ପୁଣି ସାମ୍ନାକୁ ଆସିଲା ଅନ୍ଧବିଶ୍ବାସର ଚିତ୍ର

ଢେଙ୍କାନାଳ : ସାପ କାମୁଡ଼ାରେ ମୃତ ରୋଗୀଙ୍କୁ ହସ୍ପିଟାଲ ପରିସରରେ ଝଡ଼ାଫୁଙ୍କା । ଢେଙ୍କାନାଳ ଜିଲ୍ଲା କାମାକ୍ଷାନଗର ଉପଖଣ୍ଡ ମେଡିକାଲ ପରିସରରେ ଦେଖିବାକୁ ମିଳିଛି ଏଭଳି ଦୃଶ୍ଯ । ଡାକ୍ତର ମୃତ ଘୋଷଣା କଲା ପରେ ମଧ୍ୟ ସାପ କାମୁଡିଥିବା ରୋଗୀଙ୍କୁ ବଞ୍ଚାଇବା ପାଇଁ ସମ୍ପର୍କୀୟ ଗୁଣିଆଙ୍କୁ ଧରି ଝଡାଫୁଙ୍କା କରିଛନ୍ତି  l ପ୍ରାୟ ଏକ ଘଣ୍ଟlରୁ ଅଧିକ ସମୟ ଧରି ଝଡାଫୁଙ୍କା ଚାଲିଥିବା ବେଳେ ମେଡିକାଲର ସିକ୍ୟୁରିଟି ଠାରୁ ଅନ୍ୟ ରୋଗୀ ଓ ସମ୍ପର୍କୀୟ ପାଲଟିଥିଲେ ଦେଖାଣାହାରୀ l

କାମାକ୍ଷାନଗର ଥାନା ଏକତାଳି ଗାଁର ନିରଞ୍ଜନ ବିଶ୍ବାଳ ଆଜି ସକାଳୁ ବିଲକୁ ଯାଇଥିବା ବେଳେ କୌଣସି ବିଷଧର ସାପ ସେଠାରେ ତାଙ୍କୁ କାମୁଡିଥିଲା l ପରେ ପରିବାର ଲୋକ ଖବର ପାଇ ନିରଞ୍ଜନଙ୍କୁ ତୁରନ୍ତ କାମାକ୍ଷାନଗର ମେଡିକାଲରେ ଭର୍ତ୍ତି କରାଇଥିଲେ  l ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ  l ଡାକ୍ତର ମୃତ ଘୋଷଣା କରିଥିଲେ ମଧ୍ଯ ପରିବାର ଲୋକଙ୍କ ମନ ବୁଝିନଥିଲା । ସେମାନେ ଏକ ଗୁଣିଆକୁ ଡାକି ମେଡିକାଲ ଭିତରେ ଝଡାଫୁଙ୍କା ଆରମ୍ଭ କରିଥିଲେ  l