spot_img

Latest Posts

ଓଡ଼ିଶା ପୋଲିସରେ ମହିଳା କମାଣ୍ଡୋ

ନନ୍ଦିଘୋଷ ବ୍ୟୁରୋ : ଓଡ଼ିଶା ପୋଲିସରେ ମହିଳା କମାଣ୍ଡୋଙ୍କ ନୂଆ ଅଧ୍ୟାୟ। ପ୍ରଥମ ଥର ପାଇଁ ଓଡ଼ିଶା ପୋଲିସର ୩ ଜଣ ମହିଳା କନଷ୍ଟେବଳ NSG କମାଣ୍ଡୋ ଟ୍ରେନିଂ ସଫଳତା ସହିତ ଶେଷ କରିଛନ୍ତି । ରାଜ୍ୟ ପୋଲିସର ତିନିଜଣ ମହିଳା କନଷ୍ଟେବଳ ଦେଶର ସବୁଠାରୁ ଦକ୍ଷ ତଥା ଅଗ୍ରଣୀ ସୁରକ୍ଷା ବଳ ନ୍ୟାସନାଲ ସିକ୍ୟୁରିଟି ଗାର୍ଡ ଏନଏସ୍‌ଜିର ତାଲିମ କେନ୍ଦ୍ରରେ ପ୍ରଥମ ମହିଳା କମାଣ୍ଡୋ କନଭର୍ସନ କୋର୍ସ ସଫଳତାର ସହ ସମ୍ପୂର୍ଣ୍ଣ କରିଛନ୍ତି। ସେମାନେ ହେଲେ ଢେଙ୍କାନାଳର ପୋଲିସ୍ ଜିଲ୍ଲାର ଅନିଷା ସିଂହ, ନବରଙ୍ଗପୁରର ରାମେଶ୍ରୀ ହାଲବା ଓ ବଲାଙ୍ଗିରର ପିଙ୍କି ସାହୁ । ଏହା ପୂର୍ବରୁ ରାଜ୍ୟ ପୋଲିସ୍‌ର କୌଣସି ମହିଳା କନଷ୍ଟେବଳ ଏନ୍‌ଏସ୍‌ଜି କମାଣ୍ଡୋ ତାଲିମ ନେଇ ନଥିଲେ। ୧୨ ସପ୍ତାହ ଧରି ଅତ୍ୟନ୍ତ କଠୋର ଶାରୀରିକ ଏବଂ ମାନସିକ ପରୀକ୍ଷା ଦେଇ ଏହି ତିନି ମହିଳା କନଷ୍ଟେବଳ ନିଜର ଦକ୍ଷତା ପ୍ରତିପାଦନ କରିଛନ୍ତି। ଆତଙ୍କବାଦୀ ନିରୋଧୀ ଅଭିଯାନ, ବନ୍ଧକ ଥିବା ବ୍ୟକ୍ତିଙ୍କୁ ଉଦ୍ଧାର ଏବଂ ଯେକୌଣସି ବିପଜ୍ଜନକ ପରିସ୍ଥିତିର ମୁକାବିଲା କରିବା ପାଇଁ ସେମାନଙ୍କୁ ବିଶେଷ ଭାବେ ପ୍ରଶିକ୍ଷଣ ଦିଆଯାଇଛି। ଏହି ତିନିଜଣ ମହିଳା କମାଣ୍ଡୋ ପୂର୍ବରୁ ଯେଉଁ ଯେଉଁ ପୋଲିସ୍ ଜିଲ୍ଲାରେ କାର୍ଯ୍ୟରତ ଥିଲେ, ପୁନର୍ବାର ସେହି ସେହି ଜିଲ୍ଲାରେ ହିଁ ସେମାନଙ୍କୁ ପୋଷ୍ଟିଂ ଦିଆଯିବ। ଭବିଷ୍ୟତରେ ଯଦି ରାଜ୍ୟର କୌଣସି ସ୍ଥାନରେ ଅପ୍ରତ୍ୟାଶିତ କିମ୍ବା ଜରୁରୀକାଳୀନ ପରିସ୍ଥିତି ସୃଷ୍ଟି ହୁଏ, ତେବେ ପ୍ରଥମ ପର୍ଯ୍ୟାୟରେ ହିଁ ଏହି ତାଲିମପ୍ରାପ୍ତ ମହିଳା ଏନ୍‌ଏସଜି କମାଣ୍ଡୋଙ୍କୁ ଘଟଣାସ୍ଥଳରେ ନିୟୋଜିତ କରାଯିବ।

 

Latest Posts

Don't Miss