ନନ୍ଦିଘୋଷ ବ୍ୟୁରୋ: ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଓ ତାଙ୍କ ଝିଅଙ୍କୁ ହତ୍ୟା ଧମକ। ୭ କୋଟି ଟଙ୍କା ନ ଦେଲେ ଉଭୟଙ୍କୁ ମାରି ଦିଆଯିବ ବୋଲି ଧମକ ଦିଆଯାଇଛି। ଲରେନ୍ସ ବିଷ୍ଣୋଇ ଗ୍ୟାଙ୍ଗ ଏହି ଧମକ ଦେଇଥିବାର ଦିଲ୍ଲୀ ପୋଲିସ ନିକଟରେ ଅଭିଯୋଗ ହୋଇଛି। ଲରେନ୍ସ ବିଷ୍ଣୋଇ ଗ୍ୟାଙ୍ଗର ସଦସ୍ୟ ବୋଲି ନିଜକୁ ପରିଚୟ ଦେଇ ଜଣେ ବ୍ୟକ୍ତି ଏହି ଧମକ ଦେଇଥିବା ଜଣାପଡ଼ିଛି।
ଦିଲ୍ଲୀ ତିଲକ ନଗର ବିଧାନସଭା ଆସନର ବିଧାୟକ ଜର୍ନେଲ ସିଂହ ଏହି ଘଟଣା ସମ୍ପର୍କରେ ପୋଲିସକୁ ଜଣାଇଛନ୍ତି। ତାଙ୍କ କହିବା ଅନୁସାରେ, ନିଜକୁ ଲରେନ୍ସ ବିଷ୍ଣୋଇ ଗ୍ୟାଙ୍ଗର ସଦସ୍ୟ ବୋଲି ପରିଚୟ ଦେଇଥିବା ଜଣେ ବ୍ୟକ୍ତି ତାଙ୍କୁ ଫୋନ୍ କଲ୍ ଓ ହ୍ୱାଟ୍ସଆପ୍ ମେସେଜ୍ ମାଧ୍ୟମରେ ଧମକ ଦେଇଥିଲେ। ଉକ୍ତ ବ୍ୟକ୍ତିଙ୍କର ବିଦେଶରେ ମଧ୍ୟ ଗ୍ୟାଙ୍ଗ ସହ ସମ୍ପର୍କ ଥିବା କୁହାଯାଇଛି। ଏ ନେଇ ନଭେମ୍ବର ୬ ତାରିଖରେ ପଞ୍ଜାବର ମୋହାଲି ପୋଲିସ ନିକଟେର ଅଭିଯୋଗ କରାଯାଇଛି। ଏନେଇ ପୋଲିସ ମାମଲା ରୁଜୁ କରି ତଦନ୍ତ କରୁଛି। ପୋଲିସ ମୋବାଇଲ୍ ନମ୍ବର ସହ ଜଡ଼ିତ କଲ୍ ରେକର୍ଡ, ଇଣ୍ଟରନେଟ୍ ପ୍ରୋଟୋକଲ୍ (IP) ଲଗ୍ ଓ ଲୋକେସନ୍ ଡାଟା ଯାଞ୍ଚ କରୁଛନ୍ତି। ଏଥିସହ କେଜ୍ରିୱାଲ ଓ ତାଙ୍କ ପରିବାରର ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରିବାକୁ ଜର୍ନେଲ ସିଂହ ଦାବି କରିଛନ୍ତି।
ପଞ୍ଜାବରେ ଏବେ ଆମ୍ ଆଦମୀ ପାର୍ଟିର ସରକାର ରହିଥିବା ବେଳେ ଭଗୱନ୍ତ ମାନ୍ ରାଜ୍ୟର ମୁଖ୍ୟମନ୍ତ୍ରୀ ଅଛନ୍ତି। ଆଗାମୀ କିଛି ମାସ ମଧ୍ୟରେ ସେଠାରେ ବିଧାନସଭା ନିର୍ବାଚନ ମଧ୍ୟ ହେବାକୁ ଯାଉଛି। ଏହା ଆଗରୁ ସଲମାନ ଖାନ ସମସ୍ତ ଅନ୍ୟମାନଙ୍କୁ ଧମକ ଦେଇଥିଲା ବିଷ୍ଣୋଇ ଗ୍ୟାଙ୍ଗ। କିଛି ଦିନ ତଳେ ଟାଇଗର ଶ୍ରଫଙ୍କୁ ଗୁଳି କରାଯାଇଥିବା ବେଳେ ସେ ଅଳ୍ପକେ ବର୍ତ୍ତିଥିଲେ।
