ପ୍ରଥମ ଟ୍ରିଲିୟନେୟାର କ୍ଲବରେ ଏଲନ ମସ୍କ, ବିଶ୍ବର ସବୁ ଲୋକଙ୍କୁ ୮ ହଜାର ଲେଖାଏଁ ଦେଲା ପରେ ବି ରହିବେ ଏକ ନମ୍ବର ଧନୀ
ନନ୍ଦିଘୋଷ ବ୍ୟୁରୋ: ଧନୀ ତାଲିକାରେ ଇତିହାସ ରଚିଲେ ସ୍ପେସଏକ୍ସ କମ୍ପାନୀ ପ୍ରତିଷ୍ଠାତା ଏଲନ ମସ୍କ । ବିଶ୍ବର ପ୍ରଥମ ଟିଲିୟନେୟାର ହେବାର ଗୌରବ ହାସଲ କରିଛନ୍ତି ମସ୍କ । ବର୍ତ୍ତମାନ ତାଙ୍କ ସମ୍ପତ୍ତି ଏତେ ଯେ, ଯଦି ବିଶ୍ବର ପ୍ରତି ନାଗରିକଙ୍କୁ ୮୦୦୦ ଲେଖାଏ: ଟଙ୍କା ଦେବେ ତେବେ ବି ଧନୀ ତାଲିକାର ଏକ ନମ୍ବରରେ ରହିବେ । ସେୟାର ବଜାରରେ ସ୍ପେସଏକ୍ସର ଦମଦାର ପ୍ରଦର୍ଶନ ପରେ ତାଙ୍କ ସମ୍ପତ୍ତିର ମୂଲ୍ୟ ୧.୧ ଟ୍ରିଲିୟନ ଡଲାର ଅର୍ଥଶତ ଭାରତୀୟ ମୂଦ୍ରାରେ ପ୍ରାୟ ୯୫ ଲକ୍ଷ କୋଟି ଟଙ୍କାରେ ପହଞ୍ଚି ଯାଇଛି । ସ୍ପେସଏକ୍ସର ଭ୍ୟାଲୁ ୧.୭୭ ଟ୍ରିଲିୟନରେ ପହଞ୍ଚି ଯାଇଛି । ଏହି କମ୍ପାନୀରେ ମସ୍କଙ୍କ ୪୨ ପ୍ରତିଶତ ଭାଗିଦାରୀ ରହିଛି । ଯାହାର ମୂଲ୍ୟ ୮୬୬ ବିଲିୟନ ଡଲାରରେ ପହଞ୍ଚିଯାଇଛି ।
ସୂଚନାଯୋଗ୍ୟ, ୨୦୧୧ରେ ମସ୍କ ଧନୀ ତାଲିକାରେ ପ୍ରଥମ ଥର ସାମିଲ ହୋଇଥିଲେ । ଏହାପରେ ଟେସଲା ଓ ସ୍ପେସଏକ୍ସର ପ୍ରଗତୀ ତାଙ୍କ ସମ୍ପତ୍ତିକୁ ବଢ଼ାଇବାରେ ଲାଗିଲା । ମାତ୍ର ୧୫ ବର୍ଷରେ ସେ ତାଙ୍କ ସମ୍ପତ୍ତିକୁ ତିନିଗୁଣା ବଢ଼ାଇବା ସହ ଟ୍ରିଲିୟନ ଡଲାରରେ ପହଞ୍ଚାଇ ଦେଇଛନ୍ତି ।
ବିଶ୍ବର ପ୍ରତି ଲୋକଙ୍କୁ ଦେଇ ପାରିବେ ୮ ହଜାର
ମସ୍କଙ୍କ ସମ୍ପତ୍ତିର ମୂଲ୍ୟ ଏହି କଥାରୁ ଲଗାଇ ପାରେ ଯେ, ବିଶ୍ବର ସମସ୍ତ ନାଗରିକଙ୍କୁ ୮୦୦୦ ଲେଖାଏଁ ଟଙ୍କା ଦେବା ପରେ ବି ସେ ନମ୍ବର ଓ୍ବାନ ଧନୀ ତାଲିକାରେ ରହିବେ । ତଥ୍ୟ ଅନୁସାରେ ଯଦି ମସ୍କ ପ୍ରତି ଲୋକଙ୍କୁ ୮ ହଜାର ଲେଖାଏଁ ଟଙ୍କା ଦିଅନ୍ତି ତେବେ ଖର୍ଚ୍ଚ ହେବ ୬୪ ଲକ୍ଷ କୋଟି ଟଙ୍କା । ଏହାପରେ ବି ତାଙ୍କ ପାଖରେ ୩୧ ଲକ୍ଷ କୋଟି ଟଙ୍କା ରହିବ । ଯାହା ଦୁନିଆରେ ତାଙ୍କ ଏକ ନମ୍ବର ଚୌକିକୁ ସୁରକ୍ଷିତ ରଖିବ । ସୂଚନାଯୋଗ୍ୟ, ବିଶ୍ବର ଦ୍ବିତୀୟ ଧନୀ ବ୍ୟଙ୍କିଙ୍କ ଥିବା ଗୁଗଲର ସହ ପ୍ରତିଷ୍ଠାତାଙ୍କ ସମ୍ପତ୍ତିର ମୂଲ୍ୟ ୨୮ ଲକ୍ଷ କୋଟି ଟଙ୍କା ।
