ଫକୀର ମୋହନ କଲେଜରେ କ୍ରାଇମବ୍ରାଞ୍ଚ ଟିମ୍
ବାଲେଶ୍ବର : ଫକୀର ମୋହନ କଲେଜରେ କ୍ରାଇମବ୍ରାଞ୍ଚ ଟିମ୍। ଘଟଣାସ୍ଥଳରେ କ୍ରାଇମବ୍ରାଞ୍ଚର ମହିଳା ଓ ଶିଶୁ ଅପରାଧ ଓ୍ବିଙ୍ଗ ଆଇଜି ଏସ ସାଇନି ଉପସ୍ଥିତ ଅଛନ୍ତି। ଏହାସହ ଡିଏସପି ଇମାନ କଲ୍ୟାଣ ନାୟକ ମଧ୍ୟ ପହଞ୍ଚିଛନ୍ତି। ସବୁ ଦିଗରୁ ତଦନ୍ତ କରାଯାଉଛି ବୋଲି କହିଛନ୍ତି ଡିଏସପି। ଜଣେ ଡିଏସ୍ପିଙ୍କ ନେତୃତ୍ବରେ କ୍ରାଇମବ୍ରାଞ୍ଚର ୫ ଜଣିଆ ଟିମରେ ଜଣେ ଇନସ୍ପେକ୍ଟର, ଫରେନସିକ୍ ଏକ୍ସପର୍ଟ ଓ ଆଉ ଦୁଇଜଣ ଅଧିକାରୀ ସାମିଲ ଅଛନ୍ତି ।ଏ ନେଇ ପୂର୍ବରୁ ଜିଲ୍ଲା ପୋଲିସ ଜବତ କରିଥିବା ସମସ୍ତ ସିସିଟିଭି ଫୁଟେଜକୁ ଯାଞ୍ଚ କରୁଛି କ୍ରାଇମବ୍ରାଞ୍ଚ ଟିମ୍ । ଆତ୍ମହତ୍ୟା କରିବାକୁ ପ୍ରବର୍ତ୍ତାଇଥିବା ବ୍ୟକ୍ତି ଖୁବଶୀଘ୍ର ଗିରଫ ହୋଇପାରନ୍ତି ।
