ନୂଆଦିଲ୍ଲୀ: ଅଧିକାଂଶ ସମୟରେ ଆପଣମାନେ ଶୁଣିଥିବେ, ଡଲାର ବଢ଼ିଲେ ଟଙ୍କା ଆମେରିକା ଆଡ଼କୁ ବଢ଼ିଯାଇଥାଏ । ସେହିପରି ଡଲାର ତଳକୁ ଖସିଲେ ଟଙ୍କା ବଢ଼ିଥିବା ବଜାରକୁ ପୁଣି ଫେରିଯାଇଥାଏ । ଭାରତୀୟ ବଜାର ପାଇଁ ବିଦେଶୀ ନିବେଶକ ଏକ ବଡ଼ ଭୂମିକା ନିର୍ବାହ କରିଥାନ୍ତି । ମାତ୍ର ଗତ କିଛି ଦିନ ହେଲା ଫରେନ ଇନଭେଷ୍ଟର୍ସଙ୍କ ଆଉଟଫ୍ଲୋ ବଢ଼ିବାରେ ଲାଗିଛି । କେବଳ ଜାନୁଆରୀ ମାସର କଥା ଯଦି କହିବା, NSDLର ତଥ୍ୟ ମୁତାବକ, ଗତ ମାସରେ ବିଦେଶୀ ପୋର୍ଟଫୋଲିଓ ନିବେଶକମାନେ ବଜାରରୁ ୭୭ ହଜାର କୋଟି ବିକ୍ରି କରିଛନ୍ତି । ବିଦେଶୀ ନିବେଶକ ଭାରତୀୟ ବଜାରରୁ ନିଜର ଅର୍ଥ ଉଠାଇ ଅନ୍ୟ ଦେଶର ବଜାରରେ ଲଗାଇଛନ୍ତି । ତେଣୁ ଏପରି କାହିଁକି ଘଟୁଛି ସେନେଇ ଦେଶବାସୀଙ୍କ ମନରେ ପ୍ରଶ୍ନ ଉଠିବା ଆବଶ୍ୟକ । ଏହା ପଛର କାରଣ ବିଷୟରେ କହିଛନ୍ତି ଏକ୍ସପର୍ଟ ।
ଗତ ଜାନୁଆରୀ ମାସରେ ବିଦେଶୀ ସଂସ୍ଥାଗତ ନିବେଶକ (FII) ଭାରତୀୟ ଶେୟାର ବଜାରରୁ ୭୭ ହଜାର କୋଟି ଟଙ୍କାରୁ ଅଧିକ ବିକ୍ରି କରିଛନ୍ତି । ୩ ମାସରେ ୧.୭୭ ଲକ୍ଷ କୋଟି ଟଙ୍କା ବିକ୍ରି ହୋଇଛି । ଏକ୍ସପର୍ଟଙ୍କ ମୁତାବକ, FIIsର ପ୍ରାଥମିକତା ହାଇ ରିଟର୍ଣ୍ଣ ହୋଇଥାଏ । ବିଦେଶୀ ନିବେଶକ ବଜାରେ ସ୍ଥିରତା, ଲିକ୍ବିଡିଟୀ ଓ ଟ୍ୟାକ୍ସ ସହ ଜଡ଼ିତ ଆଦି ବିଷୟକୁ ଦେଖି ବଜାରରୁ ନିବେଶର ଅର୍ଥ ଫେରାଇ ନେଉଛନ୍ତି । ଗତ ୨୦ ବର୍ଷରେ ନିଫ୍ଟୀରେ ଆଭରେଜ ୧୪.୫ ପ୍ରତିଶତ ରିଟର୍ଣ୍ଣ ପ୍ରତି ବର୍ଷ ମିଳୁଛି, ଯାହାକି ଦେଖିବାକୁ ବହୁତ ଆକର୍ଷକ ଲାଗିଥାଏ । ମାତ୍ର ଯେତେବେଳେ ଏହାକୁ ଡଲାରରେ ଦେଖାଯାଏ, ତାହା ସେତେଟା ଦେଖାଯାଇନଥାଏ । କାରଣ ୨୦ ବର୍ଷ ପୂବର୍ରୁ ୧ ଡଲାର ୪୦ ଟଙ୍କାର ଥିଲା, ମାତ୍ର ଏବେ ତାହା ୮୭ ଟଙ୍କା ହୋଇଯାଇଛି । ଅର୍ଥାତ ଟଙ୍କାର ମୂଲ୍ୟ ଅଧାରୁ ବି କମ୍ ହାଇଯାଇଛି ।
ଅନ୍ୟପକ୍ଷରେ FIIs ଡଲାରରେ ନିବେଶ କରିଥାନ୍ତି ଓ ଡଲାରରେ ଉଠାଇଥାନ୍ତି । ତେଣୁ ହ୍ରାସ ଦ୍ବାରା ସେମାନଙ୍କର ରିଟର୍ଣ୍ଣ ଉପରେ ପ୍ରଭାବ ପଡ଼ିଥାଏ । FIIsଙ୍କୁ ଡଲାରେ ଫାଇଦା ହୋଇଥାଏ । ସେଥିପାଇଁ ସେମାନେ ହ୍ରାସ ସମୟରେ ନିଜର ଅର୍ଥ ଉଠାଇ ନେଇଥାନ୍ତି, କାରଣ ସେମାନଙ୍କୁ ସେତେଟା ରିଟର୍ଣ୍ଣ ମିଳିନଥାଏ । ଟଙ୍କାର ନିମ୍ନମୁଖୀ ବ୍ୟତୀତ FIIsଙ୍କୁ ଭାରତରେ ଅନ୍ୟ ଏକ ସମସ୍ୟା ରହିଛି । ସେହି କାରଣରୁ ସେମାନେ ଅର୍ଥ କାଢ଼ି ନିଅନ୍ତି । FIIs ଆଗରେ ଭାରତର ଟ୍ୟାକ୍ସ ସିଷ୍ଟମ ମଧ୍ୟ ଏକ ସମସ୍ୟା । ଭାରତରେ ନିବେଶ କଲେ ବିଦେଶୀ ନିବେଶକଙ୍କୁ ଲଙ୍ଗ ଟର୍ମରେ ୧୨.୫ ପ୍ରତିଶତ ଗେନ ଟ୍ୟାକ୍ସ ଦେବାକୁ ପଡ଼ିଥାଏ । ଅନ୍ୟପକ୍ଷରେ ଆମେରିକାରେ ନିବେଶ କଲେ ତାଙ୍କୁ ବିଲକୁଲ ଟ୍ୟାକ୍ସ ଦେବାର ଆବଶ୍ୟକତା ପଡ଼ିନଥାଏ ।
