ନନ୍ଦିଘୋଷ ବ୍ୟୁରୋ: ବାପା ଆଗରେ ଜଳଭଣ୍ଡାରକୁ ଡେଇଁପଡ଼ିଲା ପୁଅ । ପଛରେ ଆସି ମଧ୍ୟ ପୁଅକୁ ଅଟକାଇପାରିଲେନାହିଁ ବାପା । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି କୋରାପୁଟ ଜିଲ୍ଲା ସୁନାବେଡ଼ା ଜାତୀୟ ରାଜପଥ ଟିମ୍ଭର ବ୍ରିଜ ନିକଟରେ । ଜଳ ଭଣ୍ଡାରକୁ ଡେଇଁ ନିଖୋଜ ଯୁବକ କୋରାପୁଟ ଜାନିଗୁଡ଼ାର ମଦନ ଜାନି । ନିଖୋଜ ଯୁବକଙ୍କୁ ଖୋଜାଖୋଜି ଜାରି ରଖିଛି ସିମିଳିଗୁଡ଼ା ଅଗ୍ନିଶମ ବାହିନୀ । ଘଟଣାସ୍ଥଳରେ ସୁନାବେଡ଼ା ପୋଲିସ ଉପସ୍ଥିତ । ମଦନ ହାଲରେ ସିକ୍ୟୁରିଟି ଭାବେ କାର୍ଯ୍ୟ କରନ୍ତି । ସେ ସ୍କୁଟି ଯୋଗେ ଚିକାପାରରୁ ଫେରୁଥିଲେ । ପୁଅ ପଛେ ପଛେ ବାପା ଏକ ବାଇକ ଯୋଗ ପୁଅକୁ ବଞ୍ଚେଇବାକୁ ଯାଉଥିଲେ । ବାପା ପୁଅକୁ ଅଟକେଇବା ପୂର୍ବରୁ ପୁଅ ମଦନ ବ୍ରିଜ ତଳକୁ ଡେଇଁ ପଡ଼ିଥିଲେ । ଯୁବକ ଜଣକ ଜଳଭଣ୍ଡାରକୁ ଡେଇଁବାର୍ କାରଣ ଅସ୍ପଷ୍ଟ ।
ପଦୋନ୍ନତି ପାଇଁ ଅଫିସରେ ସମୟ ଦେଲେ ସ୍ବାମୀ, ସମ୍ପର୍କ ଛିଡ଼ାଇ ଦେଲା ସ୍ତ୍ରୀ
ନନ୍ଦିଘୋଷ ବ୍ୟୁରୋ: ବିବାହ ଦୁଇ ମନର ମିଳନ । ସାତ ଜନ୍ମ ପାଇଁ ହୋମ ନିଆଁକୁ ସାକ୍ଷୀ ରଖି ଉଭୟ ଉଭୟଙ୍କ ହାତ ଧରିଥାନ୍ତି । ସାତ ଜନ୍ମ ସାଥୀ ହୋଇ ରହିବାକୁ କଥାଦିଆ ହୋଇଥାନ୍ତି । ମାତ୍ର ସ୍ବାମୀ ଦେଇପାରିଲେନି ସ୍ବାମୀ, ନିଜର ଅଫିସରେ ଏତେ ବ୍ୟସ୍ତ ରହିଲେ କି ଶେଷରେ ସ୍ତ୍ରୀ ତାଙ୍କୁ ଛାଡ଼ି ଦେଇଛନ୍ତି । ଏମିତି ଏକ ଖବର ଏବେ ସାମ୍ନାକୁ ଆସିଛି । ଜଣେ ଟେକ୍ ଏକଜିକ୍ୟୁଟିଭ୍ ନିଜର କାଣାଣୀକୁ ପ୍ରକାଶ କରିଛନ୍ତି । ସେ କହିଛନ୍ତି କି, ନିଜର ପ୍ରମୋସନ ପାଇଁ ସେ କଠିନ ପରିଶ୍ରମ କଲେ ଆଉ ଟଙ୍କା ପ୍ରତିପତି ସବୁ ମିଳିଲା ସତ କିନ୍ତୁ ପରିବାର ନିଜର ହୋଇପାରିଲାନି ।
ଏହାସହ ସେ କହିଛନ୍ତି କି, ଦିନକୁ ୧୪ ଘଣ୍ଟାରୁ ଅଧିକ ସମୟ ମୁଁ ଅଫିସରେ ଅତିବାହିତ କରେ । ନିଜର କଠିନ ପରିଶ୍ରମ ପାଇଁ ଏବେ ମାସିକ କୋଟି କୋଟି ଟଙ୍କା ରୋଜଗାର କରୁଛି । ସକାଳ ୭ଟାରୁ ଅଫିସ ଯାଇ ରାତି ୯ଟାରେ ଫେରୁଥିଲେ । ଅଫିସ ପାଇଁ ବହୁ ପରିଶ୍ରମ କରୁଥିଲେ । ଯେଉଁଥି ପାଇଁ ତାଙ୍କ ସମ୍ମାନଜନକ ପଦବୀ ସହ ଭଲ ଦରମା ମଧ୍ୟ ମିଳୁଛି । କିନ୍ତୁ ଯେତେବେଳେ ମୋ ଝିଅ ଜନ୍ମ ହୋଇଥିଲା ମୁଁ ସେତେବେଳେ ରହିନଥିଲି । ଅଫିସରେ ଏତେ କାମ ଥିଲା କି, ମୁଁ ସମୟ ଦେଇପାରିନଥିଲି । ମୋ ସ୍ତ୍ରୀ କଷ୍ଟରେ ରହିଥିଲେ ସୁଦ୍ଧା ମୁଁ ସମୟ ଦେଇପାରିନଥିଲି । ଯେଉଁ କାରଣରୁ ସେ ଛାଡ଼ପତ୍ର ଦେବାକୁ କହିଥିଲେ । ଆଉ ଅଲଗା ହୋଇଛନ୍ତି । ଯାହାର କାହାଣୀ ସେ ସୋସିଆଲ ମିଡିଆରେ ମଧ୍ୟ ସେୟାର କରିଛନ୍ତି । ଏହାକୁ ୟୁଜର୍ସମାନେ ସେୟାର କରୁଥିବାବେଳେ ବିଭିନ୍ନ କମେଣ୍ଟମାନ ଦେଉଛନ୍ତି ।
ଏକା ସାଙ୍ଗରେ ଅନେକ ଶତ୍ରୁଙ୍କୁ ଧୂଳି ଚଟେଇବେ ଶାହରୁଖ ଖାନ !
