ସାଲେପୁର : ଚକୋଲେଟ ଦେଇ ନିଆରା ଭାବେ ପ୍ରତିବାଦ କରୁଛନ୍ତି ବିଦ୍ୟୁତ ଉପଭୋକ୍ତା। ଏଭଳି ଦୃଶ୍ୟ ଦେଖିବାକୁ ମିଳିଛି କଟକ ଜିଲ୍ଲା ସାଲେପୁର ବ୍ଲକ ବହୁଗ୍ରାମ ବିଦ୍ୟୁତ କାର୍ଯ୍ୟାଳୟ ପରିସରରେ । ବିଦ୍ୟୁତ ବିଭାଗର ଅପରାଗତା,ମନମୁଖି କାର୍ଯ୍ୟକୁ ନେଇ ସାଲେପୁର ବ୍ଲକ ପଶ୍ଚିମ ଗଛ ଡିହ ସାହି ଗ୍ରାମର ଶତାଧିକ ବିଦ୍ୟୁତ ଉପୋଭୋକ୍ତ ମାନେ ଆଜି ସନ୍ଧ୍ୟା ସମୟରେ ବିଦୁତ କର୍ମଚାରୀ ଙ୍କୁ ଚକୋଲେଟ୍ ଦେଇ ଅଭିନବ ଭାବେ ନୀରବ ପ୍ରତିବାଦ କରିଥିଲେ। ଗତ କାଲି ବର୍ଷା ପବନ ଯୋଗୁ ବିଭିନ୍ନ ସ୍ଥାନରେ ଗଛ ପଡ଼ି ବିଦୂତ ସରବରାହ ବନ୍ଦ ଥିଲା ମାତ୍ର ବିଦୁତ ବିଭାଗର ଅପାରଗତା ଯୋଗୁ ଗ୍ରାମବାସୀ ମାନେ ଗଛ ଡାଳ ପତ୍ର ସଫା କରିଥିଲେ ସୁଦ୍ଧା ୨୪ ଘଣ୍ଟା ଧରି ଗାଁରେ ବିଦ୍ୟୁତ ସରବରାହ ବନ୍ଦ ରହିଥିଲା। ଯେତେ କହିଲେ ମଧ୍ୟ କେହି ଶୁଣି ନଥିଲେ ଗୋଟିଏ ଦିନ ପରେ ଗାଁ କୁ କରେଣ୍ଟ ଆସିଥିଲା ଯାହା ବିଦ୍ୟୁତ ବିଭାଗର ପାରିବା ପଣିଆ କୁ ପଦାରେ ପକାଇଛି ।
