ନନ୍ଦିଘୋଷ ବ୍ୟୁରୋ: ଓଡ଼ିଶାରେ ଖୁବଶୀଘ୍ର ଲାଗୁ ହେବ ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା। ଏଥିପାଇଁ ରାଜ୍ୟ ସରକାର ଓ କେନ୍ଦ୍ର ସରକାରଙ୍କ ମଧ୍ୟରେ ଚୁକ୍ତି ସ୍ୱାକ୍ଷରିତ ହୋଇଛି। ଦିଲ୍ଲୀର ବିଜ୍ଞାନ ଭବନରେ କେନ୍ଦ୍ର ଓ ରାଜ୍ୟ ମଧ୍ୟରେ ଯୋଜନାକୁ ଲାଗୁ କରିବା ପାଇଁ ଚୁକ୍ତି ସ୍ୱାକ୍ଷରିତ ହୋଇଛି । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଜେପି ନଡ୍ଡା, ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ, ଉପ ମୁଖ୍ୟମନ୍ତ୍ରୀ କେଭି ସିଂହଦେଓ, କେନ୍ଦ୍ରମନ୍ତ୍ରୀ ଜୁଏଲ ଓରାମ, ଅଶ୍ୱିନ ବୈଷ୍ଣବ ଓ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ଏହି ନୂଆ ଯୋଜନା ପାଇଁ ଏମଓୟୁ ସ୍ୱାକ୍ଷରିତ ହୋଇଛି। ଆଜି ଏମୟୁ ସ୍ୱାକ୍ଷରିତ ହୋଇଥିବା ବେଳେ ଖୁବଶୀଘ୍ର ଏହା ରାଜ୍ୟରେ ଲାଗୁ ହେବ ବୋଲି ମୁଖ୍ୟମନ୍ତ୍ରୀ ମୋହନ ମାଝୀ ସୂଚନା ଦେଇଛନ୍ତି। ସେ କହିଛନ୍ତି, ଓଡ଼ିଶାର ପ୍ରତି ପଞ୍ଚାୟତରେ ହେବ ଆୟୁଷ୍ମାନ ଭାରତ ମନ୍ଦିର। ଗ୍ରାମାଞ୍ଚଳରେ ସ୍ୱାସ୍ଥ୍ୟ ସେବା ପହଞ୍ଚାଇବାକୁ ଲକ୍ଷ୍ୟ ରଖାଯାଇଛି। ଆୟୁଷ୍ମାନ ଭାରତ ମନ୍ଦିରରେ ଜଣେ ଯୋଗ ଶିକ୍ଷକ ରହିବେ। ସ୍ୱାସ୍ଥ୍ୟକର୍ମୀଙ୍କ ସହ ଅନ୍ୟ ସୁବିଧା ସୁଯୋଗ ମଧ୍ୟ ଯୋଗାଇ ଦିଆଯିବ। ସେହପରି ରାଜ୍ୟର ପ୍ରାୟ ୩ କୋଟି ଲୋକ ଏହି ଯୋଜନାର ଫାଇଦା ପାଇବେ ବୋଲି ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ କହିଛନ୍ତି। ରାଜ୍ୟର ୧ କୋଟି ୩୦ ଲକ୍ଷ ପରିବାରର ସାଢ଼େ ୩ କୋଟି ଲୋକ ଏହି ଯୋଜନା ଦ୍ୱାରା ଉପକୃତ ହେବେ। ଗୋପବନ୍ଧୁ ଜନ ଆରୋଗ୍ୟ ସହ ଆୟୁଷ୍ମାନ ଭାରତର ସୁବିଧା ଗୋଟିଏ କାର୍ଡରେ ମିଳିବ। ସାରା ଦେଶରେ ଯିଏ ଯେଉଁଠି ଥିଲେ ବି ଏହାର ସୁଯୋଗ ପାଇପାରିବେ। ଦେଶର ୩୦ ହଜାର ହସ୍ପିଟାଲ୍ରେ ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନାର ସୁବିଧା ମିଳିବ। ରାଜ୍ୟ ସରକାର ଆସନ୍ତା ଫେବୃଆରୀରୁ ଏହାକୁ ଲାଗୁ କରିବା ସହ ଏପ୍ରିଲରୁ ପୂର୍ଣ୍ଣାଙ୍ଗ ଭାବେ କାର୍ଯ୍ୟକ୍ଷମ କରାଇବେ। ସେହିପରି ୭୦ ବର୍ଷ ବୟସରୁ ଊର୍ଦ୍ଧ୍ୱ ଲୋକଙ୍କୁ ମଧ୍ୟ ଆୟୁଷ୍ମାନ ଯୋଜନାରେ ସାମିଲ ହେବା ପାଇଁ ପ୍ରକ୍ରିୟା ଚଳିତ ମାସ ଶେଷ ସୁଦ୍ଧା ଆରମ୍ଭ କରାଯିବ। ଏହାଦ୍ୱାରା ବରିଷ୍ଠ ନାଗରିକଙ୍କୁ ମାଗଣାରେ ସ୍ୱାସ୍ଥ୍ୟ ସେବାର ସୁବିଧା ମିଳିବ। ଓଡ଼ିଶାରେ ଜାରି ରହିଥିବା ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ, ଯାହାର ଏବେ ନାଁ ପରିବର୍ତ୍ତନ ହୋଇ ଗୋପବନ୍ଧୁ ଜନ ଆରୋଗ୍ୟ ଯୋଜନା ହୋଇଛି। ତା ସହ ଆୟୁଷ୍ମାନ ଭାରତ ଯୋଜନାକୁ ଲାଗୁ କରାଯିବ ।
କଟକ ସହରରେ ଏବେ ମାଞ୍ଜା ସୁତା ଭୟ
ନନ୍ଦିଘୋଷ ବ୍ୟୁରୋ: କଟକ ସହରରେ ଏବେ ମାଞ୍ଜା ସୁତା ଭୟ । ବାଇକ ନେଇ ଯାଉଥିବା ଆରୋହୀ ସାବଧାନ। କେଉଁଠି ବି ଘଟିପାରେ ଅଘଟଣ । ହୁସିଆର ନହେଲେ କଟିଯାଇପାରେ ବେକ, ଚାଲିଯିବ ଜୀବନ। ଗତ ୨-୩ ମାସ ହେବ ସହରରେ କିଛି ଅମାନିଆ ବେପରୁଆ ଭାବରେ ପ୍ଲାଷ୍ଟିକ ସୁତାରେ ଗୁଡ଼ି ଉଡାଉଥିବା ବେଳେ ଏଥିରେ ଆହତ ହୋଇଛନ୍ତି ଏକାଧିକ । ଆସନ୍ତାକାଲି ମକର ସଂକ୍ରାନ୍ତି ଥିବାରୁ ବହୁମାତ୍ରାରେ ଉଡ଼ିବ ଗୁଡି । ଏଥିପାଇଁ ପୋଲିସ ପକ୍ଷରୁ ବିଭିନ୍ନ ଗୁଡ଼ି ଦୋକାନରେ ଚଢାଉ କରାଯାଇଛି । ସେପଟେ ଦୋକାନୀ ପ୍ଲାଷ୍ଟିକ ସୁତା ବ୍ୟବସାୟ କରୁନଥିବା କହିବା ସହିତ ଅନ ଲାଇନରେ ଗୁଡ଼ିସୁତା ବିକ୍ରି ବନ୍ଦ କରିବାକୁ ଦାବି କରିଛନ୍ତି ।
ମକର ସଂକ୍ରାନ୍ତିରେ ଜମିବ ଗୁଡ଼ିଉଡ଼ା । ହେଲେ କାଳ ସାଜିଛି ମାଞ୍ଜା ସୁତା । ଅମାନିଆ ଗୁଡ଼ି ଉଡ଼ାଳି ବଢାଉଛନ୍ତି ବିପଦ । ସାବଧାନ ନହେଲେ କଟି ଯାଇପାରେ ତଣ୍ଟି । ଗତ କିଛିବର୍ଷ ହେବ ମକରର ୨-୩ ମାସ ପୂର୍ବରୁ ଆରମ୍ଭ ହୋଇଯାଉଛି ଏହି ସାଙ୍ଘାତିକ ଖେଳ । ଗୁଡି ଉଡାରେ ବ୍ୟବହାର ହେଉଥିବା ପ୍ଲାଷ୍ଟିକ ମାଞ୍ଜା ସୁତା ଯୋଗୁ ଘଟୁଛି ଅଘଟଣ । ଅନେକ ଆହତ ହେଉଥିବା ନଜରକୁ ଆସୁଛି । କଟକ ତ୍ରିଶୂଳିଆ ପୋଲ ଉପରେ ମାଞ୍ଜା ସୂତାରେ ଜଣେ ବାଇକ ଆରୋହୀଙ୍କ ବେକ କଟି ଯାଇଛି । ତେବେ ଅଳ୍ପେକେ ବର୍ତୀ ଯାଇଛନ୍ତି ବାଇକ ଆରୋହୀ । ଏଥିପାଇଁ ପୋଲିସ ପକ୍ଷରୁ କଡ଼ା ଆଭିମୁଖ୍ଯ ଗ୍ରହଣ କରାଯାଇଛି । ଚୌଧୁରୀ ବଜ଼ାର ଅଞ୍ଚଳରେ ବିଭିନ୍ନ ଦୋକାନ ଉପରେ ହୋଇଛି ଚଢ଼ାଉ। ତେବେ ପ୍ଲାଷ୍ଟିକ ସୁତା ବିକ୍ରି କରୁନଥିବା କହିବା ସହ ଅନଲାଇନ ବିକ୍ରି ବନ୍ଦ କରିବାକୁ ଦାବି କରିଛନ୍ତି ।
