ଭୁବନେଶ୍ବର : ବିଜେପି ବିରୁଦ୍ଧରେ ଓଡିଶାରେ ଆମ ଆଦମୀ ପାର୍ଟିର ବିରୋଧ ପ୍ରଦର୍ଶନ। ନିର୍ବାଚନ ପୂର୍ବରୁ ଓଡ଼ିଶାବାସୀଙ୍କୁ ବିଜେପି ଅନେକ ପ୍ରତିଶ୍ରୁତି ଦେଇଥିଲା। ସରକାର ଗଠନ କରିବାର ୧୦୦ଦିନ ପୂରଣ ହେବାକୁ ଯାଉଥିଲାବେଳେ ଏକାଧିକ ପ୍ରତିଶ୍ରୁତି ପାଣିର ଗାର ପାଲଟିଥିବା ଆପ୍ ଅଭିଯୋଗ କରିଛି । ନିର୍ବାଚନ ବୈତରଣୀ ପାର ହେବା ପାଇଁ ପ୍ରଚାର ଓ ଭାଷଣ ମାଧ୍ୟମରେ ବିଜେପି ନେତା ଓ କେନ୍ଦ୍ରମନ୍ତ୍ରୀ ଗ୍ୟାରେଣ୍ଟି ଦେଇ ବିଜେପି ସରକାରକୁ ଆସିଲେ। ପ୍ରତ୍ୟେକ ଉପଭୋକ୍ତାଙ୍କୁ ୩୦୦ ୟୁନିଟ ମାଗଣା ବିଜୁଳି ଦିଆଯିବା କଥା କହି ଛଳନା କରିଥିବା ଆପ ଅଭିଯୋଗ କରିଛି। ଅନୁରୂପ ଭାବେ ବାର୍ଦ୍ଧକ୍ୟ ଭତ୍ତା, ସୁଭଦ୍ରା ଯୋଜନା, ବିଜୁଳି ସବୁ ଏବେ ଭେଳିକି। ରୋଜଗାର, କୃଷି, ପର୍ଯ୍ୟଟନ, ଶିକ୍ଷା,ସ୍ବାସ୍ଥ୍ୟ ଏବଂ ମହିଳା ଶିଶୁଙ୍କ ପାଇଁ ମାଳ ମାଳ ପ୍ରତିଶ୍ରୁତି ଦେଇଥିଲେ ମଧ୍ୟ ୧୦୦ଦିନ ଭିତରେ ଗୋଟେ ବି କାର୍ଯ୍ୟକାରୀ କରିନାହାନ୍ତି ବୋଲି କହିଛି ଆପ। ମିଛ ପ୍ରତିଶ୍ରୁତି ସବୁକୁ ଆଧାର କରି ବିଜେପି ଓଡ଼ିଶା ବାସୀଙ୍କୁ ଯେଉଁଭଳି ଭାବେ ଧୋକା ଓ ଛଳନାର ଉପହାର ଦେଇଛି ଏହା ବିରୁଦ୍ଧରେ ଆମ୍ ଆଦ୍ମୀ ପାର୍ଟି ରାଜରାସ୍ତାକୁ ଓହ୍ଲାଇଛି ।
