ନନ୍ଦିଘୋଷ ବ୍ୟୁରୋ: ସମ୍ବଲପୁର ଯୁଯୁୁମୁରା ଅଞ୍ଚଳରେ ଚାଞ୍ଚଲ୍ୟ। ମାତ୍ର ୧୦ ମାସର ପୁଅକୁ ମାରି କୂଅରେ ପକାଇ ଦେଇଥିଲା କୁଆଁରୀ ମାଆ। କେହି ଯେପରି ସନ୍ଦେହ ନ କରିବେ, ସେଥିପାଇଁ ନିଜେ ପୋଲିସରେ ଅଭିଯୋଗ କରିଥିଲା। ହେଲେ ପୋଲିସ ତଦନ୍ତ ପରେ ସବୁ ଜଣାପଡ଼ିଛି। ଅଭିଯୋଗ ଅନୁସାରେ ଗତ ୧୯ ତାରିଖରେ ଜୁଯୁମୁରା ଥାନା ଅଂଚଳରେ ଦଶ ମାସର ମୃତ ଶିଶୁପୁତ୍ର ନିଖୋଜ ନେଇ ପୋଲିସରେ ଏତଲା ଦିଆଯାଇଥିଲା। ମହିଳା ଜଣକ ନିଜ ଅଜା ଘରେ ରହୁଥିଲେ। ରାତି ୩ଟା ବେଳେ ସେ ଦେଖିଥିଲେ ଯେ, ତାଙ୍କ ପାଖରେ କୁନି ପୁଅଟି ନାହିଁ। ବହୁ ଖୋଜାଖୋଜି ପରେ ବି ପୁୁଅର ପତ୍ତା ନ ମିଳିବାରୁ ପୋଲିସରେ ଅଭିଯୋଗ କରିଥିଲେ। ପୋଲିସ ଖୋଜାଖୋଜି କରିବା ପରେ ମହିଳାଙ୍କ ଘରକୁ ମାତ୍ର ଶହେ ମିଟର ଦୂରରେ ଏକ କୂଅରୁ ପୁଅର ମୃତଦେହ ମିଳିଥିଲା। ଅଗ୍ନିଶମ ଟିମ୍ ଆସି ମୃତଦେହ ଉଦ୍ଧାର କରିଥିଲା। ପଚରା ଉଚରା ଓ ତଦନ୍ତ ପରେ ସବୁ ସତ ଜଣାପଡ଼ିଥିଲା। ପୋଲିସ କୁଆଁରୀ ମାଆର ପୂର୍ବତନ ପ୍ରେମିକକୁ ବି ଗିରଫ କରିଛି ।