ସହରରେ ପ୍ଲାଷ୍ଟିକ ଓ ମାଞ୍ଜା ସୁତା ବ୍ୟବହାର ନ କରିବାକୁ ତାଗିଦ କରିଛି କମିଶନରେଟ ପୋଲିସ । ମକର ପର୍ବକୁ ସୁରକ୍ଷିତ ଭାବେ ପାଳନ କରିବାକୁ ଲୋକଙ୍କୁ ନିବେଦନ କରାଯାଇଛି । କେହି ନିୟମ ଉଲ୍ଲଂଘନ କଲେ ଦୃଢ କାର୍ଯ୍ଯାନୁଷ୍ଠାନ ନିଆଯିବ ବୋଲି କହିଛନ୍ତି ଅତରିକ୍ତ ଡିସିପି । ସେପଟେ ଏହାକୁ ଏକ ନିଶା ବୋଲି କହିଛନ୍ତି ମାନସିକ ରୋଗ ବିଶେଷଜ୍ଞ।
୩ଶହ କୋଟି ଟଙ୍କାର ଠକେଇ ପାଇଁ ହଂସିତା କରିଥିଲା ମାଷ୍ଟର ପ୍ଲାନ
ନନ୍ଦିଘୋଷ ବ୍ୟୁରୋ: ଖୋଲୁଛି ଠକ ଯୋଡ଼ି ବଣ୍ଟି-ବବଲିଙ୍କ ଗୁମର । ୩ଶହ କୋଟିର ଠକେଇ ପାଇଁ ହୋଇଥିଲା ହଂସିତାର ମାଷ୍ଟର ପ୍ଲାନ । ସଂସ୍ଥାରୁ ଅଗ୍ରିମ ୧୦ ପ୍ରତିଶତ ବାବଦକୁ ଆସିଥିଲା ୩୦ କୋଟି ଟଙ୍କା । ବୋକାରୋ ଇଣ୍ଡଷ୍ଟ୍ରିରୁ ଲୋକଙ୍କ ଘର ଖାଲି କରିବାକୁ ହୋଇଥିଲା ଏହି ଡ଼ିଲ୍ । ଗୋଟିଏ ଘର ପାଇଁ କୋଟିଏ ଟଙ୍କା ନେବାକୁ ହୋଇଥିଲା ଡ଼ିଲ୍ । ୨୦୨୦ ଡିସେମ୍ବରରୁ ଡ଼ିଲ ଆଉ ୨୦୨୩ ଜାନୁଆରୀରୁ ହୋଇଥିଲା ଟଙ୍କା ଆସିବା । ୪ ଜଣକ ଆକାଉଣ୍ଟକୁ ଆସିଥିଲା ୩୦ କୋଟି । ସବୁ ଟଙ୍କାରେ ଘର ଓ ଗାଡ଼ି କିଣିଥିଲେ । ଦକ୍ଷିଣର ଏକ ବଡ଼ କଲେଜରେ ଇଞ୍ଜିନିୟରିଂ ପଢାଇବାକୁ ଯାଇ ବୋକାରୋ ସଂସ୍ଥାର ଜଣେ କର୍ମଚାରୀଙ୍କ ପୁଅ ପାଠପଢା ବାବଦକୁ ୫୦ ଲକ୍ଷ ଟଙ୍କା ଦେଇଥିଲେ ଅନିଲ । ଯାହା ଆକାଉଣ୍ଟରୁ କାରବାର ହୋଇଥିଲା । ତେବେ ମିଳିଥିବା ୩୦ କୋଟିର ଅଧା ମାଗିଥିଲେ ବୋକାରୋ ସଂସ୍ଥାର ସେହି କର୍ମଚାରୀ । ଆଉ ୧୫ କୋଟି ଟଙ୍କା କମିଶନ ବାବଦକୁ ବି ନେଇଥିଲେ । ଏହି ପୁରା ଘଟଣାର ମାଷ୍ଟର ମାଇଣ୍ଡ ସାଜିଥିବା ହଂସିତା ଏସବୁ ପ୍ଲାନ କରିଥିଲା । ସେଥିପାଇଁ ଝାଡ଼ଖଣ୍ଡରେ ଏକ ଅଫିସ ଓ ଘର ମଧ୍ୟ ନେଇଥିଲେ । ଉକ୍ତ ଅଫିସର ଖୋଳତାଡ଼ ପାଇଁ ଝାଡ଼ଖଣ୍ଡ ଯାଇଥିଲା ଇନକମ ଟ୍ୟାକ୍ସ ଟିମ । ତେବେ ସବୁଠୁ ବଡ଼କଥା ହେଉଛି, ଏହି ଟଙ୍କା ସବୁ କିଛି ରାଜନେତାଙ୍କ ପାଖକୁ ଯାଇଥିବା ସୁରାକ ପାଇଛି ଆଇଟି ଟିମ । ସରୋଜ ସାହୁଙ୍କ ଫୋନର ଖୋଳତାଡ଼ ବେଳେ ଏହି ତଥ୍ୟ ସାମ୍ନାକୁ ଆସିଛି । ଏକାଧିକ ରାଜନେତାଙ୍କ ଆକାଉଣ୍ଟକୁ ଏହି ଟଙ୍କା କ୍ୟାସରେ ଦେବା ପାଇଁ ଚାଟିଙ୍ଗ ମଧ୍ୟ ହୋଇଛି । କମିଶନରେଟ ପୁଲିସ ସିଜ କରିଥିବା ହଂସୀତା ଓ ଅନିଲଙ୍କ ଫୋନର ଯାଞ୍ଚ ପାଇଁ ଅପେକ୍ଷା କରିଛି ଆଇଟି ଟିମ ।
