ପାଗ ବିଗାଡିପାରେ ପୁରୀରେ ଏୟାର ଶୋ’, ବଳ ଦେଖାଇବାକୁ ପ୍ରସ୍ତୁତ ବାୟୁବୀର

ପୁରୀ: ଆଜି ପୁରୀ ବେଳାଭୂମିରେ ବଳ ଦେଖାଇବେ ବାୟୁବୀର । ପୁରୀ ବ୍ଲୁଫ୍ଲାଗ ବେଳାଭୂମିରେ ଆୟୋଜିତ ହେବ ଏୟାର ଶୋ’। ସକାଳ ୧୦ଟାରେ ଆକାଶରେ ଉଡ଼ିବ ୯ଟି ମାର୍କ-୧୩୨ ଫାଇଟର ଏୟାର କ୍ରାଫ୍ଟ । ଭଳିକି ଭଳି ସମରକଳା ଦେଖାଇବେ ବାୟୁସେନା ସୂର୍ଯ୍ୟକିରଣ ଟିମର ସଦସ୍ୟ ।

ତେବେ ପାଗ ଉପରେ ନିର୍ଭର କରେ ଆଜିର କାର୍ଯ୍ୟକ୍ରମ । ଲଘୁଚାପ ପ୍ରଭାବରେ ବର୍ଷା ହେବାର ସମ୍ଭାବନା ରହିଛି । ଯଦି ବର୍ଷା ହୁଏ ତେବେ କାର୍ଯ୍ୟକ୍ରମ ବାତିଲ କରାଯିବାର ସମ୍ଭାବନା ରହିଛି । ଏଥିପାଇଁ ଗତକାଲି ରିହର୍ସାଲରେ ପ୍ରବଳ ଭିଡ଼ ଜମିଥିଲା । ଯୁବପିଢୀଙ୍କ ମଧ୍ୟରେ ସେନା ବାହିନୀରେ ସାମିଲ ହେବାକୁ ଆଗ୍ରହ ସୃଷ୍ଟି କରିବା ଲକ୍ଷ୍ୟରେ ଭାରତୀୟ ବାୟୁସେନା ପକ୍ଷରୁ ବିଭିନ୍ନ ସ୍ଥାନରେ ଆୟୋଜିତ ହେଉଛି ଏୟାର ଶୋ’  ।

ଦିନକ ପୂର୍ବରୁ ବାୟୁସେନାର ସୂର୍ଯ୍ୟକିରଣ ଏୟାର ସୋ ଭୁବନେଶ୍ୱରେ ଅନୁଷ୍ଠିତ ହୋଇଥିଲା  । ଏଥିପାଇଁ ୧୧ଟି ହକ ବିମାନ ରାଜଧାନୀରେ ପହଞ୍ଚିଥିବା ବେଳେ  ସୋ’ରେ ୯ଟି ହକ୍ ବିମାନ ଅଂଶଗ୍ରହଣ କରିଥିଲେ । ତେବେ ପୁରୀ ବେଳାଭୂମିରେ ଆଜି ଏହି ସୋ ହେବ । ଭୁବନେଶ୍ବର, ପୁରୀ ପରେ ଆସାମର ଗୌହାଟୀରେ ଏହି ସୋ ହେବ ।