ଲେମ୍ବୁ ଓ କଞ୍ଚାଲଙ୍କା ଧରାଇ ଦେଇଥିଲା ଅପରାଧି,ସୋସିଆଲ ମିଡିଆରେ ନିଜ ଅଭିଜ୍ଞତା ସେୟାର କଲେ ଅରୁଣ ବୋଥ୍ରା
ନନ୍ଦିଘୋଷ ବ୍ୟୁରୋ ; ନିକଟରେ ପାଟଣାଗଡ ପାର୍ସଲ ବୋମା ବିସ୍ଫୋରଣ ରାୟ ପ୍ରକାଶ ପାଇଛି । ଅଭିଯୁକ୍ତ ପୁଞ୍ଜିଲାଲକୁ ଦୋଶୀ ସାବ୍ୟସ୍ତ କରି ସଜା ଶୁଣାଇଛନ୍ତି ପାଟଣାଗଡ ଏଡିଜେ କୋର୍ଟ । ଏହି ମାମଲାର ତଦନ୍ତ କରୁଥିଲେ ତତକାଳୀନ କ୍ରାଇମବ୍ରାଂଚ୍ ଆଇଜି ଅରୁଣ ବୋଥ୍ରା । ସେ କହିଥିଲେ ଯେ ଏହି ମାମଲାରେ ପ୍ରତ୍ୟକ୍ଷ ସାକ୍ଷୀ ନଥିବାରୁ ତଦନ୍ତ ପାଇଁ ବହୁତ ଚ୍ୟାଲେଞ୍ଜ ହୋଇଥିଲା । ସେମିତି ଏକ ଅପରାଧିକ ମାମଲାର ତଦନ୍ତକୁ ନେଇ ସେ ନିଜ ସୋସିଆଲ ମିଡିଆ ‘ଏକ୍ସ’ ଆକାଉଣ୍ଟରେ ସେୟାର କରିଛନ୍ତି । ସେ ତଦନ୍ତ କରୁଥିବା ସମୟରେ ତାଙ୍କୁ କ’ଣ କ’ଣ ସବୁ ସାମ୍ନା କରିବାକୁ ପଡିଥିଲା ସେ ଉଲ୍ଲେଖ କରିଛନ୍ତି ।
ସେ ଲେଖିଛନ୍ତି ଯେ,ଅପରାଧିକ ମାମଲାର ତଦନ୍ତ ହେଉଛି ପ୍ରମାଣ ସଂଗ୍ରହ କରିବା । କୋର୍ଟ ମାମଲାର ଶୁଣାଣି କରିବା ସମୟରେ ପ୍ରମାଣ ଓ ବିଶ୍ବାନୀୟତା ଉପରେ ବିଶ୍ବାସ କରନ୍ତି । ବେଳେବେଳେ ପ୍ରମାଣ ଭଳି ଲାଗୁଥିଲେ ମଧ୍ୟ ତାହା କୋର୍ଟରେ ଉପସ୍ଥାପନ କରାଯାଇପାରେନି । ମୁଁ ଗୋଟିଏ ୫ ବର୍ଷ ଝିଅର ଦୁଷ୍କର୍ମ ଓ ହତ୍ୟା ମାମଲାର ତଦନ୍ତ କରୁଥିଲି । ଜଣେ ଯୁବକ ଏଥିରେ ସନ୍ଦିଗ୍ଧ ଥିଲା । ସବୁବେଳେ ଆଲୋଚନା ସମୟରେ ତାର ସମ୍ପୃକ୍ତି ଥିବା ସ୍ପଷ୍ଟ ହୋଇଥିଲା । ଦିନେ ତାକୁ ପଚରାଉଚୁରା କରିବା ପାଇଁ ତାଙ୍କ ଘରକୁ ଯାଇଥିଲି । ସେତେବେଳେ ଯୁବକ ଜଣକ ଖଟରେ ଶୋଇଥିଲେ ଓ ତାଙ୍କ ମାଆ ତା’ର ମୁଣ୍ଡ ଉପରେ କଞ୍ଚାଲଙ୍କା