ନନ୍ଦିଘୋଷ ବ୍ୟୁରୋ:ବାତ୍ୟା ନେଇ ଆସିଲା ବଡ ଅପଡେଟ । ଆନ୍ଧ୍ର ନୁହେଁ ଓଡ଼ିଶାରେ କରିବ ଲ୍ୟାଣ୍ଡଫଲ । ଗୋପାଳପୁରରେ ଲ୍ୟାଣ୍ଡଫଲ ହେବା ସମ୍ଭାବନା। ୫ କିମି ବେଗରେ ଗତି କରୁଛି ବାତ୍ୟା । କଳିଙ୍ଗପତ୍ତନମ ଠାରୁ ୪୯୦ କିମି, ଗୋପାଳପୁର ଠାରୁ ୫୮୦ କିମି ଓ ପୁରୀ ଠାରୁ ୬୪୦ କିମି ଦୂରରେ ରହିଛି ବାତ୍ୟା। ପ୍ରଭାବରେ ଭୁବନେଶ୍ବର ସମେତ ବିଭିନ୍ନ ସ୍ଥାନରେ ବର୍ଷା ଜାରି ରହିଛି। ୨୦ ନଭେମ୍ବର ମଧ୍ୟାହ୍ନ ସୁଦ୍ଧା ସର୍ବାଧିକ ପବନ ବେଗ ୯୦ରୁ ୧୦୦ କିଲୋମିଟର ରହିବ।ସେପଟେ ପ୍ରବଳରୁ ଅତି ଭୀଷଣ ବର୍ଷା ପାଇଁ ୬ ଜିଲ୍ଲାକୁ ରେଡ୍ ୱାର୍ଣ୍ଣିଂ ଜାରି କରାଯାଇଛି। ଗଜପତି,ଗଞ୍ଜାମ,କନ୍ଧମାଳ,ପୁରୀ ,ଜଗତସିଂହପୁର ଓ କେନ୍ଦ୍ରାପଡ଼ାକୁ ରେଡ୍ ୱାର୍ଣ୍ଣିଂ ଜାରି କରାଯାଇଛି। ଏହି ସବୁ ଜିଲ୍ଲାରେ ୨୦ ସେଣ୍ଟିମିଟର ରୁ ଅଧିକ ବର୍ଷା ହୋଇପାରେ। ସେହିପରି ୧୦ ଜିଲ୍ଲା- ମୟୂରଭଞ୍ଜ,ଭଦ୍ରକ,ବାଲେଶ୍ୱର,ଯାଜପୁର,କଟକ,ଖୋର୍ଦ୍ଧା,ନୟାଗଡ,ରାୟଗଡ଼ା,କୋରାପୁଟ ଓ ମାଲକାନଗିରି ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି କରାଯାଇଛି। ୬ ଜିଲ୍ଲା-କେନ୍ଦୁଝର,ଅନୁଗୁଳ,ଢେଙ୍କାନାଳ,ବୌଦ୍ଧ,କଳାହାଣ୍ଡି ଓ ନବରଙ୍ଗପୁରକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି। ୨୦ ତାରିଖ ପାଇଁ ୬ ଜିଲ୍ଲାକୁ ରେଡ୍ ୱାର୍ଣ୍ଣିଂ ଓ ୧୦ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି ।