କବିସୂର୍ଯ୍ୟ ବଳଦେବ ରଥଙ୍କ ଜନ୍ମସ୍ଥାନକୁ ନେଇ ବିବାଦ, ଦିଗପହଣ୍ଡି ବଡ଼ଖେମୁଣ୍ଡି ବିଜୟନଗର ଗଡ ନା ଆଠଗଡପାଟଣା
ନନ୍ଦିଘୋଷ ବ୍ୟୁରୋ: କବିସୂର୍ଯ୍ୟ ବଳଦେବ ରଥ। ଯିଏ କି ଜଣେ ବିଶିଷ୍ଠ ଚମ୍ପୁ ଚାନ୍ଦ କବି ନାମରେ ବେଶ ପରିଚିତ। ତେବେ ତାଙ୍କ ଜନ୍ମମାଟିକୁ ନେଇ ବିବାଦ ମୁଣ୍ଡ ଟେକିଛି। କବିସୂର୍ଯ୍ୟ ବଳଦେବ ରଥଙ୍କ ଜନ୍ମ ଦିଗପହଣ୍ଡି ବଡ଼ଖେମୁଣ୍ଡି ଅଞ୍ଚଳର ବିଜୟନଗର ଗଡ ବୋଲି କବିସୂର୍ଯ୍ୟ ସ୍ମୃତି କମିଟି ଦାବି କରୁଥିବା ବେଳେ କବିସୂର୍ଯ୍ୟନଗର ଅଂଚଳର ଅଷ୍ଟଦୁର୍ଗ ଉନ୍ନୟନ ପରିଷଦ ଦାବି ଅଲଗା। ଆଠଗଡପାଟଣା ହିଁ ଜନ୍ମସ୍ଥାନ ବୋଲି କମିଟି ଦାବି କରିଛି। ଯାହାକୁ ନେଇ ଦୁଇ ସହର ମଧ୍ୟରେ ଏକ ବିବାଦ ମୁଣ୍ଡ ଟେକିଛି।
ସ୍ଵର୍ଗତଃ ଚମ୍ପୁ କବି କବିସୂର୍ଯ୍ୟ ବଳଦେବ ରଥ। ଯାହାଙ୍କ ନାମରେ କବିସୂର୍ଯ୍ୟନଗର ସହର ସମେତ ଅନେକ ଶିକ୍ଷା ଅନୁଷ୍ଠାନ ଓ ବେସରକାରୀ ଅନୁଷ୍ଠାନ ଗଢି ଉଠିଛି। କବିସୂର୍ଯ୍ୟନଗର ଆଠଗଡପାଟଣା ଗାଁରେ ବଳଦେବ ରଥଙ୍କ ଅନେକ ସ୍ମୃତି ଏବେ ବି ଭଗ୍ନ ଅବସ୍ଥାରେ ପଡିରହିଥିବା କୁହାଯାଏ। ଏବେ କିନ୍ତୁ ଜନ୍ମସ୍ଥାନକୁ ନେଇ ବିବାଦ ଉଙ୍କି ମାରିଛି। ଦିଗପହଣ୍ଡି ଅଂଚଳର କବିସୂର୍ଯ୍ୟ ସ୍ମୃତି କମିଟି ଓ କବିସୂର୍ଯ୍ୟନଗର ଅଂଚଳର ଅଷ୍ଟଦୁର୍ଗ ଉନ୍ନୟନ ପରିଷଦର ସଦସ୍ୟ ମାନେ ମୁହାଁମୁହିଁ ହୋଇଛନ୍ତି। ବଳଦେବ ରଥ ଦିଗପହଣ୍ଡି ଅଞ୍ଚଳ ବଡ଼ଖେମୁଣ୍ଡି ବିଜୟନଗର ବୋଲି କବିସୂର୍ଯ୍ୟ ସ୍ମୃତି କମିଟି ସଦସ୍ୟ ମାନେ ଦାବି କରିଥିବା ବେଳେ ପ୍ରକୃତ ଜନ୍ମସ୍ଥାନ ହିଁ ଆଠଗଡପାଟଣା ବୋଲି ଅଷ୍ଟଦୁର୍ଗ ଉନ୍ନୟନ ପରିଷଦ ଦାବି କରିଛି।
କବିସୂର୍ଯ୍ୟନଗର ଅଞ୍ଚଳବାସୀ, ସାହିତ୍ୟକ ଓ ବୁଦ୍ଧିଜୀବୀ ମାନେ କବିସୂର୍ଯ୍ୟ ସ୍ମୃତି କମିଟି ଦାବିକୁ ଜୋରଦାର ବିରୋଧ କରିଛନ୍ତି l କବିସୂର୍ଯ୍ୟ ବଳଦେବଙ୍କ ବାଲ୍ୟ ଜୀବନ ଠାରୁ ଆରମ୍ଭ କରି ବିବାହ ଓ କର୍ମମୟ ଜୀବନର ସମସ୍ତ ସ୍ମୁତି କବିସୂର୍ଯ୍ୟନଗର ଆଠଗଡପାଟଣା ଅଞ୍ଚଳରେ ରହିଛି l ଏମିତିକି ତାଙ୍କ ସମାଧି ମଧ୍ୟ ଆଠଗଡପାଟଣାରେ ରହିଛି l ସେ ମାତା ଭୁବନେଶ୍ୱରୀ କନକ ଦୁର୍ଗାଙ୍କ କୃପାରୁ ସେ ପାଣ୍ଡିତ୍ୟ ଅର୍ଜ୍ଜନ କରି ଆଠଗଡ ରେ ହିଁ ତାଙ୍କର ସମସ୍ତ ସାହିତ୍ୟ ସାଧନା କରିଥିଲେ l ଏନେଇ ସେ ନିଜେ କିଶୋରାଚନ୍ଦ୍ରାନନ୍ଦ ରେ ବାରମ୍ବାର ଅଷ୍ଟଦୁର୍ଗ ବା ଆଠଗଡ ବୋଲି ବର୍ଣ୍ଣନା କରିଛନ୍ତି l ଯାହକୁ ନେଇ ଏବେ ଦୁଇ ସହର ମଧ୍ୟରେ ବିବାଦ ସୃଷ୍ଟି ହୋଇଛି ।
