ଭୁବନେଶ୍ବର: ଭୁବନେଶ୍ଵର ଲୋୟର୍ ପିଏମଜିରେ ତୃତୀୟ ଦିନରେ ମିଶନ ଶକ୍ତି ମହିଳାଙ୍କ ଗର୍ଜନ। ସ୍ଥାୟୀ ନିଯୁକ୍ତି ଦାବିରେ ନାରାବାଜି କରୁଛନ୍ତି । ହଜାର ହଜାର ସଂଖ୍ୟାରେ ମହିଳା ଅହୋରାତ୍ର ଧାରଣାରେ ବସିବା ପରେ ବି ସରକାର ଶୁଣୁନାହାନ୍ତି ବୋଲି ଅଭିଯୋଗ କରିଛନ୍ତି । ଓଡ଼ିଶା ଜୀବିକା ମିଶନ ଓ ମିଶନଶକ୍ତି ଅଧିନରେ କାର୍ଯ୍ୟରତ ଇସି ସଦସ୍ୟମାନେ ରାଜ୍ୟ ସରକାରଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରିବା ସହ ଧାରଣା ଦେଇଛନ୍ତି । ରିଷ୍ଟ୍ରକଚରିଂ ବ୍ୟବସ୍ଥା ବନ୍ଦ କରିବା ସହ ସ୍ଥାୟୀ ନିଯୁକ୍ତି କରିବା ପାଇଁ ଦାବି କରିଛନ୍ତି ହଜାର ହଜାର ମହିଳା । ଏହା ସହିତ ବକେୟା ଭତ୍ତା ପ୍ରଦାନ ସହ ମିଶନଶକ୍ତି ଏବଂ ଜୀବିକା ମିଶନରେ କାର୍ଯ୍ୟରତ କମ୍ୟୁନିଟି ସପୋର୍ଟ ଷ୍ଟାଫଙ୍କ ୫ ବର୍ଷିଆ ଚୁକ୍ତି ବାତିଲ କରି ସ୍ଥାୟୀ କରିବା, ମିଶନଶକ୍ତି ବିଭାଗ ରାଜ୍ୟର ସମସ୍ତ ମହିଳାଙ୍କ ଜୀବିକା ଅର୍ଜନର ରାହାକୁ ରାଜ୍ୟ ସରକାର ସୁନିଶ୍ଚିତ କରିବାକୁ ମହିଳା ଦାବି କରିଛନ୍ତି ।
୧୧୭ କେଜି ବେଆଇନ ଗଞ୍ଜେଇ ସମେତ ଗଞ୍ଜେଇ ପ୍ୟାକିଂ ସାମଗ୍ରୀ ଜବତ: ଜଣେ ଗିରଫ
ବାଲିଗୁଡ଼ା: ବେଆଇନ ଗଞ୍ଜେଇ ଚୋରା ଚାଲାଣ ବେଳେ ମାଡ଼ି ବସିଲା ପୋଲିସ । ଘଟଣାସ୍ଥଳରୁ ୧୧୭ କେଜି ବେଆଇନ ଗଞ୍ଜେଇ ସମେତ ଗଞ୍ଜେଇ ପ୍ୟାକିଂ ସାମଗ୍ରୀ ଜବତ ହୋଇଛି । ଏହାସହ ଜଣଙ୍କୁ ପୋଲିସ ଗିରଫ କରିଥିବା ବେଳେ ଅନ୍ୟ ଜଣେ ଚମ୍ପଟ ମାରିଥିବା ଜଣାପଡ଼ିଛି । କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ଅନ୍ତର୍ଗତ ପରମପଙ୍ଗା ପଞ୍ଚାୟତ ଅଞ୍ଚଳରୁ ଛତିଶଗଡ଼ ରାଜ୍ୟକୁ ଚୋରା ଚାଲାଣ ପାଇଁ ଚାଲିଥିଲା ପ୍ରସ୍ତୁତି । ଏହି ସମୟରେ ପୋଲିସ ଚଢାଉ କରି ଗଞ୍ଜେଇ ଜବତ କରିଛି । ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ପ୍ରାୟ ତିନି ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି । ଏନେଇ ବାଲିଗୁଡ଼ା ଥାନାରେ ଏକ ମାମଲା ରୁଜୁ କରି ପୋଲିସ୍ ତଦନ୍ତ ଚଳାଇଛି । ଏହି ଚଢ଼ାଉରେ ବାଲିଗୁଡ଼ା ଥାନା ଅଧିକାରୀ ସମ୍ବିତ୍ କୁମାର ସ୍ବାଇଁ ଓ ତୁମୁଡ଼ିବନ୍ଧ ଥାନା ଭାରପ୍ରାପ୍ତ ଅଧିକାରୀ ଆଶୁତୋଷ ଜେନା ପୁର୍ଣ୍ଣ ସହଯୋଗ କରିଥିଲେ ।
WPL ଇତିହାସର ସବୁଠାରୁ ବଡ଼ ରନଚେଜ: ପ୍ରଥମ ଥର ୨୦୦ ରନ୍ ଟାର୍ଗେଟକୁ ଚେଜ୍ କଲା RCB
ବଦୋଦରା: WPL ୨୦୨୫ରେ ଗତକାଲି ଖେଳାଯାଇଥିବା ମୁକାବିଲାରେ ବଡ଼ ରୋମାଞ୍ଚ ଦେଖିବାକୁ ମିଳିଥିଲା । ବଦୋଦରାର କୋଟାମ୍ବୀ ଷ୍ଟାଡିୟମରେ ରୟାଲ ଚାଲେଞ୍ଜର୍ସ ବେଙ୍ଗାରୁରୁ ଓ ଗୁଜରାଟ ଜାଏଣ୍ଟସ ମଧ୍ୟରେ ଖେଳାଯାଇଥିବା ଏହି ମ୍ୟାଚରେ ବଡ଼ ରେକର୍ଡ ସ୍ଥାପିତ ହୋଇଥିଲା । ଏହି ମ୍ୟାଚରେ ଆରସିବି ପ୍ରତିପକ୍ଷ ଗୁଜରାଟକୁ ୬ ଓ୍ବିକେଟରେ ହରାଇ ଦେଇଥିଲା । ମ୍ୟାଚରେ ଆରସିବି ବଡ଼ ରେକର୍ଡ ହାସଲ କରିଥିଲା । ପ୍ରଥମେ ବ୍ୟାଟିଂ କରି ଗୁଜରାଟ ୨୦୨ ରନର ଟାର୍ଗେଟ ଦେଇଥିଲା । ଆରସିବି ୯ଟି ବଲ ବାକି ଥାଇ ଲକ୍ଷ୍ୟ ହାସଲ କରିନେଇଥିଲା ।
WPL ଇତିହାସରେ ପ୍ରଥମ ଥର କୌଣସି ଟିମ୍ ୨୦୦ରୁ ଅଧିକ ଟାର୍ଗେଟକୁ ଚେଜ କରିଥିଲା । ଆରସିବିର ବିଜୟରେ ଓ୍ବିକେଟକିପର ବ୍ୟାଟ୍ସମ୍ୟାନ ରିଚା ଘୋଷ ୨୭ଟି ବଲରୁ ୬୪ ରନ୍ ସଂଗ୍ରହ କରି ଦଳର ବିଜୟରେ ପ୍ରମୁଖ ଭୂମିକା ଗ୍ରହଣ କରିଥିଲେ । ସେ ନିଜ ପାଳିରେ ୪ଟି ଛକା ଓ ୭ଟି ଚୌକା ମାରିଥିଲେ । ସେହିପରି ଏଲିସ ପେରୀ ୩୪ଟି ବଲରୁ ୫୭ ରନ୍ ସଂଗ୍ରହ କରି ଦଳକୁ ବିଜୟର ନିକଟତର କରାଇଥିଲେ । କନିକା ଆହୁଜା ଓ ରିଜା ଘୋଷ ମିଶି ୯୩ ରନର ପାର୍ଟନଶିପ କରିଥିଲେ । ବଡ଼ ସ୍କୋର କରିଥିଲେ ହେଁ ଏହି ମ୍ୟାଚରେ ଗୁଜରାଟର କୌଣସି ବୋଲରଙ୍କ ବୋଲିଂ କାମ କରିନଥିଲା ।
ଶିକ୍ଷକ ଅଭାବ ପ୍ରତିବାଦରେ ସ୍କୁଲ ଫାଟକରେ ଝୁଲିଲା ତାଲା: ଧାରଣାରେ ଛାତ୍ରଛାତ୍ରୀଙ୍କ ସମେତ ଅଭିଭାବକ
