ଭିଡିଓ ଫୁଟେଜ୍ ଅନୁସାରେ ନିଆଯିବ କାର୍ଯ୍ୟାନୁଷ୍ଠାନ: ଡିସିପି

ଭୁବନେଶ୍ୱର: ଓଡ଼ିଶା ଡ୍ରାଇଭର ମହାସଂଘର ଲୋଏର ପିଏଜିରେ ଆନ୍ଦଳନ ପ୍ରସଙ୍ଗ । ଡ୍ରାଇଭରଙ୍କୁ ମହଙ୍ଗା ପଡ଼ିବ ବିଶୃଙ୍ଖଳା ଓ ନିୟମ ଅମାନ୍ୟ । ସବୁ ଘଟଣାର ଭିଡିଓ ସଂଗ୍ରହ କରାଯାଉଛି । ଭିଡିଓ ଫୁଟେଜ୍ ଆଧାରରେ ଅଭିଯୁକ୍ତଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଭୁବନେଶ୍ୱର ଡିସିପି ଉମାଶଙ୍କର ଦାଶ । ଗୁଇନ୍ଦା ରିପୋର୍ଟ ଅନୁଯାୟୀ ପୂର୍ବରୁ ଆମ ପାଖରେ ଆନ୍ଦୋଳନରେ ଯୋଗ ଦେବାକୁ ୨୫ ହଜାର ଡ୍ରାଇଭର ଆସିବା ନେଇ ଖବର ଥିଲା । ଏନେଇ ଆମେ ପ୍ରସ୍ତୁତ ଥିଲୁ ।

ପୁରୀ କଟକ ବାଇପାସରେ ଗାଡ଼ି ରଖିବେ ବୋଲି କହିଥିଲେ ଆନ୍ଦୋଳନକୁ ଆସିବାକୁ ଥିବା ଡ୍ରାଇଭର ମହାସଂଘ ନେତା । ହେଲେ ସେମାନେ ନିୟମ ଭାଙ୍ଗିଛନ୍ତି । ଏନେଇ ତିନୋଟି ମାମଲା ରୁଜୁ ହୋଇଛି । ୨ଟି ରାସ୍ତା ରୋକ ଓ ଗୋଟିଏ ଧାରଣା ସ୍ଥଳରେ ୧୪୪ ଧାରା ଉଲ୍ଲଂଘନ କରିଛନ୍ତି ଆନ୍ଦୋଳନରତ ଡ୍ରାଇଭର । ନେତା ଓ କର୍ମୀଙ୍କ ମଧ୍ୟରେ ସମନ୍ୱୟ ନଥିବାରୁ ଲୋକେ ବିଭିନ୍ନ ସମସ୍ୟାର ସମ୍ମୁଖୀନ ହୋଇଛନ୍ତି ବୋଲି କହିଛନ୍ତି ଡିସିପି ।