ମୁଁ ତାଙ୍କ ସହିତ ଛୁଆ ..କଣ୍ଠଶିଳ୍ପୀଙ୍କୁ ନେଇ ଏମିତି କାହିଁକି କହିଲେ ବାଦଶାହା ?

ନନ୍ଦିଘୋଷ ବ୍ୟୁରୋ: ବଲିଉଡ୍ ରାପର୍ ଏବଂ ଗାୟକ ବାଦଶାହ ତାଙ୍କର ନୂଆ ନୂଆ ଗୀତ ଏବଂ ବିବାଦୀୟ ମନ୍ତବ୍ୟ ପାଇଁ ସବୁବେଳେ ଚର୍ଚ୍ଚାରେ ରୁହନ୍ତି । ଏମିତିକି ରାପରଙ୍କ ପ୍ରଶଂସକମାନେ ତାଙ୍କର ନୂଆ ଗୀତ ପାଇଁ ଉତ୍ସାହର ସହିତ ଅପେକ୍ଷା କରନ୍ତି। ବାଦଶାହ କେବଳ ଜଣେ ଚମତ୍କାର ଗାୟକ ନୁହଁନ୍ତି, ବରଂ ଓଜନ ହ୍ରାସ ପରେ, ତାଙ୍କୁ ସବୁଠାରୁ ଯୋଗ୍ୟ ବ୍ୟାଚେଲର୍ ତାଲିକାରେ ସାମିଲ କରାଯାଇଛି। ପ୍ରାୟତଃ ବାଦଶାହଙ୍କ ନାମ ବିଭିନ୍ନ ଝିଅଙ୍କ ସହିତ ଯୋଡା ଯାଇଥାଏ। କିନ୍ତୁ ଏଥର ତାଙ୍କର ଏକ ମନ୍ତବ୍ୟ ବଲିଉଡରେ ଚହଳ ସୃଷ୍ଟି କରିଛି ।

ରାପର୍ ବାଦଶାହା ସୋସିଆଲ ମିଡିଆରେ ବହୁତ ଆକ୍ଟିଭ। ସେ ପ୍ରାୟତଃ ତାଙ୍କ ପ୍ରଶଂସକଙ୍କ ସହ ତାଙ୍କ ଜୀବନ ସହିତ ଜଡିତ ସମସ୍ତ ଅପଡେଟ୍ ସେୟାର କରନ୍ତି । ଏହି ସମୟରେ, ବାଦଶାହାଙ୍କ ଏକ ଟ୍ୱିଟ୍ ସୋସିଆଲ ମିଡିଆ ସାଇଟ୍ X ରେ ଭାଇରାଲ ହେଉଛି। ଏହି ପୋଷ୍ଟରେ ବାଦଶାହା ଆଲବାନିଆନ ଗାୟିକା ଦୁଆ ଲିପାଙ୍କ ବିଷୟରେ କଥା ହେଉଥିବାର ଦେଖାଯାଉଛି।ଯାହା ତାଙ୍କ ଫ୍ୟାନ୍ସମାନଙ୍କୁ ଦ୍ବନ୍ଦରେ ପକାଇଦେଇଛି ।

କ’ଣ ଥିଲା ବାଦଶାହାଙ୍କ ପୋଷ୍ଟ

ବାଦଶାହା ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲରେ ଏକ ପୋଷ୍ଟ କରିଥିଲେ। ସେ ସୋସିଆଲ ମିଡିଆ Xରେ ଏକ ହାର୍ଟ ଇମୋଜି ଦେଇ ଦୁଆ ଲିପା ଲେଖିଥିଲେ। ଏହା ପରେ ପ୍ରଶଂସକଙ୍କ ମଧ୍ୟରେ କଳ୍ପନାଜଳ୍ପନା ଆରମ୍ଭ ହୋଇଥିଲା। ଅନେକ ଲୋକ ଗାୟକଙ୍କ ଡେଟିଂ ବିଷୟରେ କଥାବାର୍ତ୍ତା କରୁଥିବା ସମୟରେ, ଜଣେ ବ୍ୟକ୍ତି କମେଣ୍ଟରେ ବାଦଶାହାଙ୍କୁ ପଚାରିଥିଲେ – ‘ଆପଣ କ’ଣ ଦୁଆଙ୍କ ସହ କୋଲାବ କରିବେ?’ ଏହି ପ୍ରଶ୍ନର ଉତ୍ତରରେ ବାଦଶାହା ଏପରି କିଛି କହିଥିଲେ ଯାହା ପ୍ରଶଂସକମାନଙ୍କୁ ଚକିତ କରିଦେଇଛି ।

https://x.com/Its_Badshah/status/1930753756746088823?

ବାଦଶାହାଙ୍କ ଡେଟିଂ ଜୀବନ

ଫ୍ୟାନ୍ସଙ୍କ କମେଣ୍ଟରେ ବାଦଶାହା ଲେଖିଛନ୍ତି – ‘ମୁଁ ତାଙ୍କ ସହିତ ପିଲା ଜନ୍ମ କରିବାକୁ ଚାହେଁ’। ଏବେ ଫ୍ୟାନ୍ସମାନେ ବାଦଶାହାଙ୍କ ବୟାନରୁ ଅନୁମାନ କରୁଛନ୍ତି ଯେ ରାପର୍ ଦୁଆଙ୍କୁ ଡେଟ୍ କରୁଛନ୍ତି କି ? ସେ କ’ଣ ଦୁଆଙ୍କୁ ପସନ୍ଦ କରନ୍ତି ? ତଥାପି, ବାଦଶାହା ଏ ବିଷୟରେ କିଛି କହି ନାହାଁନ୍ତି। ବାଦଶାହାଙ୍କ ପ୍ରେମ ଜୀବନ ବିଷୟରେ କହିବାକୁ ଗଲେ, ପାକିସ୍ତାନ-ଭାରତ ଉତ୍ତେଜନା ପୂର୍ବରୁ ବାଦଶାହାଙ୍କ ନାମ ପାକିସ୍ତାନୀ ଅଭିନେତ୍ରୀ ହାନିଆ ଆମିରଙ୍କ ସହ ଯୋଡା ହେଉଥିଲା। ହାନିଆଙ୍କୁ ବାଦଶାହାଙ୍କ କନସର୍ଟରେ ମଧ୍ୟ ଦେଖାଯାଇଥିଲା। ତଥାପି, ପରେ ଉଭୟ ପରସ୍ପରକୁ ଭଲ ବନ୍ଧୁ ବୋଲି କହିଥିଲେ।