ପଶ୍ଚିମବଙ୍ଗର ୧୫ଟି ପୋଲିଂ ଷ୍ଟେସନରେ ପୁନଃମତଦାନ। କଡ଼ା ସୁରକ୍ଷାରେ ଆଜି ଚାଲିଛି ମତଦାନ। ଚବିଶ ପରଗଣା ଜିଲ୍ଲାର ଡାୟମଣ୍ଡ ହାର୍ବର ଓ ମଗରହାଟ ପଶ୍ଚିମ ବିଧାନସଭା ଆସନରେ ପୁନଃମତଦାନ ଚାଲିଛି। ସକାଳ ୭ଟାରୁ ମତଦାନ ଆରମ୍ଭ ହୋଇଥିବାବେଳେ ଏହା ସନ୍ଧ୍ୟା ୬ଟା ଯାଏ ଚାଲିବ। କିଛି ବୁଥରେ ଇଭିଏମ ଉପରେ ଟେପ୍ ଲଗାଯାଇଥିବା ନେଇ ବିଜେପି ପକ୍ଷରୁ ଅଭିଯୋଗ କରାଯାଇଥିଲା। ଉଲ୍ଲେଖଯୋଗ୍ୟ ଯେ, ଏହି ସବୁ ବୁଥ୍ ଟିଏମସି ସାଧାରଣ ସମ୍ପାଦକ ଅଭିଷେକ ବାନାର୍ଜୀଙ୍କ ଲୋକସଭା ସଂସଦୀୟ କ୍ଷେତ୍ର ଡାଏମଣ୍ଡ ହାର୍ବର ଭିତରେ ରହିଛି। କିଛି ବୁଥରେ ବି ରିଗିଂ ନେଇ ଅଭିଯୋଗ ହୋଇଥିଲା। କେବଳ ଏହି ୧୫ଟି ନୁହେଁ ଆଉ ୩୦ ବୁଥରେ ବି ଅନିୟମିତତା ହୋଇଥିବା ଅଭିଯୋଗ ହୋଇଥିଲା।