ଆସନ୍ତା ୧୭ରୁ ରାଜ୍ୟରେ ପୁଣି ବଢିବ ଶୀତ
ନନ୍ଦିଘୋଷ ବ୍ୟୁରୋ: ଆସନ୍ତା ୧୭ରୁ ରାଜ୍ୟରେ ପୁଣି ବଢିବ ଶୀତ । ଉପାନ୍ତରୁ ଉପକୂଳ ସବୁଠି କମିବ ତାପମାତ୍ରା । ସ୍ବାଭାବିକ ଠାରୁ ୨ ରୁ ୪ ଡିଗ୍ରୀ ପର୍ଯ୍ୟନ୍ତ ତାପମାତ୍ରା କମିବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ପଶ୍ଚିମା ଝଡର ପ୍ରଭାବ କମିବା ପରେ ରାଜ୍ୟକୁ ଉତ୍ତର ପଶ୍ଚିମ ଦିଗରୁ ଥଣ୍ଡା ପବନ ପ୍ରବାହ ବଢିବ । ଫଳରେ ରାଜ୍ୟରେ ପୁଣି ଶୀତ ଲହରୀ ଅନୁଭୁତ ହେବ । ବିଶେଷ କରି ସୁନ୍ଦରଗଡ, ଝାରସୁଗୁଡା, ଅନୁଗୁଳ, ଢେଙ୍କାନାଳ, ସମ୍ବଲପୁର, ବରଗଡ, କନ୍ଧମାଳ, କଳାହାଣ୍ଡି, କୋରାପୁଟ, ନବରଙ୍ଗପୁରରେ ଶୀତ ଲହରୀ ଅନୁଭୁତ ହେବାର ସମ୍ଭାବନା ରହିଛି । ଆସନ୍ତା ୩ ଦିନ ପର୍ଯ୍ୟନ୍ତ ରାଜ୍ୟରେ ପାଗରେ କୌଣସି ପରିବର୍ତ୍ତନ ହେବ ନାହିଁ । ରାତ୍ରୀ ତାପମାତ୍ରା ସ୍ବାଭାବିକ ଠାରୁ ଅଧିକ ରହିବ । କିଛି ଜିଲ୍ଲାରେ ହାଲୁକା ଶୀତ ସହ ଘନ କୁହୁଡି ନେଇ ସତର୍କତା ଜାରି କରିଛି ପାରିପାଗ କେନ୍ଦ୍ର । ୧୫ ତାରିଖ ପର୍ଯ୍ୟନ୍ତ ଘନ କୁହୁଡି ନେଇ ୩ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । କଳାହାଣ୍ଡି, କନ୍ଧମାଳ ଏବଂ କୋରାପୁଟକୁ ସତର୍କ କରାଯାଇଛି । ଏସବୁ ଜିଲ୍ଲାରେ ୫୦ ମିଟର ତଳକୁ ଖସିଆସିବ ଦୃଶ୍ୟମାନ କ୍ଷମତା । କିଛି ସ୍ଥାନରେ ଜିରୋ ଭିଜିବିଲିଟି ନେଇ ମଧ୍ୟ ସତର୍କତା ଜାରି କରାଯାଇଛି । ଏହାସହ ଝାରସୁଗୁଡା, କେନ୍ଦୁଝର, ସମ୍ବଲପୁର, ସୁନ୍ଦରଗଡ, କଟକ ଏବଂ ଖୋର୍ଦ୍ଧାରେ ହାଲୁକାରୁ ମଧ୍ୟମ ଧରଣର କୁହୁଡି ଅନୁଭୁତ ହେବ ।
ଅର୍ଜୁନ ତେନ୍ଦୁଲକରଙ୍କୁ ନେଇ କାହିଁକି ଏମିତି କହିଲେ ଯୋଗରାଜ ସିଂ
