ଭୁବନେଶ୍ୱର: ଦେଶରେ ବଢୁଛି କରୋନାର କୋପ । ଏନେଇ ରାଜ୍ୟରେ ମଧ୍ୟ ୬୦ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ରାଜ୍ୟରେ କରୋନା ହଟପ୍ପଟ୍ ହୋଇଛି ରାଜଧାନୀ ଭୁବନେଶ୍ୱର । ଏଠାକୁ ଆସୁଥିବା ପ୍ରତ୍ୟେକ ଲୋକଙ୍କ ମଧ୍ୟ ଚିନ୍ତା ଦେଖାଦେଇଛି ।
ଭୂତାଣୁ ଭୟରେ ବାଟ ହୁଡୁଛି ମାନବିକତା। ସ୍ୱାସ୍ଥ୍ୟ ପରୀକ୍ଷା ପାଇଁ ଭୁବନେଶ୍ୱର ଆସିଥିଲେ, ଫେରିଲା ପରେ ଘରେ ପୁରାଇଲେନି ଘର ମାଲିକ । ବାଲେଶ୍ୱରରେ ଦେଖିବାକୁ ମିଳିଛି ଏଭଳି ଏକ ସମ୍ବେଦନଶୀଳ ଘଟଣା।
ବାଲେଶ୍ୱରର ସୁରେଶ କୁମାର ଶର୍ମା ସ୍ୱାସ୍ଥ୍ୟ ପରୀକ୍ଷା ପାଇଁ ଭୁବନେଶ୍ୱର ଯାଇଥିଲେ। ତେବେ ଡାକ୍ତରଙ୍କୁ ଦେଖାଇବା ପରେ ସେ ସଂଧ୍ୟାରେ ବାଲେଶ୍ୱର ସ୍ଥିତ ଭଡାଘରକୁ ଫେରିଥିଲେ। ହେଲେ ଘର ମାଲିକ ତାଙ୍କୁ ଘରେ ପୁରାଇବାକୁ ମନା କରିଥିବା ଅଭିଯୋଗ ହୋଇଛି।
ଏନେଇ ସୂଚନା ପାଇବା ପରେ ପୋଲିସ ଓ ପ୍ରଶାସନିକ ଅଧିକାରୀ ସେଠାରେ ପହଞ୍ଚିଥିଲେ। ପୋଲିସର ହସ୍ତକ୍ଷେପ ପରେ ଘରେ ପୁରାଇଛନ୍ତି ଘରମାଲିକ ତେବେ ଏଭଳି ଘଟଣାର ପୁନରାବୃତି ନକରିବାକୁ ପୋଲିସ ଚେତାବନୀ ଦେଇଥିଲା।
https://www.facebook.com/nandighoshatv/videos/668978110342186/