ଜଗତସିଂହପୁର: ଶିକ୍ଷକ ଅଭାବ ପ୍ରତିବାଦରେ ସ୍କୁଲ ଫାଟକରେ ଝୁଲିଲା ତାଲା । ଧାରଣାରେ ଛାତ୍ରଛାତ୍ରୀଙ୍କ ସମେତ ଅଭିଭାବକ। ଜଗତସିଂହପୁର ଜିଲ୍ଲା ତିର୍ତ୍ତୋଲ ବ୍ଳକ ଶିକ୍ଷା ବିଭାଗ ଅଧୀନରେ ରହିଛି ବୈଦେଶ୍ୱର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ । ଏହି ବିଦ୍ୟାଳୟରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀମାନେ ଅଧ୍ୟୟନ କରିଥାନ୍ତି। ବିଦ୍ୟାଳୟରେ ୭୦ ଜଣ ଛାତ୍ରଛାତ୍ରୀ ରହିଥିବା ବେଳେ ମାତ୍ର ଦୁଇ ଜଣ ଶିକ୍ଷକ ପାଠ ପଢ଼ାଉଛନ୍ତି । ଯାହାଫଳରେ ଶିକ୍ଷାଦାନରେ ବହୁ ଅସୁବିଧାର ସମ୍ମୁଖିନ ହେଉଛନ୍ତି ଛାତ୍ରଛାତ୍ରୀମାନେ । ବାରମ୍ବାର ଅଭିଯୋଗ କଲେ ମଧ୍ୟ ଆବଶ୍ୟକ ଶିକ୍ଷକ ପଦ ପୂରଣ ହେଉନାହିଁ। ଯାହାକୁ ନେଇ ତିର୍ତ୍ତୋଲ ଦାଇଁଲୋ ଗ୍ରାମବାସୀଙ୍କ ମଧ୍ୟରେ ପ୍ରବଳ ଅସନ୍ତୋଷ ବୃଦ୍ଧି ପାଇଛି । ଗତକାଲି ସ୍କୁଲ ଫାଟକରେ ତାଲା ପାକଇ ଧାରଣାରେ ବସି ରହିଛନ୍ତି ଛାତ୍ରଛାତ୍ରୀ ଓ ଅବିଭାବକମାନେ । ଯେପର୍ଯ୍ୟନ୍ତ ଆବଶ୍ୟକ ଶିକ୍ଷକ ପଦବୀ ପୂରଣ ନହୋଇଛି ସେପର୍ଯ୍ୟନ୍ତ ସ୍କୁଲ ଫାଟକରେ ତାଲା ଝୁଲିବ ବୋଲି ଗ୍ରାମବାସୀ ମାନେ କହିଛନ୍ତି ।
ଆଜିଠାରୁ ରାଜ୍ୟରେ ବଢ଼ିବ ତାତି: ୩ରୁ ୫ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ବୃଦ୍ଧି ନେଇ ପାଣିପାଗ କେନ୍ଦ୍ରର ପୂର୍ବାନୁମାନ
ଭୁବନେଶ୍ବର: ମାଘ ଯାଉ ଯାଉ ମାଡ଼ି ଆସିଲାଣି ତାତି। ଗରମରେ ଆଉଟୁ ପାଉଟୁ ରାଜ୍ୟବାସୀ। ଉପକୂଳରେ ଉପରମୁହାଁ ପାରଦ। ଆଜିଠାରୁ ରାଜ୍ୟରେ ଅହେତୁକ ଭାବରେ ବଢିବ ତାତି। ସ୍ବାଭାବିକ ଠାରୁ ୩ରୁ ୫ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ବୃଦ୍ଧି ହେବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର। ଚଳିତବର୍ଷ ପ୍ରଥମ ଥର ପାଇଁ ଗତକାଲି ସର୍ବାଧିକ ତାପମାତ୍ରା ୩୫ ଡିଗ୍ରୀ ଟପିଛି ରାଜଧାନୀ ଭୁବନେଶ୍ବର। ଗତକାଲି ୩୫.