ମୁମ୍ୱାଇ: ବଲିଉଡ୍ ଅଭିନେତା ଶାହରୁଖ ଖାନଙ୍କ ଫିଲ୍ମ ‘କିଙ୍ଗ୍’ ଆସିବାକୁ ଯାଉଛି । ଏହା ଆକ୍ସନ ଏବଂ ଏଣ୍ଟରଣ୍ଟେନମେଣ୍ଟ ଫିଲ୍ମ ହେବାକୁ ଯାଉଛି। ସିଦ୍ଧାର୍ଥ ଆନନ୍ଦ ଏହି ଫିଲ୍ମର ନିର୍ଦ୍ଦେଶନା ଦେଉଛନ୍ତି। ଏହି ଫିଲ୍ମ ରିଲିଜ୍ ହେବା ପୂର୍ବରୁ ଦାବି କରାଯାଇଛି ଯେ, ଏହି ଫିଲ୍ମଟି ବଡ଼ ବଡ଼ ଫିଲ୍ମକୁ ପଛରେ ପକାଇଦେବ । କାରଣ ଏଥିରେ ଶାହରୁଖ ଖାନଙ୍କ ସହିତ ତାଙ୍କ ଝିଅ ସୁହାନା ଖାନ ମଧ୍ୟ ‘କିଙ୍ଗ’ରେ ନଜର ଆସିବେ। ଏଥିରେ ପ୍ରଥମ ଥର ପାଇଁ ପ୍ରଶଂସକମାନେ ବାପା-ଝିଅଙ୍କ ଯୋଡ଼ିକୁ ଏକାଠି ଦେଖିବାକୁ ପାଇବେ। ବର୍ତ୍ତମାନ ପର୍ଯ୍ୟନ୍ତ ନିର୍ମାତାମାନେ ଫିଲ୍ମ ପାଇଁ ଅଭିନେତ୍ରୀ ଖୋଜୁଛନ୍ତି।
‘କିଙ୍ଗ୍’ ଫିଲ୍ମରେ ଶାହରୁଖଙ୍କୁ କେବଳ ଗୋଟିଏ ନୁହେଁ ବରଂ ଅନେକ ଶତ୍ରୁଙ୍କ ସହିତ ଲଢ଼ିବାକୁ ପଡିବ। ଏଥିରେ ମୁଖ୍ୟ ଖଳନାୟକ ରହିଛନ୍ତି । ଫାଇଟ୍ ସିକ୍ୱେନ୍ସ ଯୋଗୁଁ ଫିଲ୍ମର କାହାଣୀ ବହୁତ ଆକର୍ଷଣୀୟ ହେବାକୁ ଯାଉଛି। ଫିଲ୍ମରେ ନାୟକ ଏବଂ ଖଳନାୟକଙ୍କ ପରିବର୍ତ୍ତେ, ଶାହରୁଖ ଅନେକ ଖଳନାୟକଙ୍କ ସହିତ ଲଢ଼ୁଥିବା ଦେଖିବାକୁ ମିଳିବ ।
ନିର୍ମାତାମାନେ ବଡ଼ ପରଦାରେ କିଛି ନୂଆ କରି ଦେଖାଇବାକୁ ଚେଷ୍ଟା କରୁଛନ୍ତି । ଫିଲ୍ମ ପାଇଁ ନିର୍ମାତାମାନେ ଅଭିନେତ୍ରୀ ଖୋଜିବାରେ ଲାଗିପଡିଛନ୍ତି ।ଫିଲ୍ମର ମୁଖ୍ୟ ଭୂମିକା ପାଇଁ ସୁହାନା ଖାନ ଏବଂ ଅଭୟ ବର୍ମାଙ୍କୁ ପୂର୍ବରୁ ଚୂଡ଼ାନ୍ତ କରାଯାଇଛି। କିଙ୍ଗ ଏକ ବଡ଼ ସ୍ତରର ଆକ୍ସନ ଫିଲ୍ମ ହେବାକୁ ଯାଉଛି। ରିପୋର୍ଟ ଅନୁସାରେ, ଫିଲ୍ମର ଅନେକ ପ୍ରମୁଖ ଷ୍ଟଣ୍ଟ ୟୁରୋପରେ ସୁଟିଂ କରାଯିବ। ସିଦ୍ଧାର୍ଥ ଆନନ୍ଦ ଏହି ଦୃଶ୍ୟଗୁଡ଼ିକୁ ବଡ଼ ଏବଂ ଆଶ୍ଚର୍ଯ୍ୟଜନକ ଭାବରେ ଡିଜାଇନ୍ କରିଛନ୍ତି।
ଏହି ଫିଲ୍ମରେ ଚମତ୍କାର ସିନେମାଟୋଗ୍ରାଫି, ଜୋରଦାର ଲଢ଼େଇ ସହ ନୃତ୍ୟ ନିର୍ଦ୍ଦେଶନା ଏବଂ ବଡ଼ ଧରଣର VFX ଦେଖିବାକୁ ମିଳିବ। କିଙ୍ଗର ପ୍ରି-ପ୍ରଡକ୍ସନ ପାଇଁ ଟିମ୍ ବହୁତ ସମୟ ନେଇଛି। ନିର୍ମାତାମାନେ ଏହି ଫିଲ୍ମକୁ ପ୍ରତ୍ୟେକ ଦୃଷ୍ଟିରୁ ଉନ୍ନତ କରିବାକୁ ଚେଷ୍ଟା କରୁଛନ୍ତି। ଏହି ଫିଲ୍ମଟି ୧୦୦୦ କୋଟିରୁ ଅଧିକ ଟଙ୍କା କଲେକ୍ସନ କରିବା ନେଇ କୁହାଯାଉଛି ।
