ବିହାର ଜାମୁଇରେ ଦଶମ ଶ୍ରେଣୀର ଦୁଇ ଜଣ ଛାତ୍ରଛାତ୍ରୀଙ୍କୁ ଅଶୋଭନୀୟ ଆଚରଣ ପ୍ରଦର୍ଶନ ଘଟଣା। ମୁଖ୍ୟମନ୍ତ୍ରୀ ସମ୍ରାଟ ଚୌଧୁରୀଙ୍କ ଇସ୍ତଫା ଦାବି କଲେ ଦିରୋଧୀ। ସେମାନଙ୍କୁ ୬ରୁ ୭ ଜଣ ବ୍ୟକ୍ତି ମାଡ ମାରିବା ଘଟଣା ଏବେ ସାରା ଦେଶରେ ଚର୍ଚ୍ଚାର କାରଣ ସାଜିଛି। ଅଭିଯୁକ୍ତଙ୍କ ବିରୋଧରେ ପୋଲିସ ପୋକ୍ସୋ ଧାରାରେ ମାମଲା ରୁଜୁ କରିଛି। ସ୍ବତନ୍ତ୍ର ତଦନ୍ତକାରୀ ଟିମ ଜରିଆରେ ଘଟଣାର ତଦନ୍ତ ଜାରି ରହିଥିବାବେଳେ ୩ ଜଣଙ୍କୁ ଗିରଫ କରାଯାଇଛି। ଏହି ଘଟଣାର ମୁଖ୍ୟ ଅଭିଯୁକ୍ତକୁ ଏନକାଉଣ୍ଟର କରାଯାଇଛି। ତା ଗୋଡରେ ଗୁଳି ଲାଗିଛି। ୩ ଅଭିଯୁକ୍ତଙ୍କୁ ଗିରଫ ନେଇ ସୂଚନା ଦେଇଛନ୍ତି ଜାମୁଇ ଏସପି ବିଶ୍ବଜିତ ଦୟାଲ। ଦୁଇ ଜଣ ଛାତ୍ରଛାତ୍ରୀଙ୍କୁ କିଛି ଲୋକେ ଅଟକାଇ ମାଡ଼ ମାରିବା ସହିତ ଟଣା ଓଟରା କରିଥିଲେ। ସାର୍ଟ ଚିରି ଦେବା ସହିତ ନାବାଳିକା ଛାତ୍ରୀଙ୍କୁ ଅସଦାଚରଣ କରିଥିଲେ। ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ୍ ହେବା ପରେ ଏହାକୁ ନେଇ ସାରା ଦେଶ ହୁଲସ୍ତୁଲ ହୋଇଥିଲା। ଗତ ଶନିବାର ସନ୍ଧ୍ୟା ପ୍ରାୟ ୭ଟା ଏହି ଘଟଣା ଘଟିଥିଲା। ଦଶମ ଶ୍ରେଣୀର ଜଣେ ଛାତ୍ର ଓ ଜଣେ ଛାତ୍ରୀ କୋଚିଂ ସାରି ସ୍କୁଟରରେ ଘରକୁ ଫେରୁଥିଲେ। ଜମୁଇ-ଲଖିସରାଇ ରାସ୍ତାରେ କିଛି ଲୋକ ସେମାନଙ୍କୁ ଅଟକାଇଥିଲେ । ଛାତ୍ରକୁ ଟଣାଓଟରା କରିବା ସହିତ ନାବାଳିକାକୁ ଅସଦାଚରଣ କରିଥିଲେ। ଭିଡିଓରେ ନାବାଳିକା ଜଣକ ହାତ ଯୋଡ଼ି ଛାଡ଼ିଦେବାକୁ ନିବେଦନ କରୁଥିବା ଶୁଣିବାକୁ ମିଳୁଛି। ଏହା ସତ୍ତ୍ୱେ ମୁହଁରେ ମାସ୍କ ପିନ୍ଧିଥିବା ବ୍ୟକ୍ତି ତାଙ୍କ ପଛରେ ଗୋଡ଼ାଇ ଥିଲେ। ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ସାରା ଦେଶରେ କ୍ଷୋଭ ପ୍ରକାଶ ପାଇଥିଲା। ଏହି ଘଟଣାକୁ ନେଇ ପ୍ରତିବାଦ ଆନ୍ଦୋଳନ କରାଯାଇଛି।
