ଏସଆରସିଙ୍କ ଚେତାବନୀ, ସୋସିଆଲ ମିଡିଆରେ ପ୍ରଘଟ କରନି ମିଥ୍ୟା ଖବର
ଭୁବନେଶ୍ୱର: ରାଜ୍ୟରେ ବଢିବକି ଲକ୍ଡାଉନ୍ । ଏହାକୁ ନେଇ ଏବେବି ଚର୍ଚ୍ଚା ହେଉଥିବା ବେଳେ କିଛି ଅମାନିଆ ଲକ୍ଡାଉନ ସମ୍ପର୍କିତ ଫେକ୍ ନ୍ୟୁଜ୍ ସୋସିଆଲ ମିଡିଆ ପ୍ରଚାର କରୁଛନ୍ତି । ସେମାନଙ୍କୁ ଏଭଳି ନକରିବା ପାଇଁ ଚେତାବନୀ ଦେଇଛନ୍ତି ଏସଆରସି ପ୍ରଦୀପ ଜେନା । ଏଭଳି ମିଥ୍ୟା ପ୍ରଚାର ଦ୍ବାରା ରାଜ୍ୟବାସୀଙ୍କ ମଧ୍ୟରେ ଭୁଲ୍ ଧାରଣା ସୃଷ୍ଟି ହେଉଥିବା କହିଛନ୍ତି ଏସଆରସି ।
ସେପଟେ ରାଜ୍ୟ ସରକାର ଏପର୍ଯ୍ୟନ୍ତ କୌଣସି ଲକ୍ଡାଉନ୍ ବୃଦ୍ଧି ନେଇ ଘୋଷଣା କରିନାହାନ୍ତି । ରାଜ୍ୟରେ ଆସନ୍ତା ୧୭ ତାରିଖ ପର୍ଯ୍ୟନ୍ତ ଲକ୍ଡାଉନ୍ କଟକଣା ଜାରି ରହିଛି । ତାପରେ ସ୍ଥିତି କଣ ହେବ ତାକୁ ନେଇ କୌଣସି ପ୍ରକାର ଘୋଷଣା ହୋଇନାହିଁ ବୋଲି ସ୍ପଷ୍ଟ ଉଲ୍ଲେଖ କରିଛନ୍ତି ଏସଆରସି ପ୍ରଦୀପ ଜେନା ।
