ଜୟପୁର : ସେବା ପେପର ମିଲ୍ ଚଳାଇବା ଦାବିରେ ଜୟପୁର ବନ୍ଦ ଡାକରା । ଡାକରା ଦେଇଛି ପେପର ମିଲ୍ ବଞ୍ଚାଅ ମିଳିତ କ୍ରାୟାନୁଷ୍ଠାନ କମିଟି । ଏଥିରେ ମୁଖ୍ୟ ଅଂଶିଦାର ରାଜନୈତିକ ଦଳ ଭାବେ ବିଜେଡି ସାମିଲ ହୋଇଛି । ଦୀର୍ଘଦିନ ହେଲା ପେପର ମିଲ୍ ବନ୍ଦ ରହିଥିବା ବେଳେ ଏଥିରେ ପ୍ରାୟ ୧୦ ହଜାର ପରିବାର ପରୋକ୍ଷ ଓ ପ୍ରତ୍ୟକ୍ଷ ଭାବେ ନିର୍ଭରଶୀଳ । ସେଥିପାଇଁ ବାରମ୍ବାର ଦାବି କରାଯ଼ାଇଛି । କିନ୍ତୁ ସରକାର ପେପର ମିଲ୍ ଚଲେଇବାରେ କୌଣସି ଆଗ୍ରହ ଦେଖାଉ ନଥିବା ଅଭିଯୋଗ ହୋଇଛି । ଖାଲି ସେତିକି ନୁହେଁ ନିଜେ ମୁଖ୍ୟମନ୍ତ୍ରୀ କୋରାପୁଟ ଜିଲ୍ଲା ଗ୍ରସ୍ତ ସମୟରେ ପେପର ମିଲ୍ କୁ ଚଲାଇବା ପାଇଁ ପ୍ରତିଶୃତି ଦେଇଥିଲେ । ହେଲେ ପେପର ମିଲ୍ ଚାଲିବା ପରିବର୍ତ୍ତେ ଅଚଳାବସ୍ଥା ସୃଷ୍ଟି ହୋଇଛି । ତୁରନ୍ତ ପେପର ମିଲ୍ ଚଲାଇବାକୁ ଦାବିକରି ୧୨ ଘଣ୍ଟିଆ ବନ୍ଦ ପାଳନ କରୁଛି ମିଳିତ କ୍ରିୟାନୁଷ୍ଠାନ କମିଟି।