ନନ୍ଦିଘୋଷ ବ୍ୟୁରୋ: ଆଇପିଏଲରେ ଡେବ୍ୟୁ କରି ସାରିଥିବା ଅର୍ଜୁନ ତେନ୍ଦୁଲକର କେବେ ଆନ୍ତର୍ଜାତୀୟ କ୍ରିକେଟରେ ଡେବ୍ୟୁ କରିବେ ତାକୁ ନେଇ ବିଭିନ୍ନ ସମୟରେ ଚର୍ଚ୍ଚା ହୋଇଥାଏ । ତେବେ ସଚିନ ତେନ୍ଦୁଲକରଙ୍କ ପୁଅକୁ ନେଇ ପୁଣି ଏକ କଡ଼ା ପ୍ରତିକ୍ରିୟା ଦେଇଛନ୍ତି ଯୁବରାଜ ସିଂଙ୍କ ବାପା ତଥା ପୂର୍ବତନ କ୍ରିକେଟର ଯୋଗରାଜ ସିଂ । ୨୦୨୨ ମସିହାରେ କିଛିଦିନ ପାଇଁ ଅର୍ଜୁନ ଯୋଗରାଜଙ୍କ ପାଖରେ ପ୍ରଶିକ୍ଷଣ ନେଇଥିଲେ । ଏହି ସମୟରେ ସେ ରଣଜୀ ଟ୍ରଫିରେ ଏକ ଶତକ ମାରିବା ସହ ଆଇପିଏଲରେ ମଧ୍ୟ ଡେବ୍ୟୁ କରିଥିଲେ । ମାତ୍ର ୧୨ ଦିନର ପ୍ରଶିକ୍ଷଣ ପରେ ଆଉ ସେ ଯୋଗରାଜଙ୍କ ପାଖରୁ ଟ୍ରେନିଂ ନେଇନଥିଲେ । ଏହାର କାରଣ ସମ୍ପର୍କରେ ଯୋଗରାଜଙ୍କୁ ପଚରା ଯାଇଥିବାବେଳେ ଏକ ଇଣ୍ଟରଭିୟୁ ସମୟରେ ସେ କହିଛନ୍ତି କି, ଯଦି ସେ ଆସିଥାନ୍ତେ ତାହେଲେ ଆଉ ଭଲ ପ୍ରଦର୍ଶନ ଜାରି ରଖିଥାନ୍ତେ ତାହେଲେ ମୋ ସହ ତାଙ୍କ ନାମ ଯୋଡ଼ି ହୋଇଯାଇଥାନ୍ତା । ଏଥିରୁ ଆପଣମାନେ ବେଶ ଭଲଭାବେ ବୁଝି ପାରୁଥିବେ ମୁଁ କଣ କହିବାକୁ ଚାହୁଁଛି ।
ବିଭିନ୍ନ ସମୟରେ ଏଭଳି ବିବାଦୀୟ ପ୍ରତିକ୍ରିୟା ପାଇଁ ଚର୍ଚ୍ଚାରେ ରହିଥାନ୍ତି ଯୋଗରାଜ । ପୂର୍ବରୁ ଯୁବରାଜଙ୍କୁ ଦଳରେ ସ୍ଥାନ ନମିଳିବାକୁ ନେଇ ମଧ୍ୟ ଧୋନୀଙ୍କୁ ନେଇ ଦେଇଥିବା କିଛି ପ୍ରତିକ୍ରିୟା ପାଇଁ ଗଣମାଧ୍ୟମରେ ହେଡ ଲାଇନ ପାଲଟିଛନ୍ତି । ପୁଣି ଥରେ ଏଭଳି ଏକ ପ୍ରତିକ୍ରିୟା ଦେଇଥିବା ଏବେ ଅର୍ଜୁନଙ୍କୁ ନେଇ କହିଛନ୍ତି କି, ଯଦି ତାଙ୍କୁ ଭଲ ପ୍ରଶିକ୍ଷଣ ଦିଆଯାଏ ତାହେଲେ ସେ ଯୁବରାଜ ସିଂଙ୍କ ଭଳି ଜଣେ ଦକ୍ଷ ଅଲରାଉଣ୍ଡର ହୋଇପାରିବେ ।
କଞ୍ଚାମାନ ଅଭାବରୁ ବୁଡିବାକୁ ବସିଲାଣି କୌଳିକ ବୃତ୍ତି, ସରୁନି ପିତ୍ତଳ କାରିଗରଙ୍କ ସଂଘର୍ଷ
ନନ୍ଦିଘୋଷ ବ୍ୟୁରୋ: ପିତଳ କାମ ପାଇଁ ପରିଚୟ ପାଇବ ମାମୁଡିହ ଗାଁ। ଗାଁରେ ଶତାଧିକ ପରିବାର କଂସା ବାସନ ତିଆରି କରନ୍ତି। ଦୀର୍ଘ ଦିନ ଧରି କୌଳିକ ବୃତ୍ତିକୁ ବଞ୍ଚାଇ ରଖିବାକୁ ଏମାନେ ପରିଶ୍ରମ କରୁଥିବା ବେଳେ ଏବେ କଞ୍ଚାମାଲର ସମସ୍ଯା ଦେଖାଦେଇଛି। ବିକ୍ରି ପାଇଁ ବଜାର ବ୍ଯବସ୍ଥା ନଥିବାରୁ ଅସନ୍ତୋଷ ତୀବ୍ର ହେବାରେ ଲାଗିଛି। ପ୍ରଶାସନଙ୍କ ନିକଟରେ ତୁରନ୍ତ ସମସ୍ଯା ସମାଧାନ ନେଇ ଦାବି ହୋଇଛି।
