spot_img

Latest Posts

ଦିଲ୍ଲୀରେ ହରେକୃଷ୍ଣ ମହତାବଙ୍କୁ ସମ୍ମାନ, ତାଙ୍କ ନାମରେ ନାମିତ ହେଲା ରାସ୍ତା

ନନ୍ଦିଘୋଷ ବ୍ୟୁରୋ : ହରେକୃଷ୍ଣ ମହତାବଙ୍କ ନାମରେ ନାମିତ ହେଲା ଦିଲ୍ଲୀର ରାସ୍ତା। ଦକ୍ଷିଣ ଦିଲ୍ଲୀର ବେଶ୍ ଗୁରୁତ୍ୱ ବହନ କରୁଥିବା ୱେଷ୍ଟଏଣ୍ଡ୍ ଠାରୁ ଦକ୍ଷିଣ ମୋତିବାଗ୍ ଷ୍ଟ୍ରିଟ୍ ପର୍ଯ୍ୟନ୍ତ ଥିବା ରାସ୍ତାକୁ ହରେକୃଷ୍ଣ ମହତାବଙ୍କ ନାମରେ ନାମିତ କରାଯାଇଛି । ଜାତୀୟ ରାଜନୀତିରେ ନିଜ ପାଇଁ ଏକ ସ୍ୱତନ୍ତ୍ର ସ୍ଥାନ ତିଆରି କରିପାରିଥିଲେ ଡକ୍ଟର ମହତାବ । ସ୍ୱାଧିନତା ପରେ ସେ ଓଡିଶାର ପ୍ରଥମ ମୁଖ୍ୟମନ୍ତ୍ରୀ ଭାବେ ଦାୟିତ୍ବ ତୁଲାଇଥିଲେ। ଦେଶର ପୂର୍ବତନ ପ୍ରଧାନମନ୍ତ୍ରୀ ଜବହାରଲାଲ୍ ନେହେରୁଙ୍କ ସହ ଅତ୍ୟନ୍ତ ଘନିଷ୍ଠ ଭାବେ ମଧ୍ୟ ପରିଚିତ ଥିଲେ ଡକ୍ଟର ମହତାବ। ପ୍ରଥମ ଓଡ଼ିଆ ଭାବେ ସେ ବମ୍ବେର ରାଜ୍ୟପା‍ଳ ଭାବେ ମଧ୍ୟ କାର୍ଯ୍ୟ କରିଥିଲେ । ତେବେ ଡକ୍ଟର ମହତାବଙ୍କ ନାମରେ ନାମିତ ଏହି ଅଞ୍ଚଳ ଦିଲ୍ଲୀର ଏକ ବେଶ୍ ଆଭିଜାତ୍ୟ ସମ୍ପନ୍ନ ଅଞ୍ଚଳ ଭାବେ ଜଣାଶୁଣା । ଏଠାରେ ବିଭିନ୍ନ ଦେଶର ରାଷ୍ଟ୍ରଦୂତଙ୍କ ବାସଭବନ ସହ ଦୂତାବାସ ମଧ୍ୟ ରହିଛି । ତେଣୁ ଏହାକୁ ଅତ୍ୟନ୍ତ ଗୁରୁତ୍ୱ ମନେ କରାଯାଉଛି । ଦିଲ୍ଲୀର କିଛି ରାସ୍ତାକୁ ଓଡ଼ିଶାର ବିଶିଷ୍ଟ ବ୍ୟକ୍ତିତ୍ୱଙ୍କ ନାମରେ ନାମିତ କରିବାକୁ ଦୀର୍ଘଦିନରୁ ଦାବି ହୋଇ ଆସୁଥିଲା ।

Latest Posts

Don't Miss