spot_img

Latest Posts

ତିନି ମାସରେ ଦ୍ୱିତୀୟ ଥର FBI ଉପରେ ସାଇବର ଆକ୍ରମଣ, ହ୍ୟାକ୍ ହେଲା ଅପରାଧ ରେକର୍ଡ ଡାଟାବେସ୍

ନନ୍ଦିଘୋଷ ବ୍ୟୁରୋ : ଆମେରିକାର ତଦନ୍ତକାରୀ ସଂସ୍ଥା FBI ପୁଣିଥରେ ସାଇବର ଆକ୍ରମଣର ଶିକାର ହୋଇଛି। ମାତ୍ର ତିନି ମାସ ମଧ୍ୟରେ FBIର ସିଷ୍ଟମ ଉପରେ ଏହା ଦ୍ୱିତୀୟ ବଡ଼ ସାଇବର ଆକ୍ରମଣ। ଏଥର ହ୍ୟାକର୍ସଙ୍କ ଟାର୍ଗେଟରେ ରହିଛି ଆମେରିକାର ଜାତୀୟ ଅପରାଧ ସୂଚନା ଡାଟାବେସ୍। ଏହି ଡାଟାବେସରେ ଗିରଫ ୱାରେଣ୍ଟ, ଅପରାଧିକ ରେକର୍ଡ ଓ ପୃଷ୍ଠଭୂମି ଯାଞ୍ଚ ସମ୍ପର୍କିତ ଗୁରୁତ୍ୱପୂର୍ଣ୍ଣ ତଥ୍ୟ ରହିଛି।

CNNର ରିପୋର୍ଟ ଅନୁଯାୟୀ, ଏହି ସାଇବର ଆକ୍ରମଣ ଘଟଣାର ତଦନ୍ତ କରୁଛି FBI। ତେବେ ହ୍ୟାକର୍ସମାନେ କେଉଁ ପ୍ରକାରର ତଥ୍ୟ ଚୋରି କରିଛନ୍ତି ଏବଂ କେତେ ସଂଖ୍ୟକ ରେକର୍ଡକୁ ଆକ୍ସେସ୍ କରିଛନ୍ତି, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।

ହ୍ୟାକ୍ ହୋଇଥିବା ଡାଟାବେସର ନାଁ ହେଉଛି ନ୍ୟାସନାଲ୍ କ୍ରାଇମ୍ ଇନଫର୍ମେସନ୍ ସେଣ୍ଟର ବା NCIC। ଏହା ଆମେରିକାର ଏକ ଗୁରୁତ୍ୱପୂର୍ଣ୍ଣ ଅପରାଧ ସୂଚନା ବ୍ୟବସ୍ଥା। ଏହା ମାଧ୍ୟମରେ ଫେଡେରାଲ୍, ରାଜ୍ୟ ଓ ସ୍ଥାନୀୟ ପୋଲିସ ଏଜେନ୍ସିଗୁଡ଼ିକ ପରସ୍ପର ସହ ଅପରାଧ ସମ୍ପର୍କିତ ତଥ୍ୟ ଆଦାନପ୍ରଦାନ କରିଥାନ୍ତି। ଏଥିରେ ଗିରଫ ୱାରେଣ୍ଟ, ଅପରାଧିକ ରେକର୍ଡ ଏବଂ ଅନ୍ୟାନ୍ୟ ଜରୁରୀ ସୂଚନା ସଂରକ୍ଷିତ ରହିଥାଏ।

ଏହା ପୂର୍ବରୁ ସେପ୍ଟେମ୍ବର ମାସରେ ମଧ୍ୟ FBIର ନିଯୁକ୍ତି ସମ୍ପର୍କିତ ୱେବସାଇଟ୍ ହ୍ୟାକ୍ ହୋଇଥିଲା। ShinyHunters ନାମକ ହ୍ୟାକର୍ସ ଗୋଷ୍ଠୀ ଏହି ଆକ୍ରମଣ କରିଥିବା ଜଣାପଡ଼ିଥିଲା। ଏଥିରେ FBI କର୍ମଚାରୀଙ୍କ ବ୍ୟକ୍ତିଗତ ଓ ସମ୍ବେଦନଶୀଳ ତଥ୍ୟ ଚୋରି ହୋଇଥିବା ରିପୋର୍ଟ ହୋଇଥିଲା।

ପୂର୍ବ ଆକ୍ରମଣରେ FBI କର୍ମଚାରୀଙ୍କ ତଥ୍ୟ ଟାର୍ଗେଟ୍ ହୋଇଥିବା ବେଳେ ଏଥର ସାରା ଦେଶର ପୋଲିସ ବ୍ୟବସ୍ଥା ସହ ଜଡ଼ିତ ଅପରାଧ ରେକର୍ଡ ଡାଟାବେସ୍ ହ୍ୟାକର୍ସଙ୍କ ନିଶାଣରେ ରହିଛି। ଏହି ଘଟଣା ଆମେରିକାର ସାଇବର ସୁରକ୍ଷା ବ୍ୟବସ୍ଥାକୁ ନେଇ ନୂଆ ଚିନ୍ତା ସୃଷ୍ଟି କରିଛି।

Latest Posts

Don't Miss