ଅନୁଗୁଳ : ହାତୀ ପାଇଁ ଗାଁ ଚାରି ପାଖେ ନିଆଁ । ଅନୁଗୁଳ ବନଖଣ୍ଡ କାଙ୍ଗୁଲା ବେନ୍ତପୁର ଗାଁ ଚାରି ପାଖେ ଲାଗିଛି ନିଆଁ । ତେବେ କୌଣସି କାରଣ ବଶତଃ ଏହି ନିଆଁ ଲାଗି ନାହିଁ ବଂର ଜାଣିଶୁଣି ଏହି ନିଆଁ ଲଗାଯାଇଛି। ଏହି ନିଆଁକୁ ଗାଁ ଲୋକେ ଏବଂ ଚାଷୀ ମାନେ ଲଗାଇଛନ୍ତି । ଯାହା ଫଳରେ ଏକ ଭୟଙ୍କର ଦୃଶ୍ୟ ଭଳି ଦେଖା ଯାଉଛି। କାଙ୍ଗୁଲା ବେନ୍ତପୁର ଅଞ୍ଚଳରେ ଗତକାଲି ସନ୍ଧ୍ୟାବେଳେ ୪୦ଟି ହାତୀ ଆସିଥିଲେ। ଯାହା ଫଳରେ ଗାଁ ଲୋକେ ଏବଂ ଚାଷୀ ଚିନ୍ତାରେ ପଡି ଯାଇଥିଲେ। ଧାନ ଏବଂ ପନିପରିବାକୁ ବଞ୍ଚାଇବା ପାଇଁ ଏବଂ ହାତୀ ପଲ ଗାଁ ଭିତରକୁ ନ ପଶିବା ପାଇଁ ଗାଁ ଲୋକେ ଏବଂ ଚାଷୀ ବିଲରେ ଗଦା ଯାଇଥିବା ପାଳକୁ ଗାଁ ଚାରି ପାଖେ ବିଛାଇ ନିଆଁ ଲଗାଇ ଦେଇଥିଲେ। ଯାହା ଫଳରେ ହାତୀ ଆଉ ଗାଁ ଭିତରକୁ ପଶି ପଶି ନଥିଲେ। ଯାହା ଫଳରେ କାଙ୍ଗୁଲା ଶିବ ମନ୍ଦିର ନିକଟରେ ଅଧା ହାତୀ ପଲ ଏବଂ ବେନ୍ତପୁର ଗାଁ ନିକଟରେ ଆଉ କିଛି ହାତୀପଲ ଥିବା ବନ ବିଭାଗ କହିଛି।