୯ ଡିଗ୍ରୀ ସହ ଉତ୍ତପ୍ତ ସହର ପାଲଟିଥିଲା ଅନୁଗୁଳ। ଉପକୂଳ ଓଡ଼ିଶା ସମେତ ଅନୁଗୁଳ ଏବଂ ଢେଙ୍କାନାଳରେ ତାତି ଅସମ୍ଭାଳ ହୋଇଥିବା ବେଳେ ଆସନ୍ତା ୧୯ ତାରିଖ ମଧ୍ୟରେ ସାଂଘାତିକ ତାତି ଅନୁଭୁତ ହେବ ବୋଲି ପାଣିପାଗ କେନ୍ଦ୍ର କହିଛି । ବର୍ତ୍ତମାନ ରାଜ୍ୟରେ ପାଗ ଶୁଖିଲା ରହିବା ସହ ମେଘମୁକ୍ତ ଆକାଶ ପାଇଁ ତାତି ବୃଦ୍ଧି ପାଉଛି। ଏହାସହ ରାଜ୍ୟକୁ ସାମୁଦ୍ରିକ ପବନ ପ୍ରବାହରେ ବ୍ରେକ୍ ଲାଗିଛି। ତେବେ ତାତି ସହ ରାଜ୍ୟର କିଛି ଜିଲ୍ଲାରେ ହାଲୁକାରୁ ମଧ୍ୟମ ଧରଣର କୁହୁଡି ଅନୁଭୁତ ନେଇ ସତର୍କ କରିଛି ପାଣିପାଗ କେନ୍ଦ୍ର ।
ବଜେଟ ଅଧିବେଶନର ତୃତୀୟ ଦିନ: ଆଜି ବି ହୁଲସ୍ତୁଲ ହୋଇପାରେ ଗୃହ
ଭୁବନେଶ୍ବର: ବଜେଟ ଅଧିବେଶନର ଆଜି ତୃତୀୟ ଦିନ । ପ୍ରଶ୍ନକାଳ ସ୍ବଭାବିକ ଚାଲିବକି କି ନାହିଁ ତାକୁ ନେଇ ସନ୍ଦେହ ଦେଖାଦେଇଛି। ଚାଷୀ ଓ ଧାନମଣ୍ଡି ଅବ୍ୟବସ୍ଥାକୁ ନେଇ ବିରୋଧୀ ବିଜେଡି ସରକାରଙ୍କୁ ଘେରିଥିବା ବେଳେ ସରକାର ପଳାୟନପନ୍ଥି ହୋଇଛନ୍ତି। ଆଜି ମହିଳା-ଶିଶୁ ବିକାଶ, ନିର୍ମାଣ, ପର୍ଯ୍ୟଟନ, ଅବକାରୀ, ମିଶନ ଶକ୍ତି, ଆଇନ ବିଭାଗର ପ୍ରଶ୍ନକାଳ ରହିଛି । ବିଧାୟକ ମାନେ ଚାହିଁଲେ ଭିନ୍ନ ପ୍ରଶ୍ନ ମଧ୍ୟ ପଚାରି ପାରିବେ। ଶୂନ୍ୟକାଳରେ ଧାନର କଟନୀ ଛଟନୀ, ଆଇନ ଶୃଙ୍ଖଳା ପ୍ରସଙ୍ଗ ଉଠାଇ ପାରନ୍ତି ବିରୋଧୀ। ଏହା ପରେ ରାଜ୍ୟପାଳଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଆଲୋଚନା ହେବ। ଆଜି ଗୃହ ସ୍ବାଭାବିକ ଚାଲିବ ନା ପୁଣି ଆରମ୍ଭରୁ ଅଚଳାବସ୍ଥା ଜାରି ରହିବ ତା ଉପରେ ସମସ୍ତଙ୍କ ନଜର ରହିଛି।
ମୋ ବସ୍ ଧକ୍କାରେ ମହିଳାଙ୍କ ମୃତ୍ୟୁ
ପୁଣି ମୋ ବସର ବେପରୁଆ ଗାଡି ଚାଳନା
ତମାଣ୍ଡୋ ଓଭରବ୍ରିଜ୍ ନିକଟରେ ଦୁର୍ଘଟଣା
ମହିଳାଙ୍କୁ ଧକ୍କା ଦେଲା ମୋ ବସ୍
ମୋ ବସ ଧକ୍କାରେ ମହିଳାଙ୍କ ମୃତ୍ୟୁ
ଦୁର୍ଘଟଣା ପରେ ମହିଳାଙ୍କୁ ଘୋଷାଡ଼ି ନେଲା ମୋ ବସ