ଗାଇର ଦାମ ୭ ଲକ୍ଷ, ଦେଖିବାକୁ ଲାଗିଛି ଭିଡ଼
ନନ୍ଦିଘୋଷ ବ୍ୟୁରୋ: ଦେଢ ଫୁଟ ଉଚ୍ଚତାର ପୁଙ୍ଗୁନୁର ଗାଇ ମସ୍ୟ ପ୍ରାଣୀ ସମାବେଶର ମୁଖ୍ୟ ଆକର୍ଷଣ ପାଲଟିଛି । ମସ୍ୟ ଓ ପ୍ରାଣୀ ସମ୍ପଦ ବିଭାଗ ତରଫରୁ ବରମୁଣ୍ଡା ପଡ଼ିଆରେ ଆୟୋଜନ ହୋଇଛି ସମାବେଶ । ୧୪ ରୁ ୧୬ ଫେବୃଆରୀ ପର୍ଯ୍ୟନ୍ତ ବରମୁଣ୍ଡା ବିଜୁ ପଟ୍ଟନାୟକ ପଡ଼ିଆଠାରେ ସମାବେଶ ଆୟୋଜନ ହୋଇଥିବା ବେଳେ, ଏଥିରେ ଆନ୍ଧ୍ରରୁ ଆସିଛି ସ୍ଵତନ୍ତ୍ର ପ୍ରଜାତିର ପୁଙ୍ଗୁନୁର ଗାଇ । ଯାହାର ଡିମାଣ୍ଡ ରହିଛି, ଯାହାକୁ ଦେଖିବା ପାଇଁ ବେଶ୍ ଭିଡ ଜମିଛି । ଏ ଗାଈ ଟିର ବିଶେଷତଃ ହେଉଛି ତାକୁ ନିଜ ଘରେ ରଖି ଲାଳନ ପାଳନ କରାଯାଇପାରିବ. ମାତ୍ର ଦେଢ ଫୁଟ ଉଚ୍ଚତା ସ୍ଵତନ୍ତ୍ର ପ୍ରଜାତି ର ଏହି ଗାଇ ଦୁଇ ବର୍ଷ ଭିତରେ ମା ହେବା ସହିତ ଦେଢ ଲିଟର ପର୍ଯ୍ୟନ୍ତ କ୍ଷୀର ଦେବ ବୋଲି ଆୟୋଜକ କହିଛନ୍ତି. ତେବେ ଏହି ଗାଇ ଯୋଡି ଙ୍କ ମୂଲ୍ୟ ୭ ଲକ୍ଷ ଟଙ୍କା ରହିଚି ଓଡିଶା ଚାଷୀ ମାନେ ଏହାକୁ କିଣି ଉପକୃତ ହୋଇପାରିବେ ବୋଲି ଆଶା କରାଯାଉଛି ।
କ୍ୟାନ୍ସର ପୀଡ଼ିତାଙ୍କ ପାଇଁ କେଶ ଦାନ କଲେ ସାମ୍ବାଦିକ
ନନ୍ଦିଘୋଷ ବ୍ୟୁରୋ: କ୍ୟାନ୍ସର ପୀଡ଼ିତାଙ୍କ ପାଇଁ କେଶ ଦାନ କଲେ ସାମ୍ବାଦିକ । ୧୮ ଇଞ୍ଚ୍ ଲମ୍ବର କେଶ କଲେ ଦାନ । ୫ ବର୍ଷ ହେଲା କେଶର ଯତ୍ନ ନେଉଥିଲେ । କର୍କଟ ରୋଗରେ ଆକ୍ରାନ୍ତ ହୋଇ କେଶ ହରାଉଥିବା ବ୍ୟକ୍ତିବିଶେଷଙ୍କ ଉଦ୍ଦେଶ୍ୟରେ କେଶ ଦାନ କଲେ ଯୁବ ସାମ୍ବାଦିକ ବିନୋଦ କୁମାର ବେହେରା । ସାମାଜିକ ଅନୁଷ୍ଠାନ ‘ସୋପଭା ଟ୍ରଷ୍ଟ’ ସହଯୋଗରେ ସେ ‘କେଶ ଥିଲେ ଦିଅନ୍ତୁ, ନଥିଲେ ନିଅନ୍ତୁ’ ଅଭିଯାନରେ ସାମିଲ ହୋଇ ପ୍ରାୟ ୧୮ ଇଞ୍ଚ୍ ଲମ୍ବର କେଶ ଦାନ କରିଛନ୍ତି । କେନ୍ଦ୍ରାପଡ଼ା ଜିଲ୍ଲା ଆଳି ବ୍ଲକ ବାଳକାଟି ପଞ୍ଚାୟତର ନାଗପଡ଼ା