spot_img

Latest Posts

ଡ୍ୟାମ୍‌ରୁ ପାଣି ଛାଡ଼ିବା ପରେ ଅଘଟଣ; ନଦୀରେ ଭାସିଗଲେ ଯୁବକ!

ନନ୍ଦିଘୋଷ ବ୍ୟୁରୋ:ରାୟଗଡ଼ା ଜିଲ୍ଲା ଗୁଡାରି ବ୍ଲକ ଅନ୍ତର୍ଗତ ଏମ୍‌.କେ. ରାଇ ଗ୍ରାମପଞ୍ଚାୟତର ମେରିଆପାଙ୍ଗା ଗ୍ରାମରେ ଅଘଟଣ। ଗ୍ରାମ ନିକଟସ୍ଥ ସାନ ନଦୀକୁ ସ୍ନାନ କରିବାକୁ ଯାଇ ସନ୍ତୋଷ ପାଲକା ନାମକ ଯୁବକ ନିଖୋଜ। ଗତକାଲି ସନ୍ଧ୍ୟାରେ ସନ୍ତୋଷ ନିଜ କପା କ୍ଷେତରୁ କପା ତୋଳିବା ପରେ ସ୍ନାନ କରିବାକୁ ସାନ ନଦୀକୁ ଯାଇଥିଲେ। ଅତ୍ୟଧିକ ପାଣି ପ୍ରବାହିତ ହେଉଥିବାରୁ ସନ୍ତୋଷ ଭାସିଯାଇଥିଲେ। ଅନ୍ୟପଟେ କେନ୍ଦୁଗୁଡା ଡ୍ୟାମରୁ ଜଳ ନିଷ୍କାସନ ହେବାପରେ ନଦୀର ଜଳସ୍ତର ବୃଦ୍ଧି ପାଇଥିବାରୁ ସେ ନିଖୋଜ ହୋଇଥିବା ଜଣାପଡ଼ିଛି। ଖବର ପାଇ ଗୁଡାରି ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଖୋଜ ସନ୍ତୋଷଙ୍କୁ ଖୋଜାଖୋଜି ଜାରି ରଖିଛି। ଗୁଡାରି ତହସିଲଦାର ଏ. ସ୍ନେହଲତା ଓ ବିଡିଓ ଶୁଚିସ୍ମିତା ବେହେରା ମଧ୍ୟ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି।

Latest Posts

Don't Miss