ସେପଟେ ପୁଣି ଆକ୍ରୋସର ଶିକାର ହେଲା ମୋ ବସ । ବେପରୁଆ ଗାଡିଚାଳନା ପାଇଁ ବସକୁ ଢେଲା ପଥର ମାଡ଼ ହୋଇଛି। ରଣକ୍ଷେତ୍ର ପାଲଟିଲା ଶ୍ରୀୟା ଛକ । ନନ୍ଦିଘୋଷ ଟିଭି ହାତରେ ଲାଗିଛି exclusive ଭିଜୁଆଲ । ପ୍ରାୟ ଅଧଘଣ୍ଟା ଧରି ବସ ଅଟକାଇବା ପରେ ସ୍ୱାଭାବିକ ହୋଇଥିଲା ବସ ଚଳାଚଳ। ଖବର ପାଇ ଖାରବେଳନଗର ଥାନା ପୋଲିସ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିଛି । ବସ ଡ୍ରାଇଭର ସହ ବସକୁ ଅଟକ ରଖିଛି ଖାରବେଳନଗର ପୋଲିସ।
ଜ୍ୟୋତିଷ ସାଜି ଲୋକଙ୍କୁ ଲଗାଉଥିଲେ ଚୂନ, ଧରା ପଡ଼ିଲା ଗ୍ୟାଙ୍ଗ୍
ନନ୍ଦିଘୋଷ ବ୍ୟୁରୋ: ଉତ୍ତରାଖଣ୍ଡରୁ ଆସି ଝାରସୁଗୁଡ଼ାରେ କରୁଥିଲେ ଅପରାଧ । ଜ୍ୟୋତିଷ ସାଜି ଲୋକଙ୍କୁ ଲଗାଉଥିଲେ ଚୂନ । ଗ୍ୟାଙ୍ଗ ସହାୟତାରେ ନିରୀହ ଲୋକଙ୍କୁ କରୁଥିଲେ ଟାର୍ଗେଟ। ବେଳପାହାଡ଼ ଥାନାରେ ଗତ ୧୧ ତାରିଖ ଦିନ ଏବଂ ଝାରସୁଗୁଡ଼ା ଥାନାରେ ୧୩ ତାରିଖ ଦିନ ସୁନା ଠକେଇ ନେଇ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଥିଲା । ଘଟଣାର ତଦନ୍ତ କରି ଉତ୍ତରପ୍ରଦେଶ ମେରଟର ଜୋହର ଅଲ୍ଲୀ, ଆମରୋହାର ମହମ୍ମଦ ଇସଲାମ, ଉତ୍ତରାଖଣ୍ଡ ଉଦାମ ସିଂହ ନଗରର ଶାହିଦ ଅହମ୍ମଦ ଏବଂ ମହମ୍ମଦ ଇକବାଲଙ୍କୁ ଗିରଫ କରିଛି ଝାରସୁଗୁଡ଼ା ପୋଲିସ୍ । ବେଳପାହାଡ଼ର ରିତାମଞ୍ଜରୀ ସାହୁ ଏବଂ ସରବାହାଲର ନିରୂପମା ନାୟକଙ୍କୁ ଲୁଟିଥିଲେ ଏହି ଠକ । ଗ୍ୟାଙ୍ଗଠାରୁ ପୋଲିସ ଦୁଇଟି ବାଇକ, ସୁନା ଗହଣା ଜବତ କରିଛି । ଝାରସୁଗୁଡ଼ା ଏସପି କାର୍ଯ୍ୟାଳୟରେ ଆଇଜି ଏବଂ ଏସପି ଏନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ସିସିଟିଭି ଆଧାରରେ ସମ୍ବଲପୁରରୁ ଏହି ଗ୍ୟାଙ୍ଗକୁ ଗିରଫ କରାଯାଇଥିବା ପୋଲିସ ସୂଚନା ଦେଇଛି ।
ଭାଙ୍ଗିଲା ନୀଳଚକ୍ର ବାନାକୁ ଧାରଣ କରୁଥିବା ଅକ୍ଷୟ ଦଣ୍ଡ