ଗାଁର ବାସିନ୍ଦା ବୈକୁଣ୍ଠ ବେହେରା ଓ ବୈଶାଳୀ ବେହେରାଙ୍କ ପୁତ୍ର ବିନୋଦ ଏବେ ହାଇଦ୍ରାବାଦର ରାମୋଜି ଫିଲ୍ମ ସିଟିରେ ଥିବା ଦେଶର ଅଗ୍ରଣୀ ଡିଜିଟାଲ ନ୍ୟୁଜ୍ ନେଟୱର୍କ “ଇଟିଭି ଭାରତ”ରେ କାର୍ଯ୍ୟରତ ଅଛନ୍ତି । କୋଭିଡ୍ ପ୍ରଥମ ଲହର ସମୟରେ ସେଲୁନ୍ ଓ ସ୍ପା କଟକଣା କାରଣରୁ ନିଜ କେଶ କାଟିପାରିନଥିଲେ । ପରେ ସେ କିଛି ବନ୍ଧୁଙ୍କ ପରାମର୍ଶ କ୍ରମେ କ୍ୟାନ୍ସର ପୀଡ଼ିତଙ୍କ କ୍ଷେତ୍ରରେ ଏହି କେଶ ବ୍ୟବହାର ଯୋଗ୍ୟ ଜାଣି ସେ ସେଥିପ୍ରତି ଉତ୍ସାହିତ ହୋଇଥିଲେ । ସେବେଠାରୁ ଆବଶ୍ୟକ ଲମ୍ବ ହେବା ଯାଏଁ ସେ କେଶର ଯତ୍ନ ନେଇଥିଲେ । ଏବେ ପ୍ରାୟ ଦୀର୍ଘ ୫ ବର୍ଷ ପରେ ସେ ୧୮ ଇଞ୍ଚ ଲମ୍ବର କେଶ ଦାନ କରିଛନ୍ତି । କ୍ୟାନ୍ସର ପୀଡ଼ିତଙ୍କ ଉଦ୍ଦେଶ୍ୟରେ ନିୟମିତ କେଶ ଦାନ ଅଭିଯାନ ଚଳାଇ ଆସୁଥିବା ଅଗ୍ରଣୀ ସାମାଜିକ ଅନୁଷ୍ଠାନ ‘ସୋପଭା ଟ୍ରଷ୍ଟ’ ପକ୍ଷରୁ ବିନୋଦଙ୍କ ପ୍ରୟାସକୁ ପ୍ରଶଂସା କରାଯିବା ସହ ଏକ ପ୍ରମାଣପତ୍ର ପ୍ରଦାନ କରାଯାଇଛି । ଆଗକୁ ଅଙ୍ଗଦାନ କରିବାକୁ ଇଚ୍ଛୁକ ଥିବା ମଧ୍ୟ ବିନୋଦ କହିଛନ୍ତି ।
କଟକ ଗାନ୍ଧୀପଲ୍ଲୀ କୁଷ୍ଠାଶ୍ରମ ସରକାରୀ କ୍ୱାର୍ଟର୍ସରେ ମହିଳାଙ୍କୁ ବିଭତ୍ସ ହତ୍ୟା
ନନ୍ଦିଘୋଷ ବ୍ୟୁରୋ: କଟକ ଗାନ୍ଧୀପଲ୍ଲୀ କୁଷ୍ଠାଶ୍ରମ ସରକାରୀ କ୍ୱାର୍ଟର୍ସରେ ରହୁଥିବା ଜଣେ ମହିଳାଙ୍କୁ ବୀଭତ୍ସ ହତ୍ୟା। ମୃତକ ହେଲେ ପ୍ରିୟତମା ଦଳାଇ। ପ୍ରିୟତମାଙ୍କୁ ହତ୍ୟା କଲା ପଡ଼ୋଶୀ ସନ୍ତୋଷ ସିହ୍ନା। ସନ୍ତୋଷକୁ ଅଟକାଇବାକୁ ଯାଇ ତାଙ୍କ ମା ବିଜୁଳିରାଣୀ ଆହତ ହୋଇ ଏସସିବିରେ ଚିକିତ୍ସିତ ହେଉଛନ୍ତି। ସନ୍ତୋଷ ସହିତ ତାଙ୍କ ପଡୋଶୀ ପ୍ରିୟତମାଙ୍କ ସ୍ବାମୀଙ୍କ ମଧ୍ଯରେ କଳହ ଘଟୁଥିଲା। ଏନେଇ ମାମଲା ଥାନାକୁ ମଧ୍ୟ ଯାଇଥିଲା। ସନ୍ତୋଷ ଆଉ ଝଗଡା କରିବେ ନାହିଁ ବୋଲି ଥାନାକୁ ଜଣାଇବା ପରେ ବିବାଦ ପ୍ରଶମିତ ହୋଇଥିଲା। କିନ୍ତୁ ସନ୍ତୋଷ ଏନେଇ ରାଗ ରଖିଥିଲେ ଆଜି ପୂର୍ବ ଯୋଜନା ମୁତାବକ ସେ ଏକ କଟୁରୀ ରେ ତାଙ୍କୁ ଆକ୍ରମଣ କରିଥିଲେ। ପ୍ରିୟତମାଙ୍କ ମୁଣ୍ଡ ଓ ବେକରେ ଗଭୀର ଆଘାତ ଲାଗିଥିଲା। ଅଭିଯୁକ୍ତ ସନ୍ତୋଷ ସିହ୍ନାକୁ ଗିରଫ କରିଛି ପୋଲିସ।
୪ଟି ବିଶ୍ୱ ରେକର୍ଡ କରିବାକୁ ଯାଉଛି ମହାକୁମ୍ଭ ମେଳା
ନନ୍ଦିଘୋଷ ବ୍ୟୁରୋ : ଇତିହାସ ରଚିବାକୁ ଯାଉଛି ପ୍ରୟାଗରାଜ ମହାକୁମ୍ଭ ମେଳା । ଫେବୃଆରୀ ୧୭ ରେ ସରିବ ମହାକୁମ୍ଭ ମେଳା। ଏହି ମହାଆୟୋଜନ ୪ଟି ବିଶ୍ୱ ରେକର୍ଡ କରିବାକୁ ଯାଉଛି । ଯାହା ସ୍ୱଚ୍ଛତା, ପରିବେଶ ସୁରକ୍ଷା ଏବଂ ସମାଜ ସେବାର ବାର୍ତ୍ତା ପ୍ରସାର କରିବ। ମହାକୁମ୍ଭରେ ଗିନିଜ୍ ବୁକ୍ ଅଫ୍ ୱାର୍ଲ୍ଡ ରେକର୍ଡର ଟିମ୍ ଉପସ୍ଥିତ ରହି ମାନ୍ୟତା ପ୍ରଦାନ କରିବେ । ମେଳା ପ୍ରଶାସନ ପକ୍ଷରୁ ଏନେଇ ସମସ୍ତ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି ।
ମହାକୁମ୍ଭର ପ୍ରଥମ ରେକର୍ଡ ଫେବୃଆରୀ ୧୪ ରୁ ଆରମ୍ଭ ହେବ । ଏହି ଦିନ, ସଙ୍ଗମ ଅଞ୍ଚଳରେ ୧୫ ହଜାର ସଫେଇ କର୍ମଚାରୀ ୧୦ କିଲୋମିଟର ଲମ୍ବା ଗଙ୍ଗା କୂଳକୁ ସଫା କରିବେ । ମହାକୁମ୍ଭ ୨୦୧୯ରେ ୧୦ ହଜାର ସଫେଇ କର୍ମଚାରୀ ଏକାଠି ସଫେଇ କରି ଏକ ରେକର୍ଡ ସ୍ଥାପନ କରିଥିଲେ, ଯାହାକୁ ଏବେ ୧୫ ହଜାର ସଫେଇ କର୍ମଚାରୀ ଏକାଠି ଭାଙ୍ଗିବେ ।
ଦ୍ୱିତୀୟ ରେକର୍ଡ ହେଇଛି ଫେବୃଆରୀ ୧୫ ତାରିଖରେ, ୩୦୦ ଜଣ ସଫେଇ କର୍ମଚାରୀ ଗଙ୍ଗା ଏବଂ ଯମୁନା ନଦୀ କୂଳରେ ସଫେଇ ଅଭିଯାନ କରିବେ । ଏଥିରେ ନଦୀ କୂଳ ଏବଂ ଜଳ ସ୍ରୋତ ସମ୍ପୂର୍ଣ୍ଣ ସଫା ରହିବ। ଏହି ଅଭିଯାନ ପରିଷ୍କାର ପରିଚ୍ଛନ୍ନତାର ଗୁରୁତ୍ୱକୁ ଦର୍ଶାଇବା ସହ ପରିବେଶ ବିଷୟରେ ସମସ୍ତଙ୍କୁ ସଚେତନ କରିବା ଦିଗରେ ଏକ ବଡ଼ ପଦକ୍ଷେପ ଗ୍ରହଣ କରିବ
ତୃତୀୟ ରେକର୍ଡ ହେଉଛି ଫେବୃଆରୀ ୧୬ ତାରିଖରେ ତ୍ରିବେଣୀ ମାର୍ଗରେ ୧୦୦୦ ଇ-ରିକ୍ସାର ସବୁଠାରୁ ଲମ୍ବା ପରେଡ୍ ଆୟୋଜନ କରାଯିବ। ଏହି ରେକର୍ଡ ପରିବେଶ ସୁରକ୍ଷା ଦିଗରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ। ଏହି ପ୍ରୟାସ ଦ୍ୱାରା ମହାକୁମ୍ଭକୁ ପ୍ରଦୂଷଣ ମୁକ୍ତ କରିବାର ଉଦ୍ଦେଶ୍ୟ ମଧ୍ୟ ହାସଲ ହେବ ।
ଚତୁର୍ଥ ରେକର୍ଡ ହେଉଛି ଫେବୃଆରୀ ୧୭ ତାରିଖରେ ମହାକୁମ୍ଭରେ ୧୦ ହଜାର ଲୋକଙ୍କ ହାତ ଛାପ ନିଆଯିବ। ଏହି ରେକର୍ଡ ପରିଷ୍କାର ପରିଚ୍ଛନ୍ନତା ଏବଂ ପରିବେଶ ସମ୍ପର୍କରେ ସଚେତନତା ପ୍ରସାର କରିବାର ଏକ ଅନନ୍ୟ ଉପାୟ ହେବ। ଏହି ରେକର୍ଡ କରିବା ପାଇଁ ପ୍ରଶାସନ ସମସ୍ତ ପ୍ରସ୍ତୁତି ସମାପ୍ତ କରିଛି।
ଏହି ଚାରୋଟି ରେକର୍ଡ ତିଆରି ସମୟରେ ଗିନିଜ୍ ବୁକ୍ ଅଫ୍ ୱାର୍ଲ୍ଡ ରେକର୍ଡର ଟିମ୍ ଉପସ୍ଥିତ ରହିବେ। ସେମାନେ ଏହି ପ୍ରକ୍ରିୟାଗୁଡ଼ିକୁ ତଦାରଖ କରିବା ସହ ସଠିକ୍ ଭାବରେ ସମାପ୍ତ ହେବା ପରେ ରେକର୍ଡଗୁଡ଼ିକୁ ଚିହ୍ନଟ କରିବେ।
ଚାମ୍ପିୟନ୍ସ ଟ୍ରଫିରେ କେତେ ଟଙ୍କା ରହିଛି ପୁରସ୍କାର ରାଶି ? ପଢ଼ନ୍ତୁ ଏହି ଖବର..
ନନ୍ଦିଘୋଷ ବ୍ୟୁରୋ: ଆସନ୍ତା ୧୯ ତାରିଖରୁ ଆରମ୍ଭ ହେବାକୁ ଯାଉଛି ମିନି ବିଶ୍ବକପ କୁହାଯାଉଥିବା ଚାମ୍ପିୟନ୍ସ ଟ୍ରଫି । ତେବେ ଆଇସିସିର ଏହି ଟୁର୍ଣ୍ଣାମେଣ୍ଟରେ କଣ ରହିଛି ପୁରସ୍କାର ରାଶି ? ଏହା ଜାଣିବା ପାଇଁ ସମସ୍ତେ ଇଛୁକ ରହିଥିବାବେଳେ ଆଇସିସି ପକ୍ଷରୁ ପୁରସ୍କାର ରାଶି ସମ୍ପର୍କରେ ମଧ୍ୟ ଘୋଷଣା କରାଯାଇଛି । ୨୦୧୭ ମସିହା ପରେ ଏହି ଟୁର୍ଣ୍ଣାମେଣ୍ଟ ଆୟୋଜିତ ହେବାକୁ ଯାଉଛି । ତେବେ ପୁରସ୍କାର ରାଶିରେ ଏଥରକ ୫୩ ପ୍ରତିଶତ ବୃଦ୍ଧି କରାଯାଇଛି । ଚଳିତ ଚାମ୍ପିୟନ୍ସ ଟ୍ରଫିରେ ବିଜେତା ଦଳକୁ ୧୯.୪୫ କୋଟି ଟଙ୍କାର ଆର୍ଥିକ ରାଶି ପ୍ରଦାନ କରାଯିବ । ଏହାସହ ଉପବିଜେତା ୯.୭୨ କୋଟି ଟଙ୍କା, ସେମିଫାଇନାଲରେ ପରାଜିତ ଦଳମାନେ ୪.୮୬ କୋଟି ଟଙ୍କା ଲେଖାଏ ପାଇବେ । ସେହିପରି ଗ୍ରୁପସ୍ତରରେ ପ୍ରତ୍ୟେକ ମ୍ୟାଚ ଜିତୁଥିବା ଦଳମାନଙ୍କୁ ୨୯.୫୯ ଲକ୍ଷ ଟଙ୍କା ଲେଖାଏ ପ୍ରଦାନ କରାଯିବ । ପଞ୍ଚମ କିମ୍ବା ଷଷ୍ଠ ସ୍ଥାନ ଅଧିକାର କରୁଥିବା ଦଳକୁ 3.03 କୋଟି ଟଙ୍କାର ପୁରସ୍କାର ରାଶି ପ୍ରଦାନ କରାଯିବ। ସପ୍ତମ ଏବଂ ଅଷ୍ଟମ ସ୍ଥାନ ଅଧିକାର କରିଥିବା ଦଳଗୁଡ଼ିକୁ 1.21 କୋଟି ଟଙ୍କା ମିଳିବ। ଏହା ସହିତ, ଏହି ଇଭେଣ୍ଟରେ ଅଂଶଗ୍ରହଣ କରିବା ପାଇଁ ସମସ୍ତ ଆଠଟି ଦଳକୁ ଅତିରିକ୍ତ ₹୧.୦୮ କୋଟି ଟଙ୍କା ମିଳିବ। ଏଥରକ ପାକିସ୍ତାନ ଏହି ଟୁର୍ଣ୍ଣାମେଣ୍ଟ ଆୟୋଜନ କରୁଛି । ଭାରତୀୟ ଦଳ ତାର ସମସ୍ତ ମ୍ୟାଚ ଦୁବାଇରେ ଖେଳିବ । ଭାରତ ପ୍ରଥମ ମ୍ୟାଚରେ ବାଂଲାଦେଶକୁ ଭେଟୁଥିବାବେଳେ ୨୩ ତାରିଖରେ ପାରମ୍ପରିକ ପ୍ରତିଦ୍ବନ୍ଦି ପାକିସ୍ତାନକୁ ଭେଟିବ ।
ଏହି ଖେଳାଳିଙ୍କ ଲଗେଜ ପାଇଁ ବିସିସିଆଇ କଲା କଡ଼ା ନିୟମ
ନନ୍ଦିଘୋଷ ବ୍ୟୁରୋ: ଅଷ୍ଟ୍ରେଲିଆ ବିପକ୍ଷ ସିରିଜରେ ଭାରତର ପରାଜୟ ପରେ ବିସିସିଆଇ କେତେକ କଡ଼ା ନିୟମ କରିଛି । ଯେଉଁଥିରେ ଖେଳାଳିଙ୍କ ଲଗେଜଠାରୁ ଆରମ୍ଭ କରି ପରିବାର ସଦସ୍ୟ ନେଇ ନପାରିବା ଭଳି ନିୟମମାନ ରହିଛି । ତେବେ ଟିମ ଇଣ୍ଡିଆର ଜଣେ ଖେଳାଳିଙ୍କ ଭୁଲ ପାଇଁ ଏଭଳି ନିୟମ କଡ଼ାକଡ଼ି କରାଯାଇଥିବା କୁହାଯାଉଛି । ତେବେ ବିସିସିଆଇ ୧୦ଟି କଡ଼ା ନିୟମ କରିଛି । ଏବେ ଭାରତୀୟ ଦଳ ଚାମ୍ପିୟନ୍ସ ଟ୍ରଫି ଖେଳିବା ପାଇଁ ଦୁବାଇ ଗସ୍ତରେ ଯିବ । ଏଣୁ ଏହି ସମୟରେ ଖେଳାଳିମାନେ ୧୫୦ କିଲୋଗ୍ରାମରୁ ଅଧିକ ସାମଗ୍ରୀ ନେଇପାରିବେ ନାହିଁ । ଯଦି କେହି ଅଧିକ ଓଜନର ସାମଗ୍ରୀ ନିଅନ୍ତି ତାହେଲେ ଏହାର ଖର୍ଚ୍ଚ ସେ ନିଜେ ଭରିବେ । କାରଣ ଏହା ପୂର୍ବରୁ ଜଣେ ଖେଳାଳି ୨୫୦ କିଲୋଗ୍ରାମରୁ ଅଧିକ ଓଜନର ସାମଗ୍ରୀ ନେଇଥିବା ଜଣାପଡ଼ିଛି । ଯାହାପରେ ଏଭଳି କଡ଼ା କାର୍ଯ୍ୟାନୁଷ୍ଠାନ ନେବା ସହ ନିୟମ ଆରମ୍ଭ କରିଛି ବିସିସିଆଇ ।
ଗଣମାଧ୍ୟମ ରିପୋର୍ଟ ଅନୁସାରେ, ଅଷ୍ଟ୍ରେଲିଆ ଗସ୍ତରେ ଟିମ୍ ଇଣ୍ଡିଆର ଜଣେ ଖେଳାଳି ତାଙ୍କ ସହିତ ୨୭ଟି ବ୍ୟାଗ୍ ଏବଂ ଟ୍ରଲି ବ୍ୟାଗ୍ ନେଇଥିଲେ। ଏଥିରେ କ୍ରିକେଟରଙ୍କ ବ୍ୟତୀତ ତାଙ୍କ ବ୍ୟକ୍ତିଗତ କର୍ମଚାରୀ ଏବଂ ପରିବାରର ବ୍ୟାଗ ମଧ୍ୟ ଥିଲା। ଏପରି ପରିସ୍ଥିତିରେ, ଏହି ଖେଳାଳିଙ୍କ ଲଗେଜର ମୋଟ ଓଜନ ପ୍ରାୟ 250 କିଲୋଗ୍ରାମ ଥିଲା। ସେହିପରି, ଅଷ୍ଟ୍ରେଲିଆରେ ମଧ୍ୟ, ଏହି ଖେଳାଳି ଏହି ଲଗେଜଟିକୁ ସବୁଠି ସାଙ୍ଗରେ ନେଇ ଯାଇଥିଲେ। ଏପରି ପରିସ୍ଥିତିରେ, ଏହି ସମୟ ମଧ୍ୟରେ ଖେଳାଳିଙ୍କ ଲଗେଜର ସମ୍ପୂର୍ଣ୍ଣ ଖର୍ଚ୍ଚ ବିସିସିଆଇକୁ ବହନ କରିବାକୁ ପଡିଲା, ଯାହା ଲକ୍ଷ ଲକ୍ଷ ଟଙ୍କା ଥିଲା। ରିପୋର୍ଟରେ ଦାବି କରାଯାଇଛି ଯେ ବିସିସିଆଇ ଏହି ଖେଳାଳିଙ୍କ କାରଣରୁ ଏହି ନିୟମ ପରିବର୍ତ୍ତନ କରିଛି, କାରଣ ଏହି ଖେଳାଳିଙ୍କୁ ଦେଖିବା ପରେ ଅନ୍ୟ ଖେଳାଳିମାନେ ମଧ୍ୟ ସମାନ କରିବା ଆରମ୍ଭ କରିଥିଲେ।
ପାକିସ୍ତାନରେ ପୁଣି ବୋମା ବିସ୍ଫୋରଣ, ୧୧ ମୃତ
ନନ୍ଦିଘୋଷ ବ୍ୟୁରୋ : ପାକିସ୍ତାନ ବଲୁଚିସ୍ତାନରେ ପୁଣି ବୋମା ବିସ୍ଫୋରଣ । କୋଇଲା ଖଣିକୁ କାମ କରିବାକୁ ଯାଉଥିବା ୧୧ ଶ୍ରମିକଙ୍କ ମୃତ୍ୟୁ ହୋଇଛି। ଏହି ବିସ୍ଫୋରଣ ହରନାଇ ଅଞ୍ଚଳରେ ହୋଇଛି । ବୋସ୍ଫୋରଣରେ ପ୍ରାଣ ହରାଇଥିବା ସମସ୍ତ ଶ୍ରମିକ ଅଟନ୍ତି । ଘଟଣା ପରେ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଛି।
ସୂଚନା ଅନୁଯାୟୀ, ଶ୍ରମିକମାନେ ପାକିସ୍ତାନର କ୍ୱେଟା ସହରର ହରନାଇରେ ବସ୍ ଯୋଗେ କୋଇଲା ଖଣିକୁ ଯାଉଥିଲେ। ଏହି ସମୟରେ, ରାସ୍ତା କଡ଼ରେ ଏକ ଆଇଇଡି ବୋମା ବିସ୍ଫୋରଣ ହୋଇଥିଲା। ଏଥିରେ ୧୧ ଜଣଙ୍କ ମୃତ୍ୟୁ ହୋଇଥିବା ବେଳେ ୬ ଜଣ ଆହତ ହୋଇଛନ୍ତି। ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରିଛି। ବିସ୍ଫୋରଣ କିଏ ଏବଂ କାହିଁକି କରିଛି ସେ ବିଷୟରେ ଏପର୍ଯ୍ୟନ୍ତ କୌଣସି ସୂଚନା ମିଳିନାହିଁ।
୧୦୦ ଦିନ ଭିତରେ ପାକିସ୍ତାନରେ ଦ୍ବିତୀୟ ବୋମା ବିସ୍ଫୋରଣ । ନଭେମ୍ୱର ୯, ୨୦୨୪ ମସିହାରେ ପାକିସ୍ତାନ ବେଲୁଚିସ୍ତାନର କ୍ବେଟା ଷ୍ଟେସନ ବିସ୍ଫୋରଣରେ ୨୦ ଜଣଙ୍କର ମୃତ୍ୟୁ ହୋଇଥିଲା। ଘଟଣାରେ ୩୦ରୁ ଅଧିକ ଆହତ ହୋଇଥିଲେ । ବିସ୍ଫୋରଣ ପରେ ଷ୍ଟେସନରେ ଦୌଡଧାପଡ କରିଥିଲେ ଯାତ୍ରୀ ।
ପାକିସ୍ତାନରେ ଏପର୍ଯ୍ୟନ୍ତ ହୋଇଥିବା ସମସ୍ତ ବୋମା ବିସ୍ଫୋରଣରେ IED ବ୍ୟବହାର କରାଯାଇଛି। ପାକିସ୍ତାନରେ IED ବ୍ୟବସ୍ଥା ସମ୍ପର୍କରେ ମଧ୍ୟ ପ୍ରଶ୍ନ ଉଠିଛି।