ଭୁବନେଶ୍ବର : ଧନ ତୁ ଖୁସିରେ ରହ, ଆଉ କେବେ ତତେ ଦୁଃଖ ଦେବିନି । ମୋ ମଲା ମୁହଁ ଦେଖି ତୋ ନୂଆ ଲାଇଫ ପାର୍ଟନର ସହ ଖୁସିରେ ବଞ୍ଚ । ଇନଷ୍ଟାଗ୍ରାମରେ ଏପରି ଷ୍ଟାଟସ୍ ରଖି ଜୀବନ ହାରିଛନ୍ତି ଜଣେ ଯୁବକ । ସେ ହେଲେ ଭୁବନେଶ୍ଵର ଏୟାରଫିଲଡ ଥାନା ବିରବନ୍ଧ ଗାଁର ପ୍ରିୟବ୍ରତ ପ୍ରଧାନ। ସେ ଆତ୍ମହତ୍ୟା କରିଥିବାର ଅଭିଯୋଗ ହୋଇଛି। ଜଣେ ନାବାଳିକାଙ୍କୁ ସେ ଏକତରଫା ଭଲ ପାଉଥିଲେ ବୋଲି କୁହାଯାଉଛି। କିନ୍ତୁ ବିଫଳ ହେବା ପରେ ସେ ଜୀବନ ହାରିବା ଭଳି ଚରମ ନିଷ୍ପତ୍ତି ନେଇଛନ୍ତି। ଏୟାରଫିଲଡ଼ ଥାନା ପୋଲିସ ପାରିପାର୍ଶ୍ବିକ ତଦନ୍ତ କରିବା ସହ ଏକ ଅପମୃତ୍ୟୁ ମାମଲା ରୁଜୁ କରି ଚଳାଇଛି ତଦନ୍ତ।
