spot_img

Latest Posts

ମଣିପୁରରେ ଭେଜାଲ ମଦ ନେଲା ୧୫ ଜୀବନ, ୧୮୦ରୁ ଅଧିକ ହସ୍ପିଟାଲରେ ଭର୍ତ୍ତି

ମଣିପୁର: ମଣିପୁରରେ ଭେଜାଲ ମଦ ପିଇ ୧୫ ଜଣଙ୍କ ମୃତ୍ୟୁ ହୋଇଛି । ୧୮୦ରୁ ଅଧିକ ଲୋକ ହସ୍ପିଟାଲରେ ଭର୍ତ୍ତି । ଚାଣ୍ଡେଲ ଜିଲ୍ଲାରେ ଘଟିଥିବା ଏହି ଘଟଣାକୁ ନେଇ ରାଜ୍ୟରେ ଚାଞ୍ଚଲ୍ୟ ସୃଷ୍ଟି ହୋଇଛି । ନଭେମ୍ବର ୧୮ରୁ ୨୦ ତାରିଖ ମଧ୍ୟରେ ଏହି ମୃତ୍ୟୁ ଘଟିଥିବା ସୂଚନା ମିଳିଛି ।

ସୂଚନାନୁଯାୟୀ, ପ୍ରଥମେ ୮ ଜଣଙ୍କ ମୃତ୍ୟୁ ନେଇ ଚାଣ୍ଡେଲ ପୋଲିସ ପକ୍ଷରୁ ସ୍ପଷ୍ଟ କରାଯାଇଥିଲା । ପରେ ମୃତକଙ୍କ ସଂଖ୍ୟା ବୃଦ୍ଧି ପାଇ ୧୫ରେ ପହଞ୍ଚିଥିବା ଜଣାପଡ଼ିଛି । କିଛି ପୀଡ଼ିତଙ୍କ ମୃତ୍ୟୁ ଘରେ ହୋଇଥିବାବେଳେ, ଅନ୍ୟ କେତେକଙ୍କର ହସ୍ପିଟାଲକୁ ନେବା ବାଟରେ ଏବଂ ଚାକପିକାରୋଙ୍ଗ କମ୍ୟୁନିଟି ହେଲ୍ଥ ସେଣ୍ଟରରେ ମୃତ୍ୟୁ ହୋଇଛି । ତେବେ ପିଆଯାଇଥିବା ମଦ ଚାଣ୍ଡେଲରେ ପ୍ରସ୍ତୁତ ହୋଇନଥିବା ପୋଲିସ ସ୍ପଷ୍ଟ କରିଛି । ଏହି ମଦ କାକଚିଙ୍ଗ ଜିଲ୍ଲାର ସୁଗାନୁରୁ ଆସିଥିବା ଜଣାପଡ଼ିଛି । ରିପୋର୍ଟ ହୋଇଥିବା ମୃତ୍ୟୁ ମଧ୍ୟରୁ ୫ଟି ସୁଗାନୁ ପୋଲିସ ଷ୍ଟେସନ ଅଞ୍ଚଳର ବୋଲି କୁହାଯାଇଛି ।

ଅନ୍ୟପଟେ, ଏହି ଘଟଣାକୁ ନେଇ ଜିଲ୍ଲା ପ୍ରଶାସନ ପକ୍ଷରୁ ଜନସ୍ୱାସ୍ଥ୍ୟ ପରାମର୍ଶ ଜାରି କରାଯାଇଛି । ପରବର୍ତ୍ତୀ ନିର୍ଦ୍ଦେଶ ନ ଆସିବା ପର୍ଯ୍ୟନ୍ତ ସ୍ଥାନୀୟ ଭାବେ ପ୍ରସ୍ତୁତ ମଦ କିମ୍ବା ସନ୍ଦିଗ୍ଧ ସ୍ଥାନରୁ କିଣାଯାଇଥିବା ମଦ ପିଇବାକୁ ବାରଣ କରାଯାଇଛି । ମଦ ପିଇବା ପରେ ବାନ୍ତି, ପେଟ ଯନ୍ତ୍ରଣା, ମୁଣ୍ଡବିନ୍ଧା, ମୁଣ୍ଡ ବୁଲାଇବା, ଦୃଷ୍ଟି ଧୂସର ହେବା କିମ୍ବା ନିଶ୍ୱାସ ନେବାରେ କଷ୍ଟ ଭଳି ଲକ୍ଷଣ ଦେଖାଦେଲେ ତୁରନ୍ତ ଡାକ୍ତରୀ ସହାୟତା ନେବାକୁ ପ୍ରଶାସନ ପରାମର୍ଶ ଦେଇଛି ।

Latest Posts

Don't Miss