ନନ୍ଦିଘୋଷ ବ୍ୟୁରୋ: ରଙ୍ଗୀନ ମିଜାଜ ସହିତ ରୋମାଣ୍ଟିକ ବ୍ୟକ୍ତିତ୍ବ । ପ୍ରେମର ସୌଦାଗର, ସୁନ୍ଦରୀଙ୍କ ରସିକ ନାଗର । ଅନ୍ବେଶତ ରାଣୀଙ୍କ ରାଜା ଡୋନାଲ୍ଡ ଟ୍ରମ୍ପ । ସଫଳ ବ୍ୟବସାୟୀ ବିବାଦୀୟ ରାଜନୀତିଜ୍ଞ ।ଆଜ୍ଞା ହଁ ଆମେରିକାରେ ରାଷ୍ଟ୍ରପତି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ଡୋନାଲ୍ଡ ଟ୍ରମ୍ପଙ୍କ ବ୍ୟକ୍ତିତ୍ୱ ଅତ୍ୟନ୍ତ ରଙ୍ଗୀନ। ତାଙ୍କ ନାମ ସବୁବେଳେ ସୁନ୍ଦର ମହିଳାଙ୍କ ସହ ଜଡିତ ରହିଆସିଛି। ସେ କେବଳ ତିନିଥର ବିବାହ କରିନାହାଁନ୍ତି, ବରଂ ଅନେକ ଗର୍ଲଫ୍ରେଣ୍ଡଙ୍କର ବୟଫ୍ରେଣ୍ଡ ମଧ୍ୟ ସାଜିଛନ୍ତି । ଟ୍ରମ୍ପଙ୍କ ତିନୋଟି ବିବାହରୁ ପାଞ୍ଚଟି ସନ୍ତାନ ଅଛନ୍ତି । ଦିନ ଥିଲା ସେ ଖାଲି ପ୍ରେମରେ ଉବୁଟୁବୁ ହେଉଥିଲେ । ତାଙ୍କ ନାମ ସର୍ବଦା ମହିଳାମାନଙ୍କ ସହ ଯୋଡା ଯାଉଥିଲା । ବଡ ବଡ ମଡେଲଠୁ ଆରମ୍ଭ କରି ଖେଳାଳୀଙ୍କୁ ତାଙ୍କ ପ୍ରେମରେ ପକାଇଛନ୍ତି । ତେବେ ଆସନ୍ତୁ ଜାଣିବା ୭୮ବର୍ଷୀୟ ଡୋନାଲ୍ଡ ଟ୍ରମ୍ପଙ୍କ ପ୍ରେମ ଜୀବନ ବିଷୟରେ…
ଇଭାନା ପ୍ରଥମ ପତ୍ନୀ
ଇଭାନା ଟ୍ରମ୍ପଙ୍କର ପ୍ରଥମ ପ୍ରେମ ଥିଲେ କି ନାହିଁ ତାହା ଜଣାନାହିଁ କିନ୍ତୁ ସେ ତାଙ୍କର ପ୍ରଥମ ପତ୍ନୀ ଥିଲେ । ପ୍ରେମ ମାମଲାରେ ଟ୍ରମ୍ପଙ୍କୁ ଟକ୍କର ଦିଅନ୍ତି ତାଙ୍କ ପ୍ରଥମ ପତ୍ନୀ ଇଭାନା । ଟ୍ରମ୍ପଙ୍କ ଭଳି ସେ ମଧ୍ୟ ତିନିଥର ବିବାହ କରିଛନ୍ତି । ୧୯୭୬ମସିହାରେ ଡୋନାଲ୍ଡ ଟ୍ରମ୍ପଙ୍କୁ ଭେଟିବା ପୂର୍ବରୁ ଇଭାନା ବିବାହ କରି ସାରିଥିଲେ । ପ୍ରଥମ ସ୍ୱାମୀଙ୍କୁ ଛାଡ଼ପତ୍ର ଦେଇ ସେ ଟ୍ରମ୍ପଙ୍କ ପ୍ରଥମ ପତ୍ନୀ ହୋଇଥିଲେ । କିନ୍ତୁ ବିବାହ ମାତ୍ର ୧୪ ବର୍ଷ ଚାଲିଥିଲା । ପ୍ରେମ ଭ୍ରମର ଟ୍ରମ୍ପ ୧୯୮୯ରେ ମାର୍ଲା ମାପଲେସ୍ ପ୍ରେମରେ ପଡ଼ିଥିଲେ । ଏହାପରେ ପତି-ପତ୍ନୀଙ୍କ ମଧ୍ୟରେ ତୃତୀୟ ଜଣଙ୍କୁ ନେଇ ଆରମ୍ଭ ହୋଇଥିଲା ପାଲା । ପାଲାର ଅନ୍ତିମ ଅଧ୍ୟାୟ ଥିଲା ୧୯୯୨ରେ ଟ୍ରମ୍ପ-ଇଭାନ ବିବାହ ବିଛେଦ । ୨ ବର୍ଷ ତଳେ ୨୦୨୨ରେ ଇଭାନଙ୍କର ମୃତ୍ୟୁ ହୋଇଛି । ଟ୍ରମ୍ପ ରାଷ୍ଟ୍ରପତି ହେବା ପରେ ଇଭାନାଙ୍କୁ ଚେକ୍ ରିପବ୍ଲିକ୍ ପାଇଁ ଆମେରିକୀୟ ରାଷ୍ଚ୍ରଦୂତ କରିବାକୁ ଚାହୁଁଥିଲେ । ଅଫର ପାଇଁ ଇଭାନା ତାଙ୍କୁ ଥ୍ୟାଙ୍କ ୟୁ କହି ମନା କରିଦେଇଥିଲେ ।
ମାର୍ଲାଙ୍କ ସହ ବିବାହ ବିଚ୍ଛେଦ
ଇଭାନାଙ୍କ ଠାରୁ ଅଲଗା ହେବା ପରେ ଟ୍ରମ୍ପ ମାର୍ଲା ମାପଲେସଙ୍କୁ୧୯୯୩ରେ ବିବାହ କରିଥିଲେ । ମାର୍ଲାଙ୍କ ପ୍ରେମରେ ଉବୁଟୁବୁ ଟ୍ରମ୍ପଙ୍କ ପ୍ରେମର କିନ୍ତୁ ମାତ୍ର ୬ ବର୍ଷରେ ଇତିଶ୍ରୀ ହୋଇଥିଲା । କାରଣ ମାର୍ଲା ଟ୍ରମ୍ପଙ୍କର ଜଣେ ବଡ଼ିଗାର୍ଡ୍ ସହ ତୁଫାନୀ ପ୍ରେମରେ ମାତିଥିଲେ । ଟ୍ରମ୍ପଙ୍କ ପାଇଁ ଏହା ଅସହନୀୟ ଥିଲା ଓ ୧୯୯୯ରେ ସେ ମାର୍ଲାଙ୍କଠାରୁ ଅଲଗା ହୋଇଯାଇଥିଲେ ।
ଫ୍ୟାସନ ମେଳାରେ ମିଳିଲେ ମେଲାନିଆ
ଦୁଇ ପତ୍ନୀଙ୍କଠାରୁ ଅଲଗା ହୋଇ ଟ୍ରମ୍ପ ବେଶିଦିନ ଏକାକୀ ରହିନଥିଲେ । ନୂଆ ସହସ୍ରାବଦ୍ଦୀ ଆସିବା ସହ ଟ୍ରମ୍ପଙ୍କ ଜୀବନକୁ ଆସିଲେ ମେଲାନିଆ । ନ୍ୟୁୟର୍କ ଫେସନ ୱିକରେ ଟ୍ରମ୍ପ-ମେଲାନିଆଙ୍କ ଆଖି ମିଶିଥିଲା । ଆଉ ଟ୍ରମ୍ପଙ୍କୁ ପ୍ରେମରେ ପଡ଼ିବାକୁ ଅଧିକ ସମୟ ଲାଗିନଥିଲା । ୫୨ ବର୍ଷୀୟ ଟ୍ରମ୍ପ ୨୮ ବର୍ଷୀୟା ମେଲାନିଆଙ୍କୁ ହୃଦୟ ଦେଇଦେଲେ । କଥାବାର୍ତ୍ତାର ମାତ୍ର ୫ ମିନିଟ ପରେ ଟ୍ରମ୍ପ,ମେଲାନିଆଙ୍କୁ ପଚାରିଥିଲେ.. ହ୍ୱାଟ୍ ଇଜ୍ ୟୋର ମୋବାଇଲ୍ ନମ୍ବର ? ମାନେ ପ୍ରେମ ଘଣ୍ଟି ବାଜି ସାରିଥିଲା । ତେବେ ପ୍ରେମ ବିବାହର ରୂପ ନେବାକୁ କିଛି ଦିନ ଲାଗିଥିଲା । ଟ୍ରମ୍ପ୍ ମେଲାନିଆଙ୍କୁ ୧.୫ ମିଲିୟନ ଡଲାର ମୂଲ୍ୟର ହିରାମୁଦି ଦେଇ ପ୍ରପୋଜ୍ କରିଥିଲେ । ୨୨ ଜାନୁଆରୀ ୨୦୦୫ରେ ଟ୍ରମ୍ପ୍-ମେଲାନିଆଙ୍କ ବିବାହ ହୋଇଥିଲା । ଟ୍ରମ୍ପଙ୍କୁ ବିବାହ କରିବାର ବର୍ଷକ ପରେ ମେଲାନିଆ ଆମେରିକାର ନାଗରିକତ୍ୱ ପାଇଥିଲେ । ଆଉ କିଛି ବର୍ଷ ପରେ ହ୍ୱାଇଟ୍ ହାଉସ ହୋଇଥିଲା ତାଙ୍କ ଠିକଣା ।
ଗର୍ଲଫ୍ରେଣ୍ଡମାନଙ୍କର ଲମ୍ବା ତାଲିକା
ଟ୍ରମ୍ପଙ୍କ ଅଫିସିଆଲ ତିନି ବିବାହ ବାଦ ବି ଅସ୍ଥାୟୀ ଗର୍ଲଫ୍ରେଣ୍ଡଙ୍କ ଲମ୍ବା ତାଲିକା ମଧ୍ୟ ଅଛି | ମଡେଲ କାଇଲି ବାକ୍ସ,ଆଲିସନ ଜିଆନିନି ତାଙ୍କ ଟେମ୍ପରାରି ଗର୍ଲଫ୍ରେଣ୍ଡ୍ ଥିଲେ । ଏହି ଦୁଇ ଜଣଙ୍କ ପରେ ୨୦୦୧ରେ କାରା ୟଙ୍ଗଙ୍କୁ ମଧ୍ୟ ଟ୍ରମ୍ପ କିଛିଦିନ ଡେଟିଂ କରିଥିଲେ । ତେବେ ଦୁଇ ବର୍ଷ ପରେ ଦୁହେଁ ଅଲଗା ହୋଇଯାଇଥିଲେ । ରୋଏନ୍ ବ୍ରେୱର୍ ଲେନ୍ ନାମକ ଜଣେ ମଡେଲ, ଅଭିନେତ୍ରୀ ଆନ୍ନା ନିକୋଲ ସ୍ମିଥଙ୍କୁ ମଧ୍ୟ ଟ୍ରମ୍ପ କିଛିଦିନ ଡେଟିଂ କରିଥିଲେ । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ୯୦ ଦଶକର ପ୍ରସିଦ୍ଧ ଟେନିସ୍ ଖେଳାଳି ଆର୍ଜେଣ୍ଟିନାର ଗାବ୍ରିଏଲା ସାବାଟିନି ମଧ୍ୟ ଟ୍ରମ୍ପଙ୍କ ଗର୍ଲଫ୍ରେଣ୍ଡ ଥିଲେ। ଏହି ବନ୍ଧୁତା ୧୯୮୯ ରେ ଆରମ୍ଭ ହୋଇଥିଲା, କିନ୍ତୁ ଏହାର ଆୟୁ ମାତ୍ର ଏକ ମାସ ଥିଲା ।