ଗଞ୍ଜାମ ଆସିକା ବ୍ଲକର ମାମୁଡିହ ଗାଁ । ଗାଁରେ ୨୫୦ ପରିବାର ବସବାସ କରୁଥିବା ବେଳେ ସେଥିରୁ ୧୨୦ ପରିବାର ହାତ ତିଆରି କଂସା ପିତଳ ସମେତ ବିଭିନ୍ନ ଘରକରଣ ସାମଗ୍ରୀ ତିଆରି କରିଥାନ୍ତି । କିନ୍ତୁ ବିକ୍ରି କରିବାକୁ ଏମାନଙ୍କ ପାଇଁ ବଜାର ଅଛି ନାଁ କଞ୍ଚା ମାଲ ମିଳୁଛି। ସେପଟେ ବିକ୍ରି କରିବାକୁ ଗଲେ GST କଟ କଣା। ଏଭଳି ସ୍ଥିତିରେ କାରିଗର ମାନେ ନିଜ ନିଜ କୌଳିକ ବୃର୍ତ୍ତିକୁ ବଞ୍ଚାଇବା ପାଇଁ ସଂଘର୍ଷ କରୁଛନ୍ତି । ପ୍ରଶାସନ ନିକଟରେ ଏନେଇ ଅଭିଯୋଗ ହୋଇଛି।
ଦିନ ଥିଲା ମାମୁଡିହ ଗାଁ କଂସା ପିତଳ ପାଇଁ ସୁନାମ ଅର୍ଜନ କରିଥିଲା। ଗାଁକୁ ଏବେ ପିତଳ ଟୁରିଜିମ ମାନ୍ୟତା ମିଳିବାକୁ ଯାଉଛି। ଆଗକୁ ଗାଁର ବଦଳିଯିବ ମାନଚିତ୍ର l କିନ୍ତୁ ପିତଳ କାରିଗର ମାନଙ୍କ ଯେଉଁ ସମସ୍ୟା ରହିଛି ସରକାର ପ୍ରଥମେ ସେକଥା ବୁଝନ୍ତୁ ବୋଲି କାରିଗର ମାନେ ଦାବି କରିଛନ୍ତି।
ମକର ସଂକ୍ରାନ୍ତିରେ ନାମାଙ୍କନ ଭରିବେ ଦିଲ୍ଲୀ ମୁଖ୍ୟମନ୍ତ୍ରୀ ଆତିଶୀ
ନନ୍ଦିଘୋଷ ବ୍ୟୁରୋ: ସୋମବାର ଦିଲ୍ଲୀ ମୁଖ୍ୟମନ୍ତ୍ରୀ ଆତିଶୀ ନାମାଙ୍କନ ଭରିବା ନେଇ ସମସ୍ତ ପ୍ରସ୍ତୁତି ସରିଥିଲା । ଆତିଶୀ ନାମାଙ୍କନ ଭରିବା ନେଇ ଦଳର ନେତାମାନେ ମଧ୍ୟ ସମସ୍ତ ପ୍ରସ୍ତୁତି କରିଥିଲେ । କିନ୍ତୁ ଶେଷ ସମୟରେ ଆତିଶୀ ନିର୍ବାଚନ ଆୟୋଗକୁ ଭେଟିବାକୁ ଯାଇଥିଲେ । ଯେଉଁ କାରଣରୁ ଆଜି ନାମାଙ୍କନ ଭରିନାହାନ୍ତି । କୁହାଯାଉଛି କି ଆସନ୍ତାକାଲି ଅର୍ଥାତ ମକର ସଂକ୍ରାନ୍ତିରେ ନାମାଙ୍କର ଭରିବେ ।
ସୋମବାର ଆତିଶୀ ନାମାଙ୍କନ ଭରିବା ପାଇଁ ଯୋଜନା ହୋଇଥିବାବେଳେ ଦଳ ଆପ ନେତା ଅବଧଙ୍କ ଭୋଟର ପରିଚୟ ପତ୍ରକୁ ନେଇ ହୋଇଥିବା ବିବାଦ ସମ୍ପର୍କରେ କଥାର ହେବା ପାଇଁ ନିର୍ବାଚନ କମିଶନଙ୍କ ଭେଟିଥିଲେ । ସେପଟେ କେଜ୍ରିଓ୍ବାଲ କହିଛନ୍ତି କି, ଅବଧଙ୍କ ଭୋଟର କାର୍ଡ ପରିବର୍ତ୍ତନରେ ନିର୍ବାଚନ ଆୟୋଗଙ୍କ ଅନୁମୋଦନ ରହିଛି ।
ଦିଲ୍ଲୀ ମୁଖ୍ୟମନ୍ତ୍ରୀ ଆତିଶୀଙ୍କୁ ମିଳିଲା ୧୯ ଲକ୍ଷ କ୍ରାଉଡ୍ ଫଣ୍ଡିଂ
ନନ୍ଦିଘୋଷ ବ୍ୟୁରୋ: ଦିଲ୍ଲୀ ନିର୍ବାଚନ ଲଢିବାକୁ ମୁଖ୍ୟମନ୍ତ୍ରୀ ଆତିଶୀ କ୍ରାଉଡ ଫଣ୍ଡିଂ ଜରିଆରେ ୪୦ ଲକ୍ଷ ସଂଗ୍ରହ କରିବାକୁ ଲକ୍ଷ ରଖିଛନ୍ତି। କ୍ରାଉଡ ଫଣ୍ଡି ସଂଗ୍ରହ ଲାଗି ଘୋଷଣା କରିବାର ୨୪ ଘଣ୍ଟା ମଧ୍ୟରେ ୧୯ ଲକ୍ଷ ଟଙ୍କା ସଂଗ୍ରହ ହୋଇଛି। ବର୍ତ୍ତମାନ ସୁଦ୍ଧା ୪୫୫ ଦାତା ଆତିଶୀଙ୍କ ନିର୍ବାଚନ ଲଢିବାକୁ ୧୯ ଲକ୍ଷ ୩୨ ହଜାର ୭୨୮ ଟଙ୍କା ଦାନ କରିଛନ୍ତି। ଗୋଟିଏ ଦିନରେ ଏତେ ପରିମାଣର ଟଙ୍କା ମିଳିଥିବାରୁ ଦାତାଙ୍କୁ ଧନ୍ୟବାଦ ଜଣାଇଛନ୍ତି ଆତିଶୀ। ଏହା ସାଧାରଣ ଜନତାଙ୍କ ଶ୍ରଦ୍ଧା ଓ ବିଶ୍ଵାସ ବୋଲି କହିଛନ୍ତି ଆତିଶୀ।
ସେପଟେ ବିଳମ୍ବରୁ ନାମାଙ୍କନ ଦାଖଲ କରିପାରିଲେନି ଦିଲ୍ଲୀ ମୁଖ୍ୟମନ୍ତ୍ରୀ ଆତିଶୀ। ଆଜି ନାମାଙ୍କନ ଦାଖଲ କରିବେ ବୋଲି ପୂର୍ବରୁ ଘୋଷଣା କରିଥିଲେ। ସକାଳୁ କାଲକାଜୀ ମନ୍ଦିରରେ ପୂଜାର୍ଚ୍ଚନା କରି ରୋଡ ଶୋ କରିଥିଲେ। ରୋଡ୍ ଶୋରେ ଆସି ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟରେ ପହଞ୍ଚିଥିଲେ ଆତିଶୀ। ତେବେ ଦିଲ୍ଲୀ ପତପଡ଼ଗଂଜ ନିର୍ବାଚନମଣ୍ଡଳୀରେ ଭୋଟ ଅଦଳବଦଳ କାରଣକୁ ନେଇ ଆତିଶୀଙ୍କୁ ନିର୍ବାଚନ କମିଶନରଙ୍କ କାର୍ଯ୍ୟାଳୟକୁ ଯିବାକୁ ପଡିଥିଲା। ନାମାଙ୍କନ ଦାଖଲ କରିବାକୁ ଥିବା ଅଫିସ ଛାଡି ସେ ପୂର୍ବତନ ମୁଖ୍ୟମନ୍ତ୍ରୀ ଅରବନ୍ଦ କେଜରିୱାଲଙ୍କ ସହ ଭାରତୀୟ ନିର୍ବାଚନ କମିଶନଙ୍କ ଅଫିସରେ ପହଞ୍ଚିଥିଲେ।ସେଠାରେ ପତପଡ଼ଗଂଜ ଆପ ପ୍ରାର୍ଥୀ ଅୱଧ ଓଝା ମଧ୍ୟ ପହଞ୍ଚିଥିଲେ। ଏହି କାରଣକୁ ନେଇ ଦିଲ୍ଲୀ ମୁଖ୍ୟମନ୍ତ୍ରୀ ଆତିଶୀ ଆସନ୍ତାଲି ନାମାଙ୍କନ ଦାଖଲ କରିବେ ବୋଲି ଜଣପଡିଛି। ଆପ ପ୍ରାର୍ଥୀ ଅୱଧ ଓଝାଙ୍କ ନାମ ଗ୍ରେଟର ନୋଏଡାରୁ ପତପଡ଼଼ଗଂଜ ନିର୍ବାଚନମଣ୍ଡଳୀକୁ ପରିବର୍ତ୍ତନ ହୋଇଥିବା ନେଇ ସୂଚନା ଦେଇଛନ୍ତି ନିର୍ବାଚନ କମିଶନର।ଏହାକୁ ନେଇ ନିର୍ବାଚନ କମିଶନରଙ୍କୁ ଧନ୍ୟବାଦ ଜଣାଇନ୍ତି ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ।
ହଂସୀତା ଓ ଅନୀଲ ମାମଲାରେ ଦାଖଲ ହୋଇପାରିଲାନି କେସ ଡାଏରି
ନନ୍ଦିଘୋଷ ବ୍ୟୁରୋ: ହଂସୀତା ଓ ଅନୀଲ କେସରେ ଦାଖଲ ହୋଇପାରିଲାନି କେସ ଡାଏରି । କେସ ଡାଏରିରେ ବିଳମ୍ବ ପାଇଁ ଘୁଂଚିଲା ଜାମିନ ଆବେଦନ ଶୁଣାଣି । ଆସନ୍ତା ୧୬ ତାରିଖରେ ହେବ ଶୁଣାଣି । ଆଜି ଥିଲା ଜାମିନ ଆବେଦନ ଶୁଣାଣି । ତେବେ କାହିଁକି ଧାର୍ଯ୍ୟ ସମୟରେ ସିଡ଼ି ଦାଖଲ ହୋଉପରିଲାନାହିଁ ତାହା ଏବେ ସୃଷ୍ଟି କରିଛି ବଡ଼ ପ୍ରଶ୍ନ । ଗୋଟିଏ ପଟେ ୧୧ ପ୍ରଭାବଶାଳୀଙ୍କୁ ସମନ କରିଛି ଆୟକର ବିଭାଗ । ଅନ୍ୟପଟେ ପୁଣି ରିମାଣ୍ଡରେ ନେବାକୁ ଆବେଦନ କରିପାରେ କମିଶନରେଟ ପୋଲିସର ସ୍ପେଶାଲ କ୍ରାଇମ ୟୁନିଟ ।