅଟୋ ନମ୍ବର ଓଡ଼ି ୧୨-ଇ-୨୪୦୨ ମଧ୍ୟ ଜବତ କରିଛି ପୋଲିସ୍ । ଅଭିଯୁକ୍ତ ଗଣେଶ ଆଗରୁ ମଧ୍ୟ ବିଭିନ୍ନ ସ୍ଥାନରେ ଏଭଳି କାଣ୍ଡ ଘଟାଇଥିବା ପ୍ରଥମିକ ତଦନ୍ତରୁ ଜାଣାପଡ଼ିଛି।