ଓ ଲେମ୍ବୁ ବୁଲାଉଥିଲେ । ଖରାପ ଶକ୍ତିର ପ୍ରଭାବ ଦୂର କରିବା ପାଇଁ ଏଭଳି ଟୁଣକା କରାଯାଏ । ଯୁବକଙ୍କ ମା’ଙ୍କୁ ଏହି ବିଷୟରେ ପଜାରିବାରୁ ସେ କହିଥିଲେ ଯେ, ତାଙ୍କ ପୁଅ ଖରାପ ସ୍ବପ୍ନ ଦେଖୁଛି । ଖରାପ ଶକ୍ତିର ପ୍ରଭାବ ଦୁର କରିବା ପାଇଁ ସେ ଦେଶୀ ଟୁଣକା କରୁଥିବା କହିଥିଲେ । କି ପ୍ରକାର ଦୁଷ୍ଟ ଆତ୍ମା ବୋଲି ପଚାରିବରୁ, ସେ ମୃତ ଝିଅକୁ ସ୍ବପ୍ନ ଦେଖୁଥିବା କଥା କହିଥିଲେ । ସ୍ବପ୍ନରେ ମୃତା ଝିଅ ତାଙ୍କ ପୁଅକୁ କ’ଣ କହୁଛି ପଚାରିବାରୁ ମା’ କହିଥିଲେ ଯେ, ସେ କିଛି ନ କହି ଖାଲି ଚାହିଁ ରହୁଛି । ସ୍ୱପ୍ନ ଦେଖି ସେ ଅଧରାତିରେ ଚମକି, ଝାଳ ସରସର ହୋଇ ଉଠି ବସୁଛି ।
ଯୁବକଙ୍କ ମା’ଠାରୁ ଏହା ଶୁଣିବା ପରେ ସେଦିନ ମୁଁ କିଛି ନପଚାରି ତାଙ୍କ ଘରୁ ବାହାରି ଆସିଲି । କିନ୍ତୁ ମୁଁ ଯାହା ଦେଖିଛି ତାଙ୍କ ମାନସିକ ଅବସ୍ଥାର ସ୍ବଷ୍ଟ ଝଲକ ଥିଲା । ବୋଷୀର ଏହା ଅବିସ୍ବରଣୀୟ ସ୍ବିକାର । ଆମେ ଆଉ ଦୁଇ ସପ୍ତାହ ତଦନ୍ତ ଜାରି ରଖିଲୁ । ଯେତେବଳେ ଜଣେ ଫୋରେନସିକ ବିଶେଷଜ୍ଞଙ୍କ ଦ୍ବାରା ପଲିଗ୍ରାଫ ଟେଷ୍ଟ କରିବା ସମୟରେ ଯୁବକଟି ଭାଙ୍ଗି ପଡି କାନ୍ଦିବାକୁ ଲାଗିଲା ଏବଂ ହତ୍ୟା କଥାକୁ ସ୍ୱୀକାର କଲା । ତାଙ୍କର ସ୍ୱୀକାରୋକ୍ତି, ଅନ୍ୟାନ୍ୟ ଅନେକ ଗୁରୁତ୍ୱପୂର୍ଣ୍ଣ ଓ ସାମଗ୍ରୀକ ପ୍ରମାଣ ସହିତ, ତାଙ୍କୁ ଦୋଷୀ ସାବ୍ୟସ୍ତ ହେଲା । କୋର୍ଟ ତାଙ୍କୁ ଦୁଷ୍କର୍ମ ପାଇଁ ୨୦ ବର୍ଷ ଏବଂ ହତ୍ୟା ପାଇଁ ୨୦ ବର୍ଷ ଜେଲଦଣ୍ଡ ଶୁଣାଇଲା।
ଅରୁଣ ବୋଥ୍ରାଙ୍କ ଭଳି ଜଣେ ବରିଷ୍ଠ ଆଇପିଏସଙ୍କ ଏଭଳି ପୋଷ୍ଟକୁ ନେଇ ଏବେ ଚର୍ଚ୍ଚା ବଢ଼ିଛି ।
