ଆସନ୍ତା ୨୪ରେ ବାବା ଆଖଣ୍ଡଳମଣିଙ୍କ ପ୍ରସିଦ୍ଧ ଶିବବିବାହ ମହୋତ୍ସବ
ଆରଡି: ଆସନ୍ତା ୨୪ ତାରିଖରେ ମହା ଆଡମ୍ବରରେ ପାଳନ ହେବ ଆରଡିର ବାବା ଆଖଣ୍ଡଳମଣିଙ୍କ ପ୍ରସିଦ୍ଧ ଶିବବିବାହ ମହୋତ୍ସବ । ଏନେଇ ପୀଠରେ ଚାଲିଛି ବ୍ଯାପକ ପ୍ରସ୍ତୁତି । ବରପିତା ଓ କନ୍ୟାପିତାଙ୍କ ପକ୍ଷରୁ ଚାଲିଛି ପ୍ରସ୍ତୁତି ପର୍ବ । ବର ଓ କନ୍ୟାପିତାଙ୍କ ପକ୍ଷରୁ ମଙ୍ଗୁଳା ଗୁଆ ଓ ନିମନ୍ତ୍ରଣପତ୍ର ଈଷ୍ଟଦେବ ଓ ବନ୍ଧୁ ପରିଜନଙ୍କୁ ବଣ୍ଟନ କରାଯାଉଛି ।
ମନ୍ଦିର ପ୍ରଶାସନ ପକ୍ଷରୁ କାଲିଠୁ ନିମନ୍ତ୍ରଣ ରଥ ବାହାରିବ । ପ୍ରଥମେ ମା ବିରଜା ଓ ପର୍ଯ୍ୟାୟକ୍ରମେ ମା’ ଭଦ୍ରକାଳୀ ଓ କେନ୍ଦ୍ରାପଡାର ବଳଦେବଜୀଉଙ୍କୁ ନିମନ୍ତ୍ରଣ କରାଯିବ। ସମ୍ପୁର୍ଣ୍ଣ ବୈଦିକ ରୀତିନୀତିରେ ଦେବଦମ୍ପତିଙ୍କ ବିବାହ ସମ୍ପନ୍ନ ହେବ । ଚଳିତବର୍ଷ ବିବାହ ଉତ୍ସବରେ ଶ୍ରଦ୍ଧାଳୁଙ୍କ ସମାଗମକୁ ଦୃଷ୍ଟିରେ ରଖି ପୋଲିସ ପ୍ରଶାସନ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଛି ।