ନନ୍ଦିଘୋଷ ବ୍ୟୁରୋ: ଭାଙ୍ଗିଲା ନୀଳଚକ୍ର ବାନାକୁ ଧାରଣ କରୁଥିବା ଅକ୍ଷୟ ଦଣ୍ଡ । ଶ୍ରୀମନ୍ଦିର ଚୁଡ଼ାରେ ଆଜି ଏହି ଘଟଣା ଘଟିଥିବା ଦେଖିବାକୁ ମିଳିଛି । ଶ୍ରୀମନ୍ଦିର ନୀଳଚକ୍ରରେ ମୁଖ୍ୟ ବାନାକୁ ଧରି ରଖୁଥିବା ବାଉଁଶରେ ପ୍ରସ୍ତୁତ ଅକ୍ଷୟ ଦଣ୍ଡଟି ଭାଙ୍ଗି ଯାଇଥିବା ଦେଖିବାକୁ ମିଳିଛି । ଶ୍ରୀମନ୍ଦିର ପରମ୍ପରା ଅନୁଯାୟୀ ପ୍ରତ୍ୟେକ ଦିନ ଅପରାହ୍ନରେ ବାନା ପରିବର୍ତ୍ତନ ହୁଏ। ତେବେ ଆଜି ଚୁନରା ସେବାୟତ ବାନା ପରିବର୍ତ୍ତନ କରିବାକୁ ଯିବା ବେଳେ ହଠାତ୍ ଏହି ବାଉଁଶର ଅକ୍ଷୟ ଦଣ୍ଡଟି ଭାଙ୍ଗି ଯିବା ଦେଖିବାକୁ ମିଳିଥିଲା ।
ପୁଣି କଂଗ୍ରେସକୁ ଫେରିବେ ପୁରୁଖା ନେତା, ପିସିସି ସଭାପତି କହିଲେ..
ନନ୍ଦିଘୋଷ ବ୍ୟୁରୋ: ପୁଣି କଂଗ୍ରେସକୁ ଫେରିବେ ପୁରୁଖା ନେତା । ଦଳରୁ ଦୁରେଇ ଯାଇଥିବା ତଥା ନିଲମ୍ବନ ହୋଇଥିବା ସମସ୍ତ ପୁରୁଖା ନେତା ମାନଙ୍କୁ ପୁଣି କଂଗ୍ରେସ କୁ ଅଣାଯିବ । ଆଜି ଠାରୁ ପ୍ରକ୍ରିୟା ଆରମ୍ଭ ହୋଇଥିବା ସୂଚନା ଦେଇଛନ୍ତି ପିସିସି ସଭାପତି ଭକ୍ତ ଦାସ । ସୁର ରାଉତରାୟ ଜଣେ ଅଭିଜ୍ଞ ଓ ଦଳର ଗୋଟିଏ ଶକ୍ତ ସ୍ତମ୍ଭ । କଂଗ୍ରେସ ସେହି ସ୍ତମ୍ଭ ଭୁଶୁଡିବାକୁ ଦେବ ନାହିଁ ବୋଲି କହିଛନ୍ତି ଭକ୍ତ ଦାସ। ଯେଉଁ ନେତାମାନଙ୍କୁ ଦଳରୁ ନିଲମ୍ଵନ କିମ୍ଵା ବହିଷ୍କାର କରାଯାଇଥିଲା । ତାହାକୁ ପ୍ରତ୍ୟାହାର କରାଯାଇଥିବା ବିଜ୍ଞପ୍ତି ପ୍ରକାଶ କରି ଜଣାଇଛନ୍ତି ପିସିସି ସଭାପତି ଭକ୍ତ ଚରଣ ଦାସ । ଏହା ସହିତ ବିଭିନ୍ନ ସମୟରେ କୌଣସି ନା କୌଣସି କାରଣରୁ ଯେଉଁମାନେ କଂଗ୍ରେସ ଦଳ ଛାଡ଼ି ଅନ୍ୟତ୍ର ଚାଲିଯାଇଛନ୍ତି । ସେମାନେ ପୁଣିଥରେ କଂଗ୍ରେସ ଦଳକୁ ଫେରିଆସିବାକୁ ସେ ନିବେଦନ କରିଛନ୍ତି । ଯଦି ସେମାନେ କଂଗ୍ରେସ ଦଳର ନୀତି ଆଦର୍ଶ ପ୍ରତି ଆସ୍ଥା ପ୍ରକଟ କରି ଯୋଗଦାନ କରିବାକୁ ଇଚ୍ଛୁକ, ସେମାନଙ୍କୁ କଂଗ୍ରେସ ଦଳ ପକ୍ଷରୁ ସମ୍ମାନର ସହିତ ସ୍ଵାଗତ କରାଯିବ ବୋଲି କହିଛନ୍ତି ପିସିସି ସଭାପତି ।