ମୁମ୍ବାଇ ବାସଭବନରେ ଅନୁଷ୍ଠିତ ହେଲା ଏକ ଅତି ବ୍ୟକ୍ତିଗତ ବିବାହ ଉତ୍ସବ, ଯେଉଁଠାରେ ୬୧ ବର୍ଷୀୟ ଆମିର ଏବଂ ୪୭ ବର୍ଷୀୟା ଗୌରୀ ପରସ୍ପରର ଜୀବନସାଥୀ ସାଜିଛନ୍ତି। ବଲିଉଡର ସୁପରଷ୍ଟାର ଆମିର ଖାନ ଓ ତାଙ୍କ ପ୍ରେମିକା ଗୌରୀ ସ୍ପ୍ରାଟ୍ ଶେଷରେ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ଆମିରଙ୍କ ମୁମ୍ବାଇ ବାସଭବନରେ ଦ୍ୱିପ୍ରହର ପ୍ରାୟ ୧୨:୪୫ ମିନିଟ୍ରେ ଉଭୟ ମ୍ୟାରେଜ୍ ପେପରରେ ସ୍ୱାକ୍ଷର କରି ନିଜର ଏହି ନୂତନ ସଫର ଆରମ୍ଭ କରିଛନ୍ତି। ଏହି ଘରୋଇ ଉତ୍ସବରେ ଆମିରଙ୍କ ପୂର୍ବ ବିବାହର ପିଲାମାନଙ୍କ ସମେତ କେବଳ ପରିବାର ଲୋକ ଓ ଆଶୁତୋଷ ଗୋୱାରିକର, ବୀର ଦାସ ଏବଂ ଏଲି ଅବ୍ରାମଙ୍କ ଭଳି କିଛି ଅତି ନିକଟତର ସେଲିବ୍ରିଟି ଯୋଗ ଦେଇଥିଲେ। ବିବାହ ସମୟରେ ଉଭୟେ Ivory ରଙ୍ଗର ପାରମ୍ପରିକ ପୋଷାକରେ ବେଶ୍ ଆକର୍ଷଣୀୟ ଦେଖାଯାଉଥିଲେ। ସୂଚନାଯୋଗ୍ୟ ଯେ, ଗତବର୍ଷ ନିଜ ୬୦ତମ ଜନ୍ମଦିନରେ ଆମିର ପ୍ରଥମ ଥର ପାଇଁ ଗୌରୀଙ୍କୁ ସମସ୍ତଙ୍କ ସହ ପରିଚିତ କରାଇଥିଲେ